ماكينات تغليف بالسلوفان الاتوماتيك والنصف اتوماتيك من شركة المهندس منسي

العميل : سلام عليكم

المهندس منسي : الله وبركاته

العميل : إزيك يا باش إيه أخبارك

المهندس منسي : الحمد لله

العميل : معاك امجد كنا كلمناك من فترة كنا عايزين مكنه سلوفان هنا

المهندس منسي : نعم؟

العميل : إحنا في سلطنة عمان كنت عايز مكنة سلوفان اللي هي بتسلفن تغليف العلب اللي هي بتاعت الروايح والعطور والحاجات دي

المهندس منسي : آه.. ماشي

العميل : كنا عايزين مكنة من عندكم ،عندكم يا فندم

المهندس منسي : آه… إنت اللي كنت بتكلمني على الواتس؟

العميل : أيوه

المهندس منسي : آه.. أهلاً بيك

العميل : أهلاً بيك يا حاج، هي عامله إيه المكنة، سعرها إيه…

المهندس منسي :

العميل : ، نص أتوماتيك صح؟

المهندس منسي : إن شاء الله

العميل : نص أتوماتيك ، طب دي بتشتغل يعني بيرمي لها وهي تدخل جواها العلبة وتطلع على طول في نفس الوقت

المهندس منسي : لأ.. إنت بتتكلم كده على الأتوماتيك هاند فيد

العميل : آه… أمال التانية دي إيه؟

المهندس منسي : في 3 أنواع، في نص أتوماتيك، وفي أتوماتيك هاند فيد، وفي أتوماتيك كاملة، ما أنا كتبتلك الأسعار دي كلها على الواتس كلها

العميل : آه ما أنا فاهم بس قلت أستفسر عن المكنة أكتر يعني

المهندس منسي : آه… ماشي

العميل : طيب النص أتوماتيك ديت بتغلف اللي هوه السلوفان اللميع دوت صح كده

المهندس منسي : آه

العميل : اللي هوه الأزاز..

المهندس منسي : الأزاز آه اللي هوه السلوفان اللميع أو أي سلوفان إنت تختاره، طالما بيسخن يبقى يشتغل عليها، حتى لو عايز تغلفها بالورق، لو الورق بيسخن يشتغل عليها عادي يعني كل أنواع الخامات، السلوفان، والسلوفان الشفاف، والسلوفان الميتالايز، وسلوفان الألومنيوم، طالما بيلحم يبقى يشتغل عليها عادي

العميل : تمام.. ودي بتقفل من الجناب ولا دي زي الشرينك كده؟

المهندس منسي : آه.. لا بتقفل من الجناب

العميل : بتقفل من الجناب زي العلبة كده..

المهندس منسي : آه

العميل : يعني فيها زرار باور بتاعها صح كده

المهندس منسي : لا ده بقول لواحد هنا بيسأل على زرار الباور يعني

العميل : بتقفل من الجناب كده زي يعني… ممكن أبعت لحضرتك صورة على الواتس يعني العلبة بتبقى عاملة إزاي وأكلمك تاني…

المهندس منسي : نفس الصورة اللي في دماغك

العميل : ده قعدت راسلتك… ده أنا زعلان

المهندس منسي : لا يا باشا ده إنت حبيبي

العميل : لا إحنا قررنا بس إحنا نتأكد أكتر عشان خاطر لما نشحن حاجة من مصر لهنا….

المهندس منسي : هي نظام التطبيق، ما هوه في سلفنة بنظام الشرينك، وفي سلفنة بنظام التطبيق، إنت محتاج نظام التطبيق

العميل : أيوه أم تطبيق صح

المهندس منسي : أيوه إنت محتاج نظام التطبيق، شوفت أنا فاكر المحاضرة إزاي، واخد بالك، بعتلك روابط، وبعتلك روابط كمان فيديوهات، وبعتلك الدنيا كلها، أنا تعبت قوي

العميل : ربنا يديك الصحة يا حبيبي ويخليك لينا، ما إحنا كده هنعوز معاها سلوفان برده، لأن إيه أنا لازم آخد سلوفان بنفس مقاس العلب، ولا إيه؟

المهندس منسي : آه المفروض آه

العميل : عشان هي بتعبي علبة علبة صح؟

المهندس منسي : مضبوط آه

العميل : وبدخلها المكنة هي تقوم إيه شداها صح كده؟

المهندس منسي : المكنة بتروح.. إنت بتطبقها وبعد كده المكنة بتلحملك التطبيقات ديت لو عايز تخليها مشدودة شدة خفيفة كده تروح مدخلها على مكنة الشرينك، هي مش خامات شرينك

العميل : آه..

المهندس منسي : ولكن لما بتدخلها على مكنة شرينك بتبقى عامل زي ما تكون اتشدت شدة خفيفة، صلي على النبي

العميل : عليه الصلاة والسلام

المهندس منسي : إنت دلوقتي عندك علبة عطور، ورحت ناسي علبة العطور ديت في البربريز بتاع العربية، وجيت تاني يوم مش بتلاقي البلاستيك بتاع البربريز البلاستيك بتاعها اتشد

العميل : آه اتصدق زي الشرنك، زي الشرنك صح

المهندس منسي : هي نفس العملية إحنا، دي حاجات أفكار إحنا عملناها لشدة جمال العبوة، مش أكتر، هي مش مكنة شرينك، مكنة الشرينك….

العميل : هي كده طبعاً كل علبة ليها كيس، إنت حضرتك في المصنع عندك بتصنعلي كيس على أد العلب اللي عندي، صح كده؟

المهندس منسي : ما تبقاش كياس، بتبقى على هيئة مناديل

العميل : على هيئة مناديل، أصل أنا الأول كنت بجيب عارف إنت علب السي دي، العلب بتاعت الدي في دي

المهندس منسي : آه

العميل : الأول كنت بجيبها ديت مش التانيه

المهندس منسي : إنت كنت بجيبها أكياس وتحط الكيس جوه…

العميل : رول آه رول وهي بتقص وتقطع وكل حاجة

المهندس منسي : وتروح راميها جوه فرن الشرينك تطلع من الناحية التانية متشرنكة وخلصت على كده

العميل : أيوه على نور

المهندس منسي : لأ دي وضع مختلف، المكنة اللي هي بتعمل بتسلفن بالتطبيق ديت، بتاعت الـ سي دي ديت وضع مختلف، دي إنت بتعمل كده أما إنك إنت بعد ما بتخلص بتحطها في مكنة الشرينك، هي كده خلاص، يعني إنت ممكن….

العميل : أنا قصدي مش هنعوز الشرينك، هنعوز بس ديت، دي بـ 1200

المهندس منسي : مكنة الشرينك ليه؟ يعني زيادة في الشكل، منها تكويها لك كده، بس مش أكتر يعني، إنما من غير مكنة الشرينك هي شغاله

العميل : هي بـ صح كده؟

المهندس منسي : أيوه

العميل : خلاص إحنا نضبط إن شاء الله، طب والشحن بتاعها في شحن عندك بري عمان

المهندس منسي : آه في آه

العميل : يعني في شركة معينة تدلنا عليها؟

المهندس منسي : لكل بلاد الدنيا مفيش بلد…

العميل : خلاص بقى حضرتك هي فيها كام كيلو كده، فيها أد إيه؟

المهندس منسي : فيها حوالي 35 كجم

العميل : 35 كجم، لما آجي عشان الشحن لازم إحنا نحولك كل المبلغ واخد بالك؟

المهندس منسي : إن شاء الله

العميل : تسلم يا حاج.. تسلم.. سلام عليكم

المهندس منسي : عليكم السلام