ماكينات تعبئة الكريمات والبلسم النص اتوماتيك من شركة المهندس منسي
| العميل | : | السلام عليكم |
| المهندس منسي | : | عليكم السلام ورحمة الله وبركاته |
| العميل | : | شركة المهندس منسي |
| المهندس منسي | : | أيوه |
| العميل | : | حضرتك بتصنع المكن بتاع تعبئة السوائل |
| المهندس منسي | : | إن شاء الله |
| العميل | : | طيب المكنة اللي بتعبي الكريمات والبلسم والجيل والحاجات دي؟ |
| المهندس منسي | : | آه إن شاء الله |
| العميل | : | طيب أنا كنت عايز أعرف سعر المكنة اللي هي نزل واحد نص أتوماتيك بالنسبة للكريمات والبلسم والحاجات ديت |
| المهندس منسي | : | ما هو الأسعار بتبدأ من |
| العميل | : | طب إنت كل اللي عندك نص أتوماتيك، مافيش يدوي؟ |
| المهندس منسي | : | يدوي إزاي؟؟ يدوي يبقى بالإيد |
| العميل | : | ما هو في النص أتوماتيك اللي هي بالكمبروسر، وفي اليدوي اللي هي بالإيد |
| المهندس منسي | : | مش عارف بالإيد إزاي؟؟ هو اللي موجود نص أتوماتيك وأتوماتيك |
| العميل | : | أنا عارف بتاعت النص أتوماتيك، في نازل منها بالإيد يدوي |
| المهندس منسي | : | هو اللي عندي نص أتوماتيك وأتوماتيك |
| العميل | : | أصل أنا عايز حاجة على الأد عشان أنا لسه ببدأ |
| المهندس منسي | : | آه هي سعرها يعني 14400 جنيه |
| العميل | : | اللي هي الكريمات والبلسم والجيل مش كده؟ |
| المهندس منسي | : | البلسم والجيل ممكن تاخد ليهم مكنة بـ |
| العميل | : | طب بص حضرتك إنت في باب الشعرية مش كده؟ |
| المهندس منسي | : | آه |
| العميل | : | عند مدرسة البنات صح؟ |
| المهندس منسي | : | أيوه |
| العميل | : | حضرتك بتبقى فاتح من الساعة كام؟ |
| المهندس منسي | : | إحنا شغالين دايماً من 11 صباحاً إلى 9 مساء طول أيام الأسبوع ماعدا يوم الجمعة الأجازة الأسبوعية |
| العميل | : | عموماً أنا جنبك في باب الشعرية برده، أنا بس اتفاجأت دلوقتي لما لقيت على النت، أنا جنبك عارف درب أجور |
| المهندس منسي | : | آه عارفه آه |
| العميل | : | أنا في درب أجور، أنا هاجي لحضرتك وأبص.. مش المكن موجود عند حضرتك؟ |
| المهندس منسي | : | إن شاء الله |
| العميل | : | خلاص هنيجي ونبص.. طبعاً عندك القلاب والحاجات دي برده؟ |
| المهندس منسي | : | عندنا قلابات آه، لما تروح اتفرج على كل المكن، في مكنة ديسك توب، وفي مكنة نيوماتيك، الديسك توب دي من غير كمبروسر، بـ بس |
| العميل | : | تصدق أنا كنت هعمل المكن ده بعيد عن هنا، بس سبحان الله لقيتك جنبي فقلت كده أفضل يعني |
| المهندس منسي | : | لا تيجي تنورنا |
| العميل | : | خلاص ربنا يبارك فيك، أنا هجيلك إن شاء الله أنا وابن أخويا النهاردة ونشوف الحاجة بعنينا ونشوف إيه اللي هنيفع معانا |
| المهندس منسي | : | تيجي تنورنا |
| العميل | : | مين معايا؟ |
| المهندس منسي | : | المهندس منسي معاك |
| العميل | : | أهلاً وسهلاً، حصلنا الشرف يا باش مهندس، نهارك أبيض، مع السلامة |
| المهندس منسي | : | مع السلامة |
