ماكينات مجمعه من شركة المهندس منسي

العميل: سلام عليكم

المهندس منسي: عليكم السلام ورحمة الله وبركاته

العميل: شركة إم تو باك

المهندس منسي: أيوه

العميل: يا فندم كنت عايز أستفسر بس على أسعار المكن

المهندس منسي: آه اتفضل

العميل: مكنة درجة أولى

المهندس منسي: هوه أنا متخصص في مكن التعبئة والتغليف، فأي مكن تاني أو أي معدات صناعية تانية حضرتك بتبعتلنا بيها طلب استفسار على الإيميل وفريق المراسلات بيرد عليك في خلال من 48 ساعة ـ لأسبوع

العميل: يعني كل حاجة على الإيميل ما ينفعش آخد حاجة دلوقتي؟

المهندس منسي: مش كل حاجة مكن التعبئة والتغليف بس اللي هرد عليك دلوقتي، وهو بضاعة حاضرة، لأن أنا متخصص…. هوه إحنا شركة كبيرة عدد من التخصصات، فأنا متخصص في مكن التعبئة والتغليف

العميل: تمام… بس بالنسبة للتعبئة والتغليف المكن المتاح إيه يا باشا؟

المهندس منسي: كل مكن التعبئة والتغليف، أي منتج بيتعبى وبيتغلف زي أكياس الرز، أكياس السكر، أكياس البسكويت، أكياس الشامبوهات، أكياس التوابل، أكياس العطارة، أكياس الشامبوهات ومستحضرات التجميل….

العميل: طب فين المقر الرئيسي بتاع الشركة فين؟

المهندس منسي: إحنا عندنا عدد من الفروع كلهم يعتبروا مقرات رئيسية، لأن كلهم عندهم نفس الصلاحيات

العميل: طب أقرب حاجة للشرقية؟

المهندس منسي: هبعتلك عنوان وسط البلد دلوقتي

العميل: طيب ماشي شكراً

المهندس منسي: العفو مع السلامة