ماكينة الفاكيوم لتغليف البلح في أطباق من شركة المهندس منسي

العميل : السلام عليكم

مهندس منسي : عليكم السلام ورحمة الله وبركاته

العميل : إزيك يا باش مهندس، كل عام وإنتم بخير

مهندس منسي : كل سنة وإنت طيب

العميل : وإنت طيب الله يكرمك، بقول حضرتك معاك دسوقي عبد الهادي من دمنهور، صاحب مصنع بلح

مهندس منسي : أهلاً بيك

العميل : معندكمش حاجة يا فندم بخصوص البلح، مكن تغليف…

مهندس منسي : عندنا آه، عندنا مكن تغليف البلح آه

العميل : اللي هي الأطباق

مهندس منسي : بالنسبة للأطباق عندنا، بالنسبة كمان للتغليف واحدة واحدة، بالنسبة للتغليف في أكياس

العميل : اللي أكياس الفاكيوم دي؟

مهندس منسي : عندنا الفاكيوم وعندنا…

العميل : لا خلاص من زمان، لا عايزين اللي هوه الأطباق

مهندس منسي : عندنا آه

العميل : موجودة حالياً؟

مهندس منسي : آه حضرتك شرفنا بالزيارة اتفرج عليها

العميل : طيب بتعمل كام طبق في المرحلة الواحدة؟

مهندس منسي : ما هو أنا مش عارف إنت عايز أنهي طبق، الطبق المكبوس ولا الطبق اللي ….

العميل : الطبق الرول اللي بيخش بيطلع الطبق من المكنة على طول، زي الطبق بتاع اللي هو الكيلو كده

مهندس منسي : آه… دي مكنة فاكيوم، في نص أتوماتيك وفي أتوماتيك

العميل : النص أتوماتيك بتعمل كام واحدة في المرحلة يعني؟

مهندس منسي : ممكن تعمل ألف في 1200 في الساعة

العميل : نص أتوماتيك؟

مهندس منسي : آه…

العميل : دي تعمل كام يا باش مهندس

مهندس منسي : المكنة بتعمل ، يعني × 12.5 يعني 18000 جنيه

العميل : بتعمل 1500 طن في الساعة

مهندس منسي : آه

العميل : يا بلاش، طب والتانية الأتوماتيك

مهندس منسي : بتعمل 88000

العميل : آه كده آه، طبعاً ده فرق شاسع أنا عارف، طب ممكن أشوفها إزاي قبل ما آجي

مهندس منسي : والله يستحسن لو حضرتك جيت عاينت بالطبيعة، لما تشوفها كده مش هتعرف تتخيلها، إنما لما تيجي…

العميل : طب حضرتك أكيد عندكم.. ممكن تبعتهالي على الواتس ولا حاجة، أصل أنا عجوز يعني، عشان آجي القاهرة بس أنا عايز أشوفها يعني

مهندس منسي : آه…

العميل : على الواتس ولا حاجة أشوفها، وبعدين مش بفلوس بصراحة يعني

مهندس منسي : أكيد آه

العميل : مش محتاج إن أنا أشوفها، بس إيه… أهوه لكي يطمئن قلبي وخلاص

مهندس منسي : هوه بتبقى كذا مرحلة مش مرحلة واحدة

العميل : مافيش مشكلة، يعني بتطلع إيه…

مهندس منسي : الأول بطلع الطبق، وبعد كده بتحط الحاجة فيه، وتخش على مكبس يكبسه وبعد كده يلحمه

العميل : تمام.. تمام.. مافيش مشكلة، يعني تتطلع واحدة واحدة، ولا مثلاً أربع خمسة

مهندس منسي : واحدة واحدة

مهندس منسي : بس دي لازم حضرتك تيجي نشرحها لك، مش هتعرف تتعامل معها

العميل : طب حتى لو صورة ليها على الواتس كده… لا يعني دي شغلتي برده يعني هتخيلها

مهندس منسي : إن شاء الله، ابعتلنا طلب استفسار على الواتس وإحنا هنبعتلك عليه

العميل : طيب ماشي، خلاص ماشي

مهندس منسي : مع السلامة

العميل : شكراً.. ما عندكمش حاجة تانية يا باش مهندس؟

مهندس منسي : شوف إنت عايز إيه وإحنا تحت الأمر

العميل : يعني في مكابس في….

مهندس منسي : آه في آه

العميل : أنا عندي مصنع بس بطور فيه يعني، بدخل فيه حاجة حاجة

مهندس منسي : آه…

العميل : طيب أنا هاجي أحسن، مش تقريباً في باب الشعرية؟

مهندس منسي : إن شاء الله

العميل : ماشي، شكراً يا باش مهندس، سلام