ماكينات لحام ونفخ من شركة المهندس منسى
العميل: السلام عليكم
المهندس منسى: عليكم السلام ورحمة الله وبركاته
العميل: شركة المهندس
المهندس منسى: أيوه
العميل: المهندس منسي مش كده
المهندس منسى: أيوه
العميل: طيب بعد إذنك كنت أنا في القاهرة وشفت مكن اللحام والنفخ بيتراوح سعرها من كام لكام؟
المهندس منسى: مكن اللحام إيه؟
العميل: مكن اللحام
المهندس منسى: آه… مكنة اللحام إنت عايز تلحم إيه؟
العميل: أكياس بيتيفور وكيكة
المهندس منسى: آه موجودة
العميل: من كام لكام أسعارها؟
المهندس منسى: سعرها بيعمل
العميل: على فكرة أنا مصري مش سوداني
المهندس منسى: لا عادي إحنا حتى في مصر بنسعر بال ولكن عادي بناخد بالمصري عادي، ولكن إحنا بنسعر بس بال
العميل: آه.. كويس جداً
المهندس منسى: إحنا بتكلم بس بال عشان المصري طالع نازل.. طالع نازل.. مش عارفين نمسكه
العميل: الله يديك العافية مضبوط كلامك، طيب أنا بستورد شركة من مصر وبتجيلي كمية في أجزاء في أكياس منها متفرغ منها الهوا
المهندس منسى: إيه بتفرغ الهوا
العميل: أنا بستورد من شركة من مصر، كويس، فإنت عارف المسافة بين القاهرة والخرطوم هنا 4000-3000 كيلو، ففي في الكراتين أكياس صدر منها الهوا بسبب الحمولة وبسبب الجودة نفسها، فألاقي مكن يلحم الأكياس دي من تاني
المهندس منسى: آه في مكن بيلحم وينفخ الهوا تاني
العميل: المكن ده بـ برده ولا كام تمنه؟
المهندس منسى: 6
العميل: بس غالي قوي ليه كده؟ النفخ بيكون هوا طبيعي ولا بيكون نيتروجين؟
المهندس منسى: عادي ممكن تحطله نيتروجين مع النفخ
العميل: معلش سؤال رخم، هوه النيتروجين ده بيتكون من هوا ونيتروجين، المكنة تشتغل نيتروجين بتجبلها مواد خام أو حاجة تانية ولا إيه بالضبط؟
المهندس منسى: بتجبلها إيه؟
العميل: يعني هي ممكن تشتغل نيتروجين من غير ما تجبلها حاجة في المكنة؟
المهندس منسى: آه ما هو إنت بتحط النيتروجين مع البلاور اللي هوه بيجيب الهوا يحطه في الكيس
العميل: تمام… طب بالنسبة لمكنة البسكوت والكيك دي تنفع معايا إن أنا أديها للأكياس مثلاً 200 بدل ما أدفع 700 لـ 200 أشحنها للسودان هنا هتتكلف عليا كتير
المهندس منسى: هوه إنت عايز تنفخ نفس الكيس اللي اتهوا
العميل: آه نفس الكيس عشان إحنا شغالين في الأحجام الصغيرة مش العائلي والجامبو، شغالين في الأحجام الصغيرة
المهندس منسى: آه.. آه…
العميل: تديني الغرض اللي أنا عايزه منها؟
المهندس منسى: ما هو أنا مش عارف إنت عايز إيه؟ إنت عايز مكنة ايه
العميل: مؤقتاً هحتاج النفخ، بس المكنة إنت بتقولي تعمل حوالي 700 ، فدي هتبقى 3 أضعاف التانية، فهتبقى غالية عليا إن أنا لسه بادئ شغل جديد والكمية اللي بتجيلنا من القاهرة بتكون كتيرة بيكون الهالك فيها قليل مش مستهاله إن أنا أخودله مكنة هتتراوح هنا بالعملة الصعبة حوالي 15000 جنيه أو 16000
