ماكينة الفاكيوم لتغليف السواك من شركة المهندس منسي
العميل : سلام عليكم
مهندس منسي : عليكم السلام ورحمة الله وبركاته
العميل : كيف الحال
مهندس منسي : الحمد لله
العميل : يعطيك العافية
مهندس منسي : الله يبارك لك اتفضل
العميل : شفت إعلانك بالإنترنت، لو بدي مكنة تغليف السواك في عندك موجود منها في مصر ولا مش موجود؟
مهندس منسي : موجود آه
العميل : طب هاي فيها مادة كده حافظة ولا إيه؟
مهندس منسي : ايه ؟
العميل : في مادة حافظة بتكون كده شفك الهوا من الكيس
مهندس منسي : هوه عموماً المكنة اللي عندنا بتشفط منه الهوا، هي مكنة دي بتاعت السواك النص أتوماتيك اللي هي عبارة عن مكن الفاكيوم،
العميل : مكن الفاكيوم بيعمل إيه؟؟؟
مهندس منسي : حضرتك بتحط المنتج بتاعك في كيس، اللي هوه عود السواك بتحطه في الكيس، الكيس ده بيبقى معمول من خامة مخصصة ليه اسمها بولي آميد مبطن بالبولي إيثيلين
العميل : أوكيه
مهندس منسي : وبعد ما تصنع الأكياس من البولي آميد المبطن بالبولي إيثيلين بتحط العود في قلب الكيس دوت، وبعد كده بتدخله في مكنة الفاكيوم، مكنة الفاكيوم بتشفط الهوا وتلحمه، تروح حاطه على مكنة تانية تقفل بيه اللحام، معايا
العميل : أكتر من مرحلة؟
مهندس منسي : لأ هي مرحلة واحدة، مرحلة التعبية ثم مرحلة الفاكيوم
العميل : طيب المادة اللي بيدخلوها بيبقي معاها السائل؟
مهندس منسي : ممكن نحط معاها مادة النيتروجين، آه النيتروجين ده بيبقى هوا سائل
العميل : النيتروجين ده كويس ما بيأثر
مهندس منسي : ما بيأثر ما بيطلع أي شي ما تقلقش، هوه مادة هوا سايل
العميل : طيب ما بيأثر على الواحد بعديها ولا كيف؟
مهندس منسي : لا عادي ممكن تاخد أي نتيروجين، ده بيكلوه، ده بيحطوه مع الآيس كريم كمان
العميل : طيب، معلش بغلبك معايا شوي
مهندس منسي : لا اتفضل
العميل : طب أديش مدة الصلاحية فيها
مهندس منسي : مدة الصلاحية بتبقى حسب حالة الجو… فيها اعتبارات كتيرة، يعني أنا ما أقدرش أدي مدة صلاحية، لأن حسب حالة الجو، حسب السماكة بتاعت الخامة، حسب العود نفسه اللي محطوط
العميل : العود أصلاً بيكون رطب
مهندس منسي : آه بيبقى رطب آه
العميل : وبيضله محافظ على رطوبته العود؟
مهندس منسي : المفروض آه يضل محافظ عليها ليه؟؟ الخامة بتاعت البلاستيك بتاعت الكيس اللي أنا بتكلم حضرتك عليها وبقولك إن الخامة دي من مادة البولي آميد بولي إيثيلين، المادة دي ما بتسربش أي نوع من الهوا، ليه؟؟؟ لأن البلاستيك أوردي في حاجة اسمها برمبلتي يعني النفاذية، يعني حضرتك لما تجيب كيس بلاستيك عادي وتملاه مياه وتحط المياه دي على ميزان تلاقيه 1000 جرام، سيبها كده 5 ـ 6 أيام أسبوع هتلاقي الـ 1000 جرام دي نقصت وبقت 950 جرام ـ 930 جرام، الله طب الباقي ده راح فين؟؟ الباقي ده اتسرب المسام بتاعت البلاستيك نفسها، طيب لما نيجي نقول البلاستيك بتاعنا ليه بنختاره من مادة البولي آميد بولي إيثيلين؟؟ لأن البولي آميد اللي بتبقى فوق ديت بتمنع أي نفاذية تخش جوه، طب لما نيجي نقول إحنا منعنا نفاذية السائل، في نفاذية تانية اسمها نفاذية الأكسجين، ونفاذية الأكسجين النشط، في نفاذية أكسجين عادي وفي نفاذية الأكسجين النشط، هنا مادة البولي آميد اللي إحنا مبطننها بالبولي إيثيلين دي بتمنع بتاتاً من دخول أي أكسجين جوه، يبقى معناها هتفضل الرطوبة زي ما هي، هيمنع التعفن، هيمنع وصول أي أكسجين
مهندس منسي : هوه إيه اللي بيحافظ على الكائن الحي، هو البكتريا والفيروسات ديت هي كائن حي، إيه اللي بيحافظ عليه ويخليه يعيش؟؟؟؟ الأكسجين، فهنا أنا منعت دخول الأكسجين خالص، إذن المنتج هيفضل فريش كما لو كنت إنت لسه معبيه دلوقتي، يعني ده كمان بيرجح في المواد الغذائية، يعني في ناس مثلاً عايزه توصل البن لطعم البن مثلاً.. مثلاً… إحنا بنتكلم في السواك،، نييجي نتكلم في البن، البن طعمه لما بيتحمص غير طعمه بعد أسبوع، فبقينا نعملهم فاكيوم عشان أول ما العميل يفتحه كأنه واخده دلوقتي متحمص، وبرده عملناها في التوابل، وعملناها في المكسرات، وعملناها في كل المنتجات اللي هي ممكن تتأكسد بسرعة
العميل : طيب هلأ سؤال تاني طيب أنا المنتج 20 سم كويس، وبحط فوق حسب ما احتاج ، كيف الماكينة بتاخد خط الإنتاج تبعها؟ كيف تاخد المسواك؟
مهندس منسي : خط إنتاج إيه؟
العميل : يعني كيف أحط المنتج تبعي وهوه ماتريال مواد خام أحطها….
مهندس منسي : بييجي كيس جاهز، وبعد كده إنت بتحط المنتج بتاعك وات إيفر أياً كان طوله في قلب الكيس بتاعك، وبعد كده بتحطه في مكنة الفاكيوم، مكنة الفاكيوم تشفط الهوا وتخليهولك مشفوط
العميل : أوكيه.. طيب كيف أصنعه وكيف اغلