ماكينات مهندس منسي في جميع محافظات مصر

المهندس منسي: سلام عليكم

العميل: عليكم السلام ورحمة الله صباح الخير

المهندس منسي: صباح الخير يا فندم

العميل: شركة المهندس منسي

المهندس منسي: المهندس منسي معاك

العميل: المهندس منسي أهلا وسهلا صباح الخير يا بشمهندس

المهندس منسي: صباح الخير يا فندم أتفضل

العميل: إحنا قرأنا على المنتجات بتاعت حضرتك والشركة بتاعت حضرتك فكنا عايزين كده نشوف هل في مجال للتعامل معاك ولا لا عايزين أنا من بورسعيد بورفؤاد بورسعيد أنتم ليكم حد بيوزع في بورسعيد أو بورفؤاد

المهندس منسي: يعني إيه بيوزع ما إحنا عندنا شركتنا

العميل: آه ما هو أنتم شركتكم في القاهرة يعني ليكم وكيل في بورسعيد

المهندس منسي: لا والله

العميل: مركز توزيع مثلا بتنزل عليه وهو بيوزع للباقي

المهندس منسي: لا هو مكن التعبئة والتغليف مش بالكثافة اللي أنت متخيلها أصله مش بوتاجازات وغسالات ده نادر أوي يعني أصل هو من المبيعات من الأشغال اللي مبيعاتها ضيقة وقليلة

العميل: آه أنا بكلم على

المهندس منسي: إذا كان عندنا تلت فروع ده يبقي من الله ده حاجة كبيرة أوي يعني إن يبقي عندنا تلت فروع

العميل:  ربنا يزيد ويبارك يا عم أنا قريت المنتجات بتاعتك اللي هي في العبوات البلاستيك الشنط، الفوم، الفويل، مش أنت بتشتغل في الحاجات دي ولا ده فرع تاني

المهندس منسي: آه

العميل: بس فأنا بكلم عن الحاجات دي

المهندس منسي: تحت الأمر يا غالي

العميل: آه طيب رقم التليفون بتاعي اللي معاك لو تبعتلي قيمة أسعار مثلا

المهندس منسي: قيمة أسعار بأيه

العميل: أنا عايز أشتغل في الأكياس كافة أنواعها والشنط والفوم والفويل

المهندس منسي: يعني أنت عاوز مكن ولا عايز خامات ولا إيه

العميل: لا عايز منتج هو معندوش وكالة هو الراجل

المهندس منسي: آه طب هو إحنا بالنسبالنا عندنا بنعمل الأكياس الألمونيوم

العميل: الأكياس الألمونيوم بس أنت بتعمل الماكينة اللي بتصنع

المهندس منسي: الاتنين عندنا الأكياس والماكينة اللي بتصنع وعندنا الخامة

العميل: مكانكم فين يا باشا

المهندس منسي: إحنا عندنا حدائق القبة-مدينة نصر-باب الشعرية في القاهرة

العميل: حدائق القبة-مدينة نصر-وباب الشعرية طب إحنا ممكن نمر عليك نقعد يبقي الكلام وجها لوجه أنا اسمي صموئيل عبد الملاك يبقي الكلام وجها لوجه على طول ونشوف عجينة المنتج والكلام ده والمنتج وربنا يعمل ما فيه الخير

المهندس منسي: إن شاء الله

العميل: إن شاء الله فرصة سعيدة يا بشمهندس

المهندس منسي: إحنا الأسعد

العميل: فرصة سعيدة يا حبيبي أهلا وسهلا