ماكينة الاندكشن من شركة المهندس منسى
العميل : السلام عليكم
المهندس منسى : عليكم السلام ورحمة الله وبركاته
العميل : باش مهندس محمد
المهندس منسى : المهندس منسي معاك
العميل : أيوه يا باش مهندس، طيب عشان ما أطولش على حضرتك، بص أنا لسه واخد دلوقتي مكنة برشام اللي هي الإندكشن اللي بترشم الأزايز
المهندس منسى : آه
العميل : تمام… فأنا هوه جربها قدامي وكل حاجة وكل تمام مافيش أي مشكلة بس أنا نسيت أسأله عشان في كذا حاجة مش عارف فاين رديليشن، وباور رديليشن، ما سألتوش إن أنا محتاج أغير أي حاجة في الأرقام دي ولا بدوس على الباور أفتحه وخلاص وأشتغل
المهندس منسى : آه…
العميل : ففي أي تغيير بعمله ولا مجرد إن أنا بدوس على الباور وخلاص
المهندس منسى : هوه مش عملك فيديو بطريقة التشغيل
العميل : آه هوه شغلها قدامي جرب قدامي وفتحها قدامي وجربها كمان قدامي برشم بيها، بس أنا عايز أسأل أنا مجرد ما أفتح الباور بتاع المكنة خلاص عداداتها والأرقام اللي موجودة قدامي هي اللي بشتغل عليها
المهندس منسى : كان ايدالك فيديو بالتشغيل
العميل : فيديو… فيديو آه… طب ماقليش ليه على موضوع الفيديو ده؟
المهندس منسى : آه…
العميل : طيب خلاص ماشي يا باش مهندس أنا هحاول آجي بكرة إن شاء الله
المهندس منسى : تيجي تنورني يا غالي
العميل : الله يكرمك، السلام عليكم
المهندس منسى : مع السلامة
