ماكينات تعبئة العصير في عبوات واكياس من شركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : أيوه يا أستاذنا إحنا آسفين لإزعاجك يا ريس
المهندس منسي : لا ولا يهمك
العميل : بقولك يا فندم أنا محتاج منك ماكينة تعبئة عصير
المهندس منسي : عايز تعبيها في عبوات ولا أكياس؟
العميل : والله دي أو دي أنا بكملك من الكويت عموماً
المهندس منسي : هوه في مكن تعبئة عبوات بالنسبة للعبوات وبالنسبة للأكياس، بالنسبة للأكياس عامله 35 مصري
العميل : تمام… دي اللي بـ 1
المهندس منسي : لأ دي أتوماتيك كامله بتعمل ….الأتوماتيك كامله بتعمل 35 ألف
العميل : آه… طيب بتعمل كام كيس في الساعة؟
المهندس منسي : هي عملية كام كيس في الساعة غلط إنك تقولها لسبب بسيط، لأنه هوه إنت بتعتمد على الكيس مش بتعتمد على المكنة، المكنة بنتكلم في 80 كيس في الدقيقة يعني 3600 كيس في الساعة، بس هل الخامة اللي إنت هتعبيها تتلحم على الوقت ده ولا لأ؟؟ بس فهمتني
العميل : طب أرجعلك أنا في خبرة زي كده برده
المهندس منسي : آه
العميل : الأفضل كحاجة قوية كواليتي قوية ولا ضعيفة ولا متوسط؟
المهندس منسي : بص هوه إحنا ماركة والحمد لله ماركة منتشرة في السوق وشغالة ومافيش عندنا أدنى مشكلة، العملية عملية إن هوه الناس عندها إعتقاد خاطئ بأنه السعر بيحدد الجودة، ده اعتقاد خاطئ، طب يعني سهل قوي أقول المكنة أم 35 أقول بـ 75 ولا تفرق، ونعمل فرع تاني، ما هو إحنا عندنا بدل الفرع 9، نعمل فرع للمكن تاني، ونخلي دي عندنا أم 35 نخليها برده بـ 75، واللي عايز ياخد أغلى مننا نديله بـ 75 ولا تفرق، بس في الآخر إحنا بنعامل ضميرنا ودي أمانة تصنيع
العميل : أكيد طبعاً
المهندس منسي : أمانة حرفة وأمانة مهنة، فلازم نراعي ضميرنا فيها عشان ربنا يبارلك لنا فيها
العميل : شيء طبيعي كلام حضرتك مضبوط
المهندس منسي : يعني ياما ناس خدوا من عندنا مكن وباعوه دبل السعر، يعلم ربنا
العميل : بص اللي عايزين ناخده والله إحنا عندنا المكان بتاعنا عندنا مثلاً زي 5 أراريط أرض كده مكان كويس حيوي جنب محافظة الشرقية إنت عارف إن عدد التعبئة سوقها قوي، تمام.. فعايزين نعملها، بس مثلاً هنستخدم ماكينة ماكينتين في الأول أو 3 لغاية ما نعمل عملية توزيع والعملية تنتشر بس هي الفكرة في كده، إنت عندك مكونات وعندك وعندك وعندك فأنا بكلم حضرتك بحيث لما أنا كده هتلاقيني بعتلك الناس الأسبوع الجاي يخلصوا معاك في ماكينتين كده
المهندس منسي : إن شاء الله
العميل : بس هي الفكرة الأفضل ليك إنت يعني أو إن أنا آجي أخودها منك الخامة خامة الكيس اللي هيلحم على الماكينة إيه تنصح بإيه؟
المهندس منسي : لا هوه المفروض بيكون في خامة خاصة بالعصير، اسمها استر ألومنيوم بولي إيثيلين، أقل من كده غلط وأكتر من كده تكلفة زيادة، يعني أقل من كده غلط على المنتج اللي جوه، لأن المنتج اللي جوه ده أحماض ممكن يحصلها تفاعلات، وأكتر من كده تكلفة زيادة، فهي الخامة عندنا ما تقلقش، يعني بنطبع، ولو مش عايز تتطبع عندنا وتطبع عند الغير ولا أي حاجة…
العميل : أنا لو هتعامل معاك هتعامل معاك في كل حاجة بقى هيبقى في ثقة متبادلة بيني وبينك هتعامل معاك
المهندس منسي : إن شاء الله
العميل : تمام.. طيب إحنا دلوقتي لو أنا عوزت منك 3 مكاين في هل نظام أقساط عندك؟
المهندس منسي : لا للأسف كل شغلنا كاش
العميل : طيب لو إحنا خدنا مثلاً ماكينتين كاش، وحبينا مثلاً نأجل التانية إحنا هنوقعلك على ورق عادي وتبقى عارف المقر أصلا المكان…
المهندس منسي : لا إحنا شغلنا كله كاش يعلم ربنا إحنا أرخص سعر….
