ماكينة التغليف بالشرينك موديل 101 من شركة المهندس منسي
العميل : السلام عليكم
مهندس منسي : عليكم السلام ورحمة الله وبركاته
العميل : الباش مهندس منسي
مهندس منسي : أيوه اتفضل
العميل : إزيك يا فندم، شفت على النت ماكينة تغليف شرنكة إم تو باك ماشين 101
مهندس منسي : آه…
العميل : طيب هوه بكام يا فندم الأول؟
مهندس منسي : سعرها على إن ال بـ 12.5
العميل : بـ 12.5 جنيه
مهندس منسي : آه إحنا بنحسبه على 12.5
العميل : يعني أضرب 400 × 12.5 صح
مهندس منسي : آه
العميل : دي متوفرة عند معاليك يا فندم؟
مهندس منسي : إن شاء الله
العميل : طب يا فندم أنا حجم الإزازة عندي طولها 28 سم
مهندس منسي : آه
العميل : هي بتكون نايمة ولا بتكون واقفة؟
مهندس منسي : عادي… ممكن تدخلها نايمة مافيهاش مشكلة
العميل : تمام… هي ممكن تعمل كام إزازة….
مهندس منسي : 10 متر في الدقيقة
العميل : الرول بتاعها فين يا فندم مش لاقيه؟
مهندس منسي : عندنا
العميل : لأ.. ماشي يا فندم الرول بيتحط فين أقصد؟
مهندس منسي : آه… لأ دي بيتحط عليها تيوب، بتاخده من عندنا متقطع جاهز، ترمي تيوب عليها وتفصلها
العميل : بيتباع بالكيلو
مهندس منسي : بيتباع بالكيلو أو بالقطعة، بنشوف شكل الطباعة وشكل الحاجة اللي حضرتك عايزها وبناء عليها نشوف هيبقى إزاي
العميل : أعرف بس الكيلو بكام؟
مهندس منسي : يعني أراوند 32 في الحدود دي
العميل : تمام… طيب هي يا فندم، معلش أنا آسف إحنا بناخد منك حاجات كتير، إحنا شركة فلومكس إحنا خدنا من حضرتك أكتر من حاجة، طيب يا فندم هي عملية؟
مهندس منسي : طبعاً، إنت بتتكلم في ماركة المهندس منسي
العميل : معلش يا فندم..
مهندس منسي : آه دي ماركة، ماركة عالمية مش ناس تحمل اسم يبقى خلاص، دي ماركة عالمية، بس هوه إحنا ما بنقتنعش بأسامينا، إنما الحمد لله بفضل من ربنا عاملين كده يعني
مهندس منسي : بص كده إحنا كنا بنافس في معرض الصين الدولي، كنا بنافس الصينية
العميل : ما شاء الله، الصناعة المصرية الجميلة دي، طيب معاليك أنا شايف حضرتك كاتب ارتفاع الماكينة 25سم، وأنا الإزازة بالتريجر بتاعها عامل 28سم تخش نايمة؟
مهندس منسي : آه عادي ممكن تخش نايمة، ممكن تخش على جنبها، مش فارقة، ده شرينك، عامل زي ما يكون حد بياخد دش، خده هوه واقف، زي ما خده وهوه نايم…. زي الدش بالضبط
العميل : ماشي يا فندم، أنا متشكر جداً لمعاليك، طب ممكن إن شاء الله أجيب إزازتين وأنا جاي أجرب ولا ما ينفعش؟
مهندس منسي : لا عادي جرب عادي، هبعتلك أنا تليفون المبيعات في رسالة عشان تتابع معاهم، إحنا عندنا حدائق القبة، مدينة نصر، باب الشعرية، أقرب حاجة ليك إيه؟
العميل : أنا من المنصورة، بس نيجي باب الشعرية عشان بحب باب الشعرية، متشكر جداً لمعاليك يا فندم
مهندس منسي : ماشي
العميل : حضرتك هتبعتلي رقم التليفون على الواتس؟
مهندس منسي : لأ هبعتهولك في رسالة عادي
العميل : شكراً يا فندم.. شكراً
