ماكينات تعبئة وتغليف العبوات ولصق الاستيكر من شركة المهندس منسي

العميل : سلام عليكم

مهندس منسي : عليكم السلام ورحمة الله وبركاته

العميل : كل سنة وحضرتك طيبيين

مهندس مسني : وحضرتك طيب

العميل : لو سمحت كنت بسأل على ماكينة لصق الاستيكر

مهندس مسني : آه

العميل : دي النص أتوماتيك بتلصق دائري جميع الأحجام صح؟

مهندس منسي : إن شاء الله

العميل : دي بكام يا فندم؟

مهندس منسي : ، يعني 10000 جنيه مصري

العميل : طب تمام، طب واللي هوه الاستيكر اللي مش دائري اللي هوه بالطول يعني

مهندس منسي : دي مكنة تانية

العميل : بكام دي؟

مهندس منسي : تعمل ، يعني 15000 جنيه

العميل : دي أغلى من دي

مهندس منسي : آه

العميل : تمام… اللهم صلي على سيدنا محمد، طيب معلش أنا آسف لو بزعج حضرتك، في بقى اللي هوه خط الصابون السائل النص أتوماتيك

مهندس منسي : آه.. ده طاقات إنتاجية مختلفة

العميل : تمام..

مهندس منسي : يعني في طاقة اللي هي 100 كيلو في الساعة، وفي طاقة ربع طن في الساعة، وفي 500 كيلو في الساعة، وفي طن في الساعة، وفي 5 طن في الساعة

العميل : ده خلط وتعبئة صح؟

مهندس منسي : آه ما هوه الصابون السائل ما هو إلا خلط وتعبئة، مافيش أكتر من كده

العميل : طب المكنة بنستخدمها في الصابون السائل بس، ولا ممكن نستخدمها في الشامبو والشاور والحاجات دي

مهندس منسي : كل السوائل…

العميل : كل السوائل جميع قوي، طب بكام دي يا فندم، نبتدي من الأول اللي هي 100 كيلو في الساعة؟

مهندس منسي : اللي هي 100 كيلو بتاخد مكسر 50 كيلو معاها، إنت هتعبي في أكياس ولا في عبوات؟

العميل : عبوات

مهندس منسي : العبوات هتبقى مقاساتها كام × كام؟ لغاية كام؟

العميل : من أول 500 مللي لغاية 3 ـ 4 لتر

مهندس منسي : لأ هوه حدد شويه أكتر من كده، أصل إنت كده وسعت الفجوة قوي، يعني مثلاً نقول مثلاً من 100 مللي لغاية 1000 مللي

العميل : أوكيه ماشي دي كويسة تمام

مهندس منسي : آه.. نقول 50 كيلو بيعمل يعني 6000 جنيه

العميل : تمام… ممكن أكتب ورا حضرتك لحظة ولا احفظة علي الشات وابقي اكتبه بعدين بقي

مهندس منسي : طب هوه ممكن تبعتلي طلب استفسار على الإيميل وأنا أبعتلك الحاجات ديت ولا…

العميل : أنا آسف معلش النت عندي في مشكلة علي التليفون وأنا مش في القاهرة ولا معايا لاب ولا معايا كمبيوتر، أنا مسافر وبتصل بيك من الغردقة، ولا واخد معايا لاب ولا واخد معايا كمبيوتر، والتليفون عندي في مشكلة في النت يعني كل شوية بيقطع

مهندس منسي : الميكسر بـ

مهندس منسي : آه الميكسر اللي هوه 50 كيلو بـ

العميل : تمام.. ومكنة التعبئة

مهندس منسي : مكنة التعبئة اللي هي ديسك توب 451 دي تعملها في حدود حوالي 430 ، يعني 4300 جنيه، حوالي لغاية ما نتأكد

العميل : تمام.. دي بتعبي حوالي أد إيه في الساعة؟

مهندس منسي : لا دي مفتوحة، من أول 1 مللي لغاية ما شاء الله، يعني هي مكنة ديسك توب صغيرة يعني

العميل : آه… أنا بقول لحضرتك حوالي أد في الساعة حوالي كام لتر مثلاً، 100 لتر برده

مهندس منسي : لا تعبي أكتر يعني حوالي 1000 لتر في الساعة

العميل : بسم الله ما شاء الله

العميل : يعني دي ممكن أعبي من أول 100 مللي إن شاء لحد… من واحد مللي كمان

مهندس منسي : بس هي مكنة بسيطة مش إنتاجية، على أد مشروع هتبدأ بيه

العميل : ما هوه بص أنا هقول لحضرتك على حاجة، أنا أصلاً راجل صاحب مصنع ملابس، المشروع دوت أنا جهزته أنا بدأت مانيوال لغاية ما أشوف السوق لأن كنت قلت أنا معايا شريكي دكتور كيميائي كنت قلتله إحنا نجيب خط إنتاج، فقالي بص علشان أنا معيش فلوس، أنا داخل بفلوس وهوه بالخبرة يعني، فقالي بس عشان أبقى صادق معاك والأمانة نبدأ الأول مانيوال وبعد كده هات خط الإنتاج اللي إنت عايزه