العميل : يعني تبدأ معانا…
المهندس منسي : إحنا أرخص سعر في العالم كله مش في مصر بس، لأن إحنا أردي عندنا فرع ببيع مكن في قلب الصين، وفرع هنفتحه بإذن الله الأسبوع الجاي ببيع مكن في هونج كونج واخد بالك، والفروع متوالية إن شاء الله ناوين نفتح في أوكرانيا وفي إيطاليا إن شاء الله
العميل : ربنا يزيدكم، يعني مش فارقة مكنة ولا 2 كده
المهندس منسي : يعلم ربنا إن إحنا كل شغلنا كاش، معندناش نظام قسط
العميل : طيب ماشي بسيطة، مافيش مشكلة، يعني بالنسبة للصيانة وبالنسبة للتصليحات
المهندس منسي : إحنا عندنا 16 مهندس قاعدين لخدمة حضرتك، وعندنا…
العميل : طب مثلاً لو في أعطال…
المهندس منسي : إحنا اللي مصنعين مش روحنا جيبنا مكن وتننا جايين نبيعه، لأ إحنا اللي مصنعين
العميل : ده الصح.. ده الصح…
المهندس منسي : آه إحنا مصنعين قطع الغيار في الصين وجمعناها وكملناها عندنا على الأقل 30% مكملنها في مصر واخد بالك
العميل : يا سيدي ده أفضل حاجة …..
المهندس منسي : يعني المكنة ما شاء الله مشغلا نفسها بنفسها، يعني بتحدى إن اللي هيشتغل عليها يبقى مهندس مكنته في 6 أشهر
العميل : يعني أنا…
المهندس منسي : ولكن الناس قاعده مستنيينه، يتمنوا بيتمنوا يطلعوا لأنه في الآخر فايدة ليهم لما يطلعوا
العميل : أكيد، طب دلوقتي لو أنا حابب أني أبدأ معاك مثلاً بماكنتين مثلاً
المهندس منسي : إن شاء الله
العميل : مش هتكرمنا شويه في السعر ولا…
المهندس منسي : آه المكنة التانية عليها 5%
العميل : آه…
المهندس منسي : إحنا مش بنقدمها كخصم تجاري، إحنا بنقدمها كخصم خدمة ما بعد البيع، ليه؟؟ علشان خاطر المهندس اللي كان بيجيلك عشان خاطر بيصين مكنة، بيبص على التانية بالمرة
العميل : أكيد
المهندس منسي : فدي فائدة عادت علينا بنديهالك، هتلاقي شغلنا عامل زي الميكانيكا شويه شغلنا شارب شويه، كلامنا عامل زي التروس بتحتك ببعضها شويه، ولكن في الآخر هترتاح لأنك بتتعامل مع مهندس، مش بتتعامل مع تاجر، مش بتتعامل مع واحد….
العميل : يا سيدي مش ده اللي يهمني، أنا اللي يهمني إني آخد ماكينة لما يحصل فيها مشكلة ألاقي حد يجي يعملهالي
المهندس منسي : أكيد.. أكيد إن شاء الله مش هتلاقي في مشكلة
العميل : إنت عارف مشروع الواحد لسه داخله، هيبذل شويه مجهود في الأول وشوية توزيع وشويه ناس تتخرج وتروح وتيجي، بس فهي الفكرة كلها إن إحنا لا قدر الله حصل أي حاجة نبقى نتصل عليك مكنة حد يشوفها
المهندس منسي : إن شاء الله
العميل : خلاص أنا هسجل رقم الواتس عندي وأنا خلال أسبوعين إن شاء الله هكون درست المشروع وكل حاجة وهنكون إن شاء الله كلمنا حضرتك كده وتضبطلنا الدنيا كده إن شاء الله
المهندس منسي : ماشي يا غالي
العميل : ماشي يا باشا
المهندس منسي : ماشي يا حبيبي في رعاية الله