المهندس منسى: آه… مش عارف
العميل: ممكن أنا في النقلة أجيب 3000 كرتونة يطلع منهم هالك 10 كراتين ولا حاجة، بس بدل ما إحنا بنطلعهم بسعر قليل أو بناكلهم بمعنى أصح يعني كنت بدل ما كل نقلة يحصلنا كده نجيب مكنة تعيد لحمهم من تاني وكده
المهندس منسى: آه…
العميل: مكنة البسكوت والكيك الغرض الأساسي اللي أنا هحتاجه منها
المهندس منسى: إن هي تلحم
العميل: إنت عارف أكياس الشيبسي بيتكون بتبقى مادة بتلحم الكيس بتاع الشيبسي عادي ولا في فرق في الأكياس نفسها؟
المهندس منسى: نفس اللحام
العميل: يعني مش هيفك؟
المهندس منسى: إن شاء الله
العميل: تمام.. طب أقدر أبعتلك حد في المكان بتاعك، ممكن تبعتلي معلش أنا بعتلك على الواتس عندك كلمة السلام عليكم بعتها إمبارح، لو تقدر تبعتلي العنوان بالتفصيل فين… هوه في باب الشعرية تقريباً صح؟
المهندس منسى: إحنا عندنا حدائق القبة، مدينة نصر، باب الشعرية، 6 أكتوبر
العميل: طب فين حدائق القبة، مصر والسودان كده
المهندس منسى: آه شارع الخليج، أنا هبعتلك العنوان في رسالة حالاً
العميل: خلاص ياريت تبعتلي العنوان بتاع حدائق القبة ده قريب عليا عشان إحنا في عين شمس حالياً جنب منك
المهندس منسى: ماشي يا غالي
العميل: برده حاول تكرمنا برده في المكنة التانية دي
المهندس منسى: ما هو أنا إنت عايز مكنة تلحم وتنفخ يبقى ديت بـ 700 ، أما المكنة التانية اللي هي تلحم بس بـ
العميل: دي بيكون حجمها أد إيه أم دي؟
المهندس منسى: دي بقى الحاجات ديت الراجل بتاعك يصورها لك ويبعتهالك
العميل: خلاص كويس جداً، أو ابعتلي اسمها دخلت الموقع لاقيت أسامي كتير، ابعتلي اسم المكنة اللي إنت بتناقشني فيها، أو ابعتلي كذا اسم…
المهندس منسى: 201 ماركة المهندس منسي
العميل: آه شفت مكنة صحيح موديلها 305 اللي هي نفخ ولحام
المهندس منسى: آه… موديلها 301 و 305
العميل: اللي هي لحم ونفخ
المهندس منسى: اللي بتلحم وتنفخ 305، واللي بتلحم بس 301
العميل: اللي بتكلمني عنها دي 201 صح؟
المهندس منسى: آه 201 بتنفخ الشرينك آه
العميل: طب الموديل اللي بتناقشني فيه اللي تمنه أنهي رقمه كام؟
301 ، لازم تكتب جنبها اسم الشركة، لأنك لو ما كتبتش اسم الشركة هيطلعلك كل المهندس منسى: 301 اللي في العالم كله
العميل: لا ما هو أنا هدخل على الموقع بتاع المهندس منسي نفسه وأشوف المكن ده
المهندس منسى: ماشي يا غالي
العميل: خلاص شكراً جزيلاً لحضرتك، هي المكنة بتسحب كهربا كتير صح ولا اقتصادية في الاستهلاك؟
المهندس منسى: هتلاقي كل حاجة في البتاع بتاعها
العميل: في البيان بتاعتها
المهندس منسى: آه
العميل: ماشي ربنا يديك العافية، هستنى من حضرتك العنوان بتاع حدائق القبة
المهندس منسى: إن شاء الله
العميل: إن شاء الله مع السلامة
