ماكينات لزق ليبل على العبوات من شركة المهندس منسى
العميل: سلام عليكم
المهندس منسى: عليكم السلام ورحمة الله وبركاته
العميل: المهندس منسي
المهندس منسى: أيوه
العميل: أنا كنت ببص على مكنة كده كنت عايزها من عند حضرتك
المهندس منسى: اتفضل
العميل: أنا كنت عايز مكنة اللي هي بتلصق الاستيكر الليبول يعني، هي بتلصق عريض ولا بتلصق بإيه؟
المهندس منسى: بتلصق بآلي
العميل: مافيش مكنة بتلصق عريض؟
المهندس منسى: موجودة برده العريض أنهو، إنت قصدك على العلب المستطيلة
العميل: عايز حضرتك جبت شاور، فهلصق… أنا عندي مصنع منظفات فعايز ألصق على جركن الشاور وعلى اسمه إيه ده…..
المهندس منسى: هي الموجودة دلوقتي بضاعة حاضرة هي المدورة اللي على المدورة
العميل: طب والمربعة ممكن حضرتك تحضرها لي صح؟
المهندس منسى: آه دي عادي مافيش مشكلة
العميل: نص أتوماتيك؟
المهندس منسى: نص أتوماتيك أو أتوماتيك
العميل: طب المدورة تعمل كام اللي هي عند حضرتك النص أتوماتيك؟
المهندس منسى: يعني 12000 جنيه مصري
العميل: تمام… والمربعة؟
المهندس منسى: المربعة ماعنديش سعرها دلوقتي
العميل: تقريباً في نفس الحدود كده يعني؟
المهندس منسى: ما هو كلمة تقريباً ما بعرفهاش، ما عنديش صدقني دلوقتي يعني
العميل: آه.. طب أنا أعرف سعرها من حضرتك إمتى يعني؟
المهندس منسى: ممكن تراسلنا على الإيميل أو أبعتلك تليفون المبيعات تتابع معاهم، أو تشرفنا بالزيارة
العميل: طيب اديني تليفون المبيعات وأنا هتابع معاهم
المهندس منسى: هبعتهولك في رسالة حالاً
العميل: همه عندهم يعني الأسعار بتاعت الحاجة؟
المهندس منسى: أكيد
العميل: طيب خلاص ماشي شكراً
المهندس منسى: مع السلامة