العميل : فأنا برده بالنسبة لخط الإنتاج هبتدي بحاجة بسيطة وبعد كده نوسع براحتنا

مهندس منسي : خلاص ابدأ باللي هوه 50 لتر مع المكنة دي وخلصت على كده، لقيتها اتوسعت معاك ممكن تجيب من نفس المكسر مكسر تاني برده 50 لتر يبقى أنت كده خليتها 100، أو ممكن تشيل المكسر الـ 50 وتجيب الـ 100، أو تخلي المكسر الـ 50 وتجيب عليه 100 يبقى إنت بتتكلم 50+50 يبقى 100 في الساعة، و100+100 يبقى 200 في الساعة، يبقى إنت بتتكلم في 300 لتر

العميل : آه.. تمام، يعني مثلاً 8 ساعات يعمل 2.5 طن جميل

مهندس منسي : آه.. بس سوقهم وبعد كده ربنا يسهل

العميل : آه.. بنقول يا رب، تمام، طب وقفل الغطا

مهندس منسي : مكنة قفل الغطا بـ ، 2000 جنيه مصري

العميل : بتقفل أي غطا يا فندم جميع الأحجام

مهندس منسي : إن شاء الله

العميل : البضاعة دي حاضرة يا باشا ولا…

مهندس منسي : إن شاء الله بضاعة حاضرة

العميل : طيب ما اتشرفتش باسم سعادتك

مهندس منسي : المهندس منسي

العميل : حضرتك بنفسك ولا دي شركة

مهندس منسي : ما هوه الاسم على اسم الشركة

العميل : أيوه يعني حضرتك نفسك المهندس منسي

مهندس منسي : آه.. آه مؤسس الشركة

العميل : طب يا فندم أنا سعيد جداً إن أنا بكلمك، لأن أنا فعلاً قريت كتير عن المنتجات بتاعتك، يعني بصراحة حاجة تتعمل كده في مصر دي حاجة جميلة بصراحة، يعني حتى ما قرتش في الموضوع دوت، أنا قريت في مواضيع كتير يعني

مهندس منسي : اه تمام

العميل : بسم الله ما شاء الله ده إحنا نتشرف بيك يا باشا بجد والله

العميل : ماشي يا فندم أوكيه، يعني إحنا كده مثلاً يبقى محتاجين المكسر دوت ومكنة التعبئة ومكنة قفل الغطا، وبالنسبة للصق الاستيكر زي ما حضرتك قلت في بـ ، والتانية اللي هي المانيوال بكام؟

مهندس منسي : بـ 1800،

العميل : مفيش حاجة منها بسيطة كده؟

مهندس منسي : ممكن تعملها يدوي دلوقتي

العميل : يعني الناس تلصق بإديهم قصد حضرتك؟

مهندس منسي : بس إيه تعملها زاوية عشان خاطر تطلع مضبوطة، لأن هوه اليدوي ديت بيروح لاصقها كده فبتبقى مميله فبتوظ منظرها وشكلها بيبقى بايخ قوي

العميل : لأ حضرتك دي بتباع عندكم الزاوية ديت أو ممكن…

مهندس منسي : أعلمهالك، ممكن نقعد مع بعض وأشرحهالك بتتعمل إزاي وأعلمهالك

العميل : طب يعني هي بتبقى مكنة يعني؟

مهندس منسي : زاوية.. زاوية يعني حدود، يعني حد اللي هوه يمشي عليه، يعني حد يحط العبوة فيه وييجي يلصق الاستيكر تروح الحد ده ما تروحش لا شمال ولا يمين

العميل : آه.. تمام.. دي بتبقى تكلفتها حوالي كام يا فندم؟

مهندس منسي : لا.. لا أنا هقولك تعملها إزاي وإنت تعملها

العميل : آه.. تمام أوكيه، حضرتك بتبقى موجود في أنهي فرع بقى سعادتك بشخصك كده؟

مهندس منسي : هوه يوم السبت بيبقى في الفرع بتاع مدينة نصر، وطول أيام الأسبوع في الفرع بتاع باب الشعرية من 5-11

العميل : تمام طول أيام الأسبوع في باب الشعرية، جنبينا باب الشعرية أنا من الحدائق

العميل : ماشي يا باش مهندس أنا سعيد جداً إن أنا كلمتك شخصياً والله

مهندس منسي : الله يخليك شكرا

العميل : متشكر جداً اتفضل يا فندم