ماكينات تغليف بالشرنك من شركة المهندس منسى
العميل: السلام عليكم
المهندس منسى: ألو…
العميل: السلام عليكم
المهندس منسى: عليكم السلام ورحمة الله وبركاته
العميل: المهندس منسي معايا
المهندس منسى: أيوه
العميل: لو سمحت كنت بسأل على مكنة شرينك، أنا عايز أغلف كرتونة 30 × 40 × 8.5 سم ارتفاع
المهندس منسى: هوه الطول مش مهم عندنا
العميل: ارتفاع هيبقى 8.5 ارتفاع، و40 سم عرض أو 30، بالفيلم بتاعها بالبلاستيك
المهندس منسى: آه…
العميل: نعم؟
المهندس منسى: موجودة آه
العميل: طيب دي 2 فاز ولا بتشتغل على كهربا إيه؟
المهندس منسى: سنجل فاز، كهربا عادية
العميل: 220 يعني
المهندس منسى: آه
العميل: دي بتعمل كام كرتونة في الدقيقة أو الطاقة بتاعتها؟ وصناعة إيه؟
المهندس منسى: تعمل 10 متر في الدقيقة، عملية صناعة إيه دي ماركة، براند عالمي
العميل: هي صيني بس براند عالمي
المهندس منسى: لا مش صيني، إحنا صنعنا قطع الغيار في وات إيفر أياً كانت البلد وجمعناها هنا في مصر، عشان نتمتع بس بالتكنولوجيا والماكس برودكشن
العميل: طب ضمان يا فندم أد إيه؟
المهندس منسى: ضمان لمدة سنة ضد عيوب الصناعة و10 سنين توفير قطع الغيار لحساب العميل
العميل: طيب… 10 متر في الدقيقة صح؟
المهندس منسى: آه
العميل: طب دي تكلفتها كام؟
المهندس منسى: بتبدأ من 7200 جنيه مصري
العميل: بتبدأ يعني إيه؟ هي بتختلف في إيه الدرجات بتاعتها؟
المهندس منسى: بتختلف في العرض والارتفاع
العميل: يعني عرض المكنة قصدك وطولها عن الأرض
المهندس منسى: في الغرفة، غرفة الشرنكة
العميل: الحجم بتاع الغرفة نفسه اللي هوه في الهوا السخن
المهندس منسى: مضبوط آه
العميل: أنا عايز حاجة بتاعت شغل، عايز حاجة أحمل عليها كمية تستحمل يعني
المهندس منسى: هي بتعمل شغل وكل حاجة ما تشغلش بالك، ثانية واحدة بس أرد على التليفون ده
العميل: ماشي اتفضل…
المهندس منسى: ألو…
العميل: تمام أيوه معاك
المهندس منسى: أيوه يا غالي
العميل: طيب لو هاخدها مثلاً تنصحني بأنهي واحدة؟
المهندس منسى: همه الـ 3 زي بعض ما تشغلش بالك، ما تشتغلش بالك من ناحية السعر، السعر ما يهزكش
العميل: آه…
المهندس منسى: عايزني أقولك سعر عالي مثلاً، أقولك يا عم عشان تكرمنا شويه
العميل: لا… لا.. أكرمك من غير حاجة، طب بالنسبة للبلاستيك إنت هتوفره ولا ده…
المهندس منسى: آه.. آه.. عادي موجود
العميل: بكام الرول أو المتر بكام؟
المهندس منسى: بيبقى في حدود… بنشوف بس المقاس اللي إنت عايزه إيه والكمية، ده ما بنقدرش نحدد…
العميل: ما هو أنا قلتلك المقاس
المهندس منسى: الخامات ما أقدرش أتكلم فيها في التليفون، حضرتك بقى شرفنا… إنت دلوقتي اطمنت وتأكدت إن المكنة موجودة، حضرتك بقى شرفنا ده معرض معدات صناعية، مش حاجات مثلاً بنقول ابعتلي سندويشين تيك أوي، حضرتك كده بتدور على اللي بيتكلم أحسن، إحنا ناس صناعيين ما بنعرفش نتكلم
العميل: على فكرة أنا جتلكم مرة زمان خدت من عندكم مكنة بتاعت تغليف شمع، زمان بس الكلام ده من 10 سنين ولا حاجة، بس أنا عارف لولا كده ما كنتش كلمتك على فكرة
المهندس منسى: الحمد لله
العميل: طيب اديني بس العنوان بالتفصيل إيه طيب، هوه في باب الشعرية أنا فاكر بس فين بالضبط مش عارف
المهندس منسى: هبعتهولك في رسالة حالاً
العميل: طب تمام كويس، ماشي يا باش مهندس
المهندس منسى: ماشي يا غالي
العميل: شكراً جزيلاً
