ماكينة الفاكيوم لشتكيل البلاستيك من شركة المهندس منسي

العميل : السلام عليكم

مهندس منسي : عليكم السلام ورحمة الله وبركاته

العميل : باش مهندس منسي

مهندس منسي : اتفضل

العميل : مساء الخير يا ريس

مهندس منسي : مساء الخير يا فندم

العميل : أنا كنت شفت فيديوهات مكن فاكيوم لحضرتك على النت

مهندس منسي : آه

العميل : حضرتك المكن ده بتستورده ولا صناعة حضرتك يعني؟

مهندس منسي : لأ دي ماركة، إحنا بنصنع قطع الغيار بره وبنجمعها

العميل : تمام

مهندس منسي : بنصنعها لحسابنا بره مصر عشان التكنولوجيا والماكس برودكشن وبعد كده بنجمعها

العميل : طب زي الفل، طب إحنا لو بنسأل على مكنة فاكيوم صغيرة، حاجة تتحط في قوضة تمام، ويتحط عليها اسطمبة أو 2، كل ده عند حضرتك

مهندس منسي : معلش  تاني كده

العميل : لو عايزين مكنة صغيرة تتحط في قوضة مثلاً يتحط عليها اسطمبة أو 2، اللي هي اسطمبة صغيرة بتاعت تغليف الشمع، الأرقام بتاعت أعياد الميلاد

مهندس منسي : آه.. آه… كده إنت مش عايز مكنة فاكيوم، إنت كده عايز مكنة شرينك

العميل : هوه اللي أنا بشتريه فاكيوم، بجيبه فاكيوم وبلصقه على كارت بمكواه

مهندس منسي : آه.. آه.. إنت كده عايز مكنة فاكيوم عشان تشكل الأشكال وبعد كده تاخدها تلحمها…

العميل : ما بيشكلش، هوه اسطمبة واحدة وأنا بحط فيها رقم، بحط فيها حرف، بحط فيه اللي أنا عايزه، مقاس اللي حضرتك عايزها هوه تقريباً 8….

مهندس منسي : يبقى إنت عايز مكنة التشكيل اللي هتشكلك البلاستيك اللي هيتحط فيه الحاجة بتاعتك؟ ولا إنت عايز المكنة اللي هتلحم…

العميل : لأ مش لحام، أنا عايز مكنة فاكيوم أحط عليها الاسطمبة ديت تتطلعلي..

مهندس منسي : آه تتطلعلك الأشكال دي

العميل : اللي أنا بتشريه، بس لو موجودة سعر كويس شغال عندي، لأنه بنجيبه بصعوبة يعني، بتوع الفاكيوم قليلين

مهندس منسي : همه بتوع تشكيل الفاكيوم قليلين

العميل : بالضبط، اللي هوه بيعمل الكلام دوت يبقى عايز مثلاً يشتغل الطريحة مثلاً 50 ألف 60 ألف، فالواحد بنجيب وإحنا بنجيبهم مع بعض بقى

مهندس منسي : آه…

العميل : أنا بطلب 2000 غيري بيطلب 5000، نقعد نجمع….

مهندس منسي : إنت ممكن تاخد زملاتك وتخف عليهم..

العميل : آه.. أنا عايز أعمل اسطمبات لنفسي بقى، نعمل شغل تاني بقى

مهندس منسي : آه مضبوط آه، هي المكنة عامله ، يعني 18000 جنيه مصري

العميل : دي أصغر حاجة

مهندس منسي : آه… دي أصغر حاجة، وتشتغل في البيت عادي

العميل : تمام… طيب يعني حضرتك ما تعرفش في مكن بتعمل حجم إنتاجية أد إيه؟ يعني بترمي كام كيلو مثلاً في اليوم؟

مهندس منسي : لأ هي عملية كام كيلو من إيه؟ ما كل حاجة ليها حاجة، يعني عملية إنتاجية أد إيه من إيه؟ ما هو إنت بتقولي إنتاجية، إنتاجية مثلاً من حاجة 5سم × 5 سم، ولا 3 × 3، ولا 10 × 7…. إيه المنتج نفسه نبدأ ندرسه، دي بقى بتحتاج حسبة، يعني مثلاً بتقولي المنتج بتاعي 7 × 9، أقوم أقولك 7 × 9 أهوه، تحطها اللي المكنة، المكنة بتبقى الفرش بتاعها 40 × 60 مثلاً 40 × 50، الـ 40 × 60 ديت يعني هتطلعلك كذا قطعة في اليوم، كل حاجة ليها معادلة بتتعمل عليها

العميل : تمام… يعني…

مهندس منسي : بس هي مشروع كويس، يعني كمشروع مشروع كويس جداً، وياما ناس عملت منه مصانع

العميل : تمام… طيب لو حبينا نعمل دراسة جدوى الـ بي في سي اللي بيتعمل منه الخام دوت بكام النهاردة؟

مهندس منسي : ما هو يعمله النهاردة في حدود 32

العميل : 32 الكيلو صح؟

مهندس منسي : آه.. عندنا بـ 32 اللي هوه الأوروبي، ممكن الصيني بتاعه يعمل مثلاً 27 – 25

