ماكينات تعبئة اللوليتا الاتوماتيك والنص اتوماتيك من شركة المهندس منسي

العميل	:	السلام عليكم
المهندس منسي	:	عليكم السلام ورحمة الله وبركاته
العميل	:	شركة المهندس منسي
المهندس منسي	:	أيوه
العميل	:	كنت بسأل على مكنة لوليتا
المهندس منسي	:	موجودة آه نص أتوماتيك، وفي منها أتوماتيك، إنت هتعبي لوليتا إيه أكياس ولا إيه؟
العميل	:	آه آكياس
المهندس منسي	:	أكياس جاهزة ولا…
العميل	:	رول
المهندس منسي	:	إنت عايزها أتوماتيك ولا نص أتوماتيك
العميل	:	النص أتوماتيك دي بتعمل إيه وما بتعملش إيه؟
المهندس منسي	:	حضرتك شرفنا بالزيارة اتفرج على الحاجة موجودة بضاعة حاضرة
العميل	:	طب العنوان فين؟
المهندس منسي	:	إحنا عندنا باب الشعرية، حدائق القبة، مدينة نصر، 6 أكتوبر، غمرة، العبور
العميل	:	غمرة ده اللي هو قبل الكوبري على طول
المهندس منسي	:	آه تحت الكوبري
العميل	:	لا من ناحية مسطرد قبل الكوبري
المهندس منسي	:	آه إنت شفت اليافطة بتاعتنا
العميل	:	آه شفتها بس ما أعرفش فين بالضبط
المهندس منسي	:	آه.. فوق هيبر الشرقية
العميل	:	تمام يا باشا، طب واعيدكم من كام لكام؟
المهندس منسي	:	من 11-9
العميل	:	النهاردة شغالين؟
المهندس منسي	:	إن شاء الله
العميل	:	طب حضرتك موجود في الفرع ده ولا في فرع  تاني حضرتك؟
المهندس منسي	:	أنا بلف على الفروع كلها
العميل	:	في تسهيلات في الدفع ولا كله كاش؟
المهندس منسي	:	لا كله كاش
العميل	:	يا عم إحنا شباب خريجين
المهندس منسي	:	ربنا ييسر لك أمورك، أنا كنت شباب خريجين زيك كده من 10 سنين فاتوا ويا دوب ابتديت بسحلولة، والحمد لله ربنا أنعم عليا
المهندس منسي	:	عندنا كل حاجة، ما تقلقش
العميل	:	إن شاء الله، ساعة وأكون في فرع غمرة، ألف شكر يا باشا، السلام عليكم