ماكينة التغليف بخامات الشرينك من شركة المهندس منسي
مهندس منسي : السلام عليكم
العميل : باش مهندس منسي
مهندس منسي : أيوه
العميل : أنا أحمد علي من الأقصر
مهندس منسي : أهلاً بيك
العميل : الله يكرمك يا رب الله يخليك، سمعت إن حضرتك بتعمل ماكينات تغليف الإيه فور الشرينك
مهندس منسي : الشرينك آه عندنا
العميل : طب إيه نظامها؟ وتقدر تجبهالي إزاي، أو أجيلك؟
مهندس منسي : هوه حضرتك هتجيب عينة وتيجي تجرب عليها
العميل : طب الأسعار كام؟
مهندس منسي : بتبدأ من
العميل : كلمني مصري الله يخليك
مهندس منسي : اضرب × 18
العميل : ماشي.. طب إمكانياتها إيه؟ تغلف أد إيه في الساعة مثلاً؟
مهندس منسي : هوه السير بتاعها بيعمل في حدود 10 متر في الدقيقة
العميل : لأ تغليف الرزم الإيه فور يا فندم؟
مهندس منسي : ما تغليف الرزم الإيه فور اللي هوه ثري دي ولا الشرينك
العميل : الإيه فور
مهندس منسي : ما هو الإيه فور في تغليف منه شرينك، وفي تغليف منه ثري دي، ثري دي بتعمل 3، اللي هوه التغليف بالتطبيق
العميل : يعني أحط الرزمة من ناحية تطلعلي مغلفة من الناحية التانية مثلاً
مهندس منسي : آه هي بتطبق وتطلع الناحية التانية
العميل : آه دي 3
مهندس منسي : آه.. إنما بالشرينك بـ بس
العميل : طيب الشرينك بتغلف برده؟
مهندس منسي : آه بتغلف آه بتغلف بالانكماش
العميل : أنا معلش خدت من وقت كتير بس أعزرني معلش
مهندس منسي : خد راحتك
العميل : معلش بحب أستفسر، طيب الشرينك دي لو دخلت الرزمة من ناحية بتطلعها لي برده من الناحية التانية متغلفة جاهزة؟
مهندس منسي : آه متغلفة جاهزة بس بطريقة اسمها طريقة الشرينك، عشان كده بقول لحضرتك هات عينات وجرب
العميل : طب أنا طبعت سريله وطبعت أغلفه اللي هي سلوفان
مهندس منسي : آه… ابعتلي عينة كده أقولك آه دي هتنفع شرينك ولا لأ
العميل : آه.. يعني ممكن ما تنفعش
مهندس منسي : ممكن تنفع بالتطبيق
العميل : طب التطبيق غالية جداً يا باش مهندس
مهندس منسي : آه… مش غالية ولكن الجنيه بتاعنا اللي نزل
العميل : لأ ما هي 33000 لو ضربت × 20 دي مشكلة، يعني تعمله حسبة نص مليون تقريباً
مهندس منسي : مضبوط آه
العميل : طب نص مليون أنا لسه بادي يدوب معايا مقص بس، وعايز أغلف…
مهندس منسي : في تطبيق يدوي ممكن تشتغل بإيدك لغاية ما ربنا يسهل وتجمع تجيب المكنة التانية
العميل : طيب الشرينك ما تنفعش مع السلوفان؟
مهندس منسي : لأ الشرينك خامة تانية
العميل : طب بتطلع برده بنفس التطبيقة بنفس الشغل بتاعها؟
مهندس منسي : لأ بتطلع تطبيقة تانية
العميل : إزاي يا باش مهندس معلش؟
مهندس منسي : بتطلع من الكرتونة كده وتطلع من هنا منكمشة ومن هنا منكمشة
العميل : آه… يعني المنظر العام مش هيبقى كويس؟
مهندس منسي : لأ هيبقى كويس وكل حاجة بس طريقة تانية
العميل : طيب لو زرتك في القاهرة؟
مهندس منسي : إن شاء الله
العميل : الله يكرمك، إنت ورا.. باب الشعرية مش كده
مهندس منسي : آه ورا رئاسة حي باب الشعرية
العميل : أدام مدرسة الثانوية بنات
مهندس منسي : آه.. لأ فرع البيع ورا رئاسة الحي مباشرة أول الشارع
العميل : طيب أنا احتمال أكون في القاهرة الخميس، أطمع إني أقابل حضرتك نص ساعة؟
مهندس منسي : تجيي تنورني إن شاء الله
العميل : ماشي يا باش مهندس شكراً.. سلام
