ماكينات وخامات التعبئة والتغليف من شركة المهندس منسي
العميل : سلام عليكم
مهندس منسي : عليكم السلام ورحمة الله وبركاته
العميل : كيف حالكم كل عام وإنتم بخير
مهندس منسي : كل سنة وإنت طيب
العميل : بالنسبة لكم وكيل بالسعودية هنا عشان أبغى مكاين؟
مهندس منسي : هوه تحت الأمر حضرتك تبعتلنا الفلوس نبعتلك المكن
العميل : طب وشرح التركيبة ما في حدا هون بتتاعمله معاه…
مهندس منسي : كل حاجة النهاردة بنعملها أون لاين، إحنا بنحاول بقدر الإمكان إن إحنا نفتح في السعودية ولكن هوه الإجراءات صعبة شوية
العميل : آه… طب بالنسبة للشحن تشحنولي إنتم…
مهندس منسي : آه عادي بنشحنلك، بنتعامل معاك أون لاين في كاميرا بتركبها على المكنة، ممكن تركبها في أي وقت بكونتاكت علينا بنفتح معاك وبنصينلك وبنعملك كل حاجة، بس ما تقلقش في بيجيلك مع المكنة سيديهات تعليم كاملة، وطريقة تشغيل كامل، وفي موقع على الإنترنت عاملينه كل ما تحتاج حاجة تروح كاتب عليه يطلعلك كل حاجة، ما تقلقش خالص، يعني إنت هتبقى مهندس مكنتك، يعني لدرجة إن في الناس هنا في مصر ما بيحتاجوناش في خدمة ما بعد البيع، بيعملوا كل حاجة بنفسهم، شفت بقى، أهوه جنبك وأي حاجة بيحتاجها يروح كاتب عليها بيطلعلوا على طول فيديو ليها يتفرج عليه ويعملها
العميل : زين، طيب بالنسبة للورق السلوفان اللي معاه تبطعون إنتم؟
مهندس منسي : آه بنطبعه آه
العميل : يعني أعطيكم التصميم عشان الماكينة والمقاسات وإنت تسويلي معاه الطباعة عاد
مهندس منسي : إن شاء الله
العميل : كم أكبر عدد طباعة الكمية أقل كمية؟
مهندس منسي : أقل كمية ربع طن، إحنا بنطبع بطريقة الروتوجرافيك أعلى أنواع الطباعة في العالم
العميل : آهه.. يعني كام ربع الطن؟؟؟ 50 ألف 20….
مهندس منسي : ما هو أنا ما أعرفش على حسب الكيس بتاعك
العميل : آه.. المقاس ها…؟
مهندس منسي : المقاس والخامة، فيك تيجي تقعد معانا تشرفنا بالزيارة مثلاً يوم ولا 2؟
العميل : والله مناسب نجيلكم هناك نشوف الوضع….
مهندس منسي : آه… آه.. أولاً تفك عن نفسك وترفه عن نفسك مثلاً، وتشوف الدنيا وتشوف الجو وتشوف المكن وكل حاجة على الطبيعة، صدقني هتستفيد، النبي عليه الصلاة والسلام قال إنه في السفر 7 فوائد
العميل : والله إن شاء الله إن شاء الله أنا فرصة طيبة نشرفك بالزيارة إن شاء الله، العميل : شكراً لك، اسم الكريم؟
مهندس منسي : المهندس منسي
العميل : حياك الله باش مهندس، شكراً لك
مهندس منسي : مع السلامة
