ماكينات تعبئة وتغليف سوائل في أكياس من شركة المهندس منسى

العميل: سلام عليكم

المهندس منسى: عليكم السلام ورحمة الله وبركاته

العميل: محمد مع حضرتك يا باشا، شركة المهندس منسي

المهندس منسى: أيوه

العميل: حضرتك كنت عايز أسأل عن خط إنتاج العصير السائل

المهندس منسى: آه

العميل: من أول المكنة اللي هي بتعمل الأكياس، ماشي، لحد ما بتعمل العصير، بس بلاش المكنة بتاعت الأزايز والحاجات دي

المهندس منسى: آه.. يعني إنت عايز مكنة تعبئة العصير السائل يعني؟

العميل: آه تعبئة العصير….

المهندس منسى: مفيش أكتر من إننا بنجيب العصير وتضربه وتعبيه، مافيش أكتر من كده

العميل: مش في مكنة أنا شفتها على النت

المهندس منسى: آه ما هي المكنة ديت اللي بتضربهولك بس

العميل: والمكنة التانية اللي بتعمل الأكياس طيب…

المهندس منسى: آه دي بتعبي في كيس… بتاخد الكيس بتعبي وتلحمه وتنزلهولك

العميل: واللي بتعمل الكيس نفسه لما يجيي يجهز

المهندس منسى: ما هي دي.. هي دي، بتعمل كل حاجة

العميل: آه بكام طيب حضرتك دي؟

المهندس منسى: بتعمل 45000 جنيه، ، على أساس سعر ال 10 جنيه، ده سعر ال النهاردة مش عارفين بكره هيبقى كام

العميل: واقفين بـ 12 إحنا بناخد

المهندس منسى: ربنا يستر

العميل: هي عامة بـ 45000

المهندس منسى: في الحدود دي

العميل: هي موجودة يعني ولا…

المهندس منسى: موجودة بضاعة حاضرة آه

العميل: خلاص ماشي.. كلها كده يبقى 45000

المهندس منسى: ربنا ييسر الأمور

العميل: إن شاء الله طب المكنة التانية اللي بتعمل الأزايز طيب

المهندس منسى: في منها بـ ، وفي منها بـ 750

العميل: اللي أنا شفتها كانت غالية يعني على الخط بتاعكم

المهندس منسى: آه…

العميل: اللي هي عليها سير وبتلف الأزايز والحاجات دي

المهندس منسى: آه اللي عليها السير دي بتبقى أتوماتيك كاملة بتعمل ، هوه حضرتك يستحسن تيجي تشرفنا بالزيارة تتفرج على المكنة على الطبيعة….

العميل: أنا بسأل بس وبعدين هاجي أشرف حضرتك إن شاء الله

المهندس منسى: آه..

العميل: بس بحاول أعرف يعني…

المهندس منسى: أصل هوه كل العملية إنك إنت بس بتتأكد إن إحنا عندنا المكن ده ولا لأ، وبعد كده تشوف المكن ده كله أنواعه إيه وأحجامه إيه، عشان ما تبقاش عرضة لأي واحد يكلمك كلام حلو

العميل: لا.. لا.. لا أنا كده كده شفت على النت بس حبيت أعرف الحاجة دي موجودة وإمكانياتها إيه والحاجات دي، وبالنسبة للعصير نفسه يعني بجيبه منين؟ ولا موجود عند حضرتك، الخامات نفسها

المهندس منسى: آه في شركات المنتجات كتير قوي

العميل: والأكياس برده؟

المهندس منسى: الأكياس من عندنا

العميل: خلاص ماشي.. اللي هيه الأكياس البلاستيك والأكياس التانية.. العلب نفسها اللي هي كذا طبقة دي

المهندس منسى: آه الألومنيا آو لامينيشن

العميل: ماشي يا باشا، شكراً مع السلامة

المهندس منسى: مع السلامة