ماكينات تعبئة وتغليف سوائل فى عبوات من شركة المهندس منسى

العميل: سلام عليكم

المهندس منسى: عليكم السلام ورحمة الله وبركاته

العميل: الباش مهندس منسي معايا يا فندم

المهندس منسى: أيوه

العميل: إزيك يا باش مهندس معاك ميدو من الأقصر

المهندس منسى: أهلاً بيك

العميل: الله يخليك إزي حضرتك،أنا بعد إذنك شفت يا فندم اللي هوه الإعلان اللي على النت اللي هوه بتاع الجيل وكده

المهندس منسى: آه

العميل: كنت عايز أعرف إنتوا بتصنعوا عبوات ولا سايب، يعني خامات

المهندس منسى: خامات إيه؟؟؟

العميل: لجيل

المهندس منسى: آه… إحنا بنبيع المكن بتاع التعبئة والتغليف، وعندنا الخامات بتاعت الأكياس، وبنصنع برده العبوات

العميل: معلش لو عايز أستفسر عن مكنة تعمل….

المهندس منسى: أيوه يا غالي

العميل: عايز أستفسر عن مكنة تعبئة وتغليف تعمل كتير

المهندس منسى: إنت هتعبي إيه في عبوات ولا في أكياس؟

العميل: والله يا باش مهندس أنا عايز أشتغل في الـ 2 سواء أعبي، سواء آخد منك جاهز، أنا عايز أستفسر عن تمنها مثلاً ونشوف الدنيا، مثلاً مبدئياً هنخلي أكياس، لو تعبئة أكياس مثلاً

المهندس منسى: المكنة الأتوماتيك الكاملة عامله

العميل: تمام… هي دي في حاجة أقل من كده ولا دي الوسط…

المهندس منسى: ما هو الأكياس الأتوماتيك كاملة، في نص أتوماتيك بقى تعبي الأكياس وتعبي العبوات دي عامله 1350

العميل: إيه الفرق بين دي ودي يا فندم، يعني دي بتقولي نص أتوماتيك بتعبي أكياس والعبوات، طب التانية بتعمل إيه؟

المهندس منسى: بتعبي أكياس وبس، بس دي أتوماتيك كاملة

العميل: طب هي أنهي الأفضل، طبعاً الأتوماتيك كاملة طبعاً صح؟

المهندس منسى: أكيد

العميل: خلاص معلش أنا هطول عليك، أنا شايف النص أتوماتيك إنت بتقولي بتعبي أكياس وعبوات، طب ماشي إنت بتقولي التانية بتعبي أكياس بس

المهندس منسى: آه ما هي أتوماتيك كاملة

العميل: أنا مش واخد بالي معلش أتوماتيك كاملة إزاي يعني؟

المهندس منسى: كل اللي عليك إنك بتحطلها الرول بتاع الأكياس، وتحطلها الجيل في القادوس، وهي تاخد الجيل وتعبيه في أكياس أتوماتيك كاملة على طول

العميل: تمام.. تمام… والتانية مش بتعمل كده؟

المهندس منسى: التانية هتحطلها الكيس هي تعبيهولك، وتروح حطه

العميل: آه… آه…

المهندس منسى: تناولها الإزازة وهي تعبيها، وتروح حطه

العميل: تمام يا فندم، طب بالنسبة يا باش مهندس الخامات دي إن شاء الله لو ربنا وفقنا في المكنة نظامها إيه يعني؟ متاحة إن شاء الله

المهندس منسى: آه الحمد لله بفضل من ربنا

العميل: يعني مثلاً بتديني إنت مثلاً المعلومة اللي أنا بعمل بيها ولا بتديني خامات جاهزة

المهندس منسى: لا بنعرفك على الناس اللي هيعملولك جنبنا

العميل: جنبكم، طب خليك معايا يا فندم معلش كده إحنا قلنا النص أتوماتيك دي عامله 1350 ، طب معلش يا فندم ممكن تحسبهالي عندك لو معاك آلة ولا حاجة

المهندس منسى: لأ امسك ورقة وقلم واكتبها وشوف ال النهاردة بكام واحسب، يعني 13500 جنيه

العميل: ده على ال لو بـ 10 صح

المهندس منسى: آه…

العميل: طب لما أنزل إن شاء الله لو يعني تمام إن شاء الله اتوفقنا المكنة دي تيجي إمتى إن شاء الله

المهندس منسى: موجودة بضاعة حاضرة

العميل: طب معلش أنا آسف إن أنا بطول عليك شويه، بس أنا معرفش شكلها ولا حاجة، هي كبيرة مثلاً بتاخد مساحة؟

المهندس منسى: لا مش بتاخد مساحة ولا حاجة

العميل: آه… يعني مثلاً لو مكان التعبئة دكان صغير ماشي شقة ماشي..

المهندس منسى: آه عادي مافيش مشكلة

العميل: خلاص ماشي معلش أنا آسف قلقتك يا أ/ منسي تمام

المهندس منسى: لا خد راحتك

العميل: الله يخليك، طب هي إن شاء الله نص ساعة وهكلمك تاني

المهندس منسى: إن شاء الله

العميل: خلاص ماشي شكراً