ماكينة الفاكيوم من شركة المهندس منسى

العميل : السلام عليكم

المهندس منسى : عليكم السلام ورحمة الله وبركاته

العميل : لو سمحت كنت بسأل عندكم ماكينات الفاكيوم، حاجة صغيرة مش شغل كبير، أحجام صغيرة يعني؟

المهندس منسى : إن شاء الله، عايزها لإيه استخدام منزل؟

العميل : مش استخدام منزل، إحنا هنعمل أكياس كده لحد 500 جرام لحوم مفروم وكده، فكنت عايز أعرف ممكن أحتاج لها إيه؟

المهندس منسى : وهو في عندنا 3 أنواع من ماكينات الفاكيوم اللي هي بتفرغ الهوا من الأكياس

العميل : تمام…

المهندس منسى : في عندنا استخدام منزل، وفي عندنا للمصانع الصغيرة، و الكبيرة

العميل : تمام.. طب دي سعرها إيه ودي سعرها إيه، الي هي المنزل الصغيرة

المهندس منسى : بتعمل 100 ، والمصانع الناشئة الصغيرة بتعمل

العميل : تمام… دي صناعتهم إيه؟

المهندس منسى : هوه إحنا ماركة، براند… أيوه يا فندم يعني دي صناعة مصري ولا حاجات مستوردة، مكن مستورد ولا صناعة هنا مصرية؟ يعني إنت مثلاً لما تروح شيففرليه يقولك إحنا ماركة وبراند تقوم تقوله يعني صناعة إيه؟؟!!!

العميل : لأ يا فندم، أنا أعرف إم تو باك دي عندكم مكن تعبئة وتغليف، تمام…

المهندس منسى : إحنا بقى براند على مستوى العالم

العميل : تمام… برده صناعتها إيه يا فندم معلش

المهندس منسى : ما هو بنصنعها في أي بلد، لأنه ماركتنا إحنا اللي بتقول، فهمتني، يعني اسم المنسي هوه ده الماركة، يعني بنصنع قطعة الغيار في أي بلد، النهاردة مثلاً صنعنا في الصين، بكرة تايوان، وبعده في هونج كونج، أي بلد تخطر عل بالنا، بس في الآخر إحنا اللي ضمانين وإحنا اللي مسئولين…

العميل : خلاص ماشي يا باشا