ماكينات تعبئة وتغليف عصير من شركة المهندس منسى
العميل: سلام عليكم
المهندس منسى: عليكم السلام ورحمة الله وبركاته
العميل: كيف الحال يا باشا
المهندس منسى: مين معايا
العميل: والله معاك واحد من الصعيد بيستفسر عن مشوار شغال فيه جديد يعني
المهندس منسى: آه اتفضل
العميل: أنا بتصفح على النت دلوقتي المهم بنعمله مصنع عصير في سوهاج في مركز طهطا في المدينة الصناعية الجديدة اللي عندنا تمام،نستفسر عن معدات مصنع تعبئة الزجاجات، المهم عايزين نعرف أسعارها مثلاً، والشركات الصيني أو الكوري أو المتوفرة في السوق
المهندس منسى: آه… لأ هوه إحنا شركة، ماينفعش إني أقولك إحنا شركة والشركات اللي في السوق كذا، إنت بتقولي المكنات اللي عندكم مثلاً بتعبي عصير، أقولك آه المكن بتاعنا، إنما أقولك إحنا شركة وفي شركات زينا اسمها كذا، لأ
العميل: ماشي أنا عايز أعرف المعدات اللي متوفرة في السوق عندكم يعني
المهندس منسى: آه.. انا مسئول عن نفسي، إنما أتكلم عن غيري
العميل: لا أنا عايز أعرف اللي عندك إنت
المهندس منسى: إحنا عندنا كل المكن بتاع العصير، كله، من أول الخلط واخد بالك لغاية …
العميل: خط السير والتعبئة والتغليف
المهندس منسى: أيوه.. كله.. كله
العميل: أنا كنت حضرتك في ليبيا فيعني اتفرجت على كذا مصنع في طرابلس في مصانع ياما، فالخط بتاع الخلط الأولاني المصنع، والتعبئة والتغليف، لو مصنع صغير يعني أنا مش عايز الـ 80 ألف عبوة في اليوم والـ 50 ألف عبوة، عايز يعني شاب معايا حسبة يعني قرشين مش كتار أنا مش هقولك مليون ولا نص مليون جنيه عايز حاجة وسط، مش مكلفة للدرجة، فاهم عليا
المهندس منسى: آه.. في نص أتوماتيك وفي أتوماتيك
العميل: عايز المتوفق الوسط
المهندس منسى: ما هوه أنا بقول لحضرتك أهو، في نص أتوماتيك وفي أتوماتيك
العميل: النص أتوماتيك
المهندس منسى: آه.. النص أتوماتيك ديت، إنت هعبي أزايز عبوات إيه بالضبط، عايزها كام مللي
العميل: نفس ياهوو الموجودة في السوق كده
المهندس منسى: آه في حاجة صغنونة قوي كده شغل منزلي بتعمل المكنة دي بتعمل 350
العميل: مش شغل منزلي أنا عايز أعمل مصنع صغير
ده يبقى مكنة تانية إنتاجية شويه إنتاجية أعلى منها بتعمل 2000 عبوة في الساعة المهندس منسى: دي بتعمل
العميل: طب والخط بتاع التغليف كام سعره
المهندس منسى: اللي هوه التغليف أنهوا بقى
العميل: اللي هوه التعبئة في الأزايز التعبئة والتقفيل
المهندس منسى: ما هي دي مكنة التعبئة
العميل: طب ومكنة الخلط بتاعتها
المهندس منسى: الميكسر بقى أو مكنة الخلط بيبدأ برده من وفي حسب السعة، يعني إنت ممكن تخدلها ميكسر مثلاً سكت ، واخد بالك هيشغلها ويشغل مكنتين 3 كمان
العميل: يعني لو هعمل مثلاً مصنع تفاح عصير التفاح أو المانجو أو البرتقال متوفر عندنا في الصعيد، مثلاً الألف إزازة أو 1500 تتكلف عليا في حدود 30 ألف جنيه مثلاً
المهندس منسى: ألف إزازة ديت يبقى تاخد المكنة اللي هي المنزلية وخلاص، دي كفاية قوي عليك، ألف إزازة ديت حاجة بسيطة جداً جداً في عالم الصناعة