العميل : تمام…

مهندس منسي : أو 22 حسب الحاجة اللي إنت عايزها، إنت بقى امسك واحدة وحطها على ميزان جواهرجي وشوفها كام جرام

العميل : إحنا  بنجيب الألف بـ 100

مهندس منسي : القطعة الألف بـ 100

العميل : القطعة بقى كام × كام؟

مهندس منسي : تقريباً 8 × 4 مثلاً، 8 طول × 4 عرض حاجة زي كده

العميل : ما تعرفش كام جرام؟

مهندس منسي : أخف حاجة ممكن تتخيلها، يعني بيجيلي أوقات غلطات كده خامة تقيلة

العميل : زي مثلاً بيشتغل شغلانة تانية لواحد…

مهندس منسي : لأ كده بيتشغل حاجة اسمها ستوك، هي 4 × 8، العمق مش مشكمل نص سم

العميل : السماكة بتاعتها أد إيه؟

مهندس منسي : العمق بتاعها ميكملش نص سم

العميل : السماكة بتاعتها، يعني هي نفسها سمكها أد إيه؟

مهندس منسي : حاجة خفيفة جداً، يعني بتهيقلي بيجيب أخف حاجه، أصل يدوب بيتحط الرقم…

العميل : أصل كيس الشمع بيطلع بـ 11 جنيه يعني

مهندس منسي : ممكن تطلع 0.4 جرام يعني ممكن تكلفك حوالي 3 قروش ، قرشين، كده يعني، ما تكملش حتى قرشين

العميل : تمام… طب الاسطمبات

مهندس منسي : 0.4 جرام تطرح من 0.6 من الجرام، يعني حوالي 1.5 قرش

العميل : تمام… طب أنا عايز أقعد مع حضرتك نعمل دراسة جدوى للموضوع

مهندس منسي : آه تفصيلياً يعني

العميل : آه

مهندس منسي : أنا هبعتلك بقى تليفون المبيعات تاخد الحاجة بتاعتك وتشوف الاسطمبة تتكلف كام وكده يعني

العميل : تمام

مهندس منسي : ماشي يا غالي

العميل : هوه حضرتك لو أنا عايز أعمل الشغل دوت في حد مثلاً حضرتك مديلوا مثلاً بيشتغل في الكلام ده؟

مهندس منسي : في ناس كتيرة بس أنا ما بخدش تليفوناتها

العميل : آه… تمام…

مهندس منسي : يعني باخد تليفوناتهم بعد ما بياخده المكنة بشهر بشهرين بيقولك جدول أعمالي، والأجندة

العميل : أيوه..

مهندس منسي : ربنا ييسرلهم الأمور

العميل : ربنا ييسر على الكل، بالنسبة للاسطمبات برده بتعملها

مهندس منسي : آه بنعملها آه، تتكلف في حدود ألفين ـ 3، في اسطمبة.. حسب الشكل المقدم من العميل، يعني في اسطمبة ممكن تتكلف 3000، وممكن 5000، وممكن 6000، وممكن تتكلف 2000، وممكن إنت تعملها بنفسك

العميل : المكنة الصغيرة دي

مهندس منسي : هوه إنت عمال تقولي صغيرة.. صغيرة، هي مش صغيرة، هي مكنة عادية يعني

العميل : هي كام × كام؟

مهندس منسي : 40 × 60

العميل : كبيرة، عايزه قوضة كبيرة

مهندس منسي : لا مش كبيرة ولا حاجة

العميل : يعني عشان تعرف تشتغل بيبقى رول وبتشد وكده…

مهندس منسي : مكان ترابيزة سفرة

العميل : أيوه.. أيوه.. بالنسبة للمقص ده قصته إيه؟

مهندس منسي : إنت ممكن تقطع الأول يدوي لغاية ما ربنا ييسرلك الأمور، وبعد كده تبقى تجيب مكابس وكده

العميل : دي سعرها يتراوح من كام مثلاً؟

مهندس منسي : ما هو سعر إيه × إيه؟ ما هو إحنا عمالين كل حاجة سعر.. سعر، سعر إيه × إيه؟

العميل : يعني اللي بيدرس حاجة خارجية لو الموضوع تمام…

مهندس منسي : طب أنا هبعتلك تليفون المبيعات دلوقتي بس مش هينفع بقى تكلمهم، لازم تروحلهم بالعينات بتاعتك

العميل : أنا كل جمعة في القاهرة بجيب خامات وكده

مهندس منسي : أهوه يوم الجمعة الوحيد اللي عندنا أجازة

العميل : آه.. تمام…

مهندس منسي : إنت بقى لو الموضوع جد بالنسبة لك اهتم له يوم، وروح ادرس الموضوع

العميل : عادي مافيش مشكلة، طب حضرتك أستنى منك رسالة مثلاً بالعنوان والتليفونات وأقرب فرصة ننزل على طول

مهندس منسي : إن شاء الله

العميل : شكراً يا باشا وتعبتك معايا

ولا يهمك يا غالي، مع السلامة