العميل: يعني تتكلف عليا في حدود كام
المهندس منسى: هي كلها بـ 350
العميل: تمام.. والتعبئة والتغليف
المهندس منسى: ما هوه إحنا كده عبينا، بعد كده بقى شوف إنت عايز تغلف إزاي وكده
العميل: تمام.. يعني يخش في حدود كام على بعضه
المهندس منسى: ما هوه أنا بقولك 350 والميكسر معاها مثلاً بـ يبقى كل الليلة… لا ميكسر بـ كتير عليها كمان، خد ميكسر صغير …
العميل: حسبت 10 آلاف جنيه مصري كده…
المهندس منسى: ثانية واحدة أشوفلك الميكسر الصغير بكام… هيبقى في حدود
العميل: كله على بعضه
المهندس منسى: لأ ده الخلاط اللي هيخلط الحاجة
العميل: طب واللي هتعبيلي الأزايز، أنا هعمل أزايز مثلاً، الأزايز نفسها…
المهندس منسى: آه ما أنا قلتلك اللي هتعبي الإزازة بـ 350 ، اللي هي المنزلي، واخد بالك
العميل: أنا مش عايز أعمل منزلي
المهندس منسى: يا عم ما هوه إنت هتعبي ألف إزازة، الألف إزازة ديت المنزلي هتفوقهم، هي هتعبيهملك في ساعتين
العميل: في ساعتين؟؟
المهندس منسى: آه… أصل ألف إزازة ده حاجة شغل منزلي مش شغل صناعي، شغل صناعي إحنا بنتكلم بنبدأ بمصنع صغنون يعني متناهي الصغر كمان بيتكلم في ألفين إزازة في الساعة اللي هوه كمان نص أتوماتيك، إنت بتتكلم في ألف إزازة في اليوم، في اليوم هتهرس نفسك مكن ليه
العميل: طب ألفين إزازة مثلاً في الساعة يحتاج كام نفر يشتغلوا فيها
المهندس منسى: نفر واحد
العميل: خلاص، يعني كل الحسبة مثلاً 10 ـ 12 ألف جنيه مصري مثلاً
المهندس منسى: إن شاء الله
العميل: خلاص يا باشا معلش أكون أزعجتك بالليل…
المهندس منسى: بص الميكسر لقيت سعره أهوت سعره
العميل: يعني 600 × 10 حسبت 6000 جنيه مصري 7000 جنيه
المهندس منسى: آه في الحدود دي
العميل: يا الله ماشي
المهندس منسى: أنا هبعتلك بقى رسالة فيها تليفونات بتاعت المبيعات بحيث إنك إنت بقى تتابع معاهم
العميل: ما أنا برده ما أفهمش في الحاجة دي فحتاج مندوب معايا يفهمني هوه يركب المعدات ديت وهوه يورينا طريقة تشغيلها
المهندس منسى: لو معاك ورقة وقلم اكتب موديلات …
العميل: حالياً أنا قاعد في الشارع والله مش معايا
المهندس منسى: آه ماشي يا غالي
العميل: عامة أنا بكره إن شاء الله أنا معايا أخويا في حلوان جريب عليكم، إنتوا في الجيزة ولا في القاهرة
المهندس منسى: إحنا في القاهرة
العميل: فين في القاهرة؟
المهندس منسى: إحنا عندنا حدائق القبة، مدينة نصر، باب الشعرية
العميل: فين في مدينة نصر؟
المهندس منسى: مكرم عبيد
العميل: مكرم عبيد؟
المهندس منسى: آه.. ومدير الفرع من حلوان
العميل: تمام قوي أنا معايا أخويا في حلوان، ومكرم عبيد مش قريب من الحديقة الدولية
المهندس منسى: آه قريب من هناك آه
العميل: خلاص يا فندم إحنا آسفين على الإزعاج
المهندس منسى: ولا يهمك يا غالي
العميل: وبكره إن شاء الله استنى مني تليفون إن شاء الله
المهندس منسى: إن شاء الله
العميل: ماشي يا باشا في رعاية الله، يا الله سلام.. سلام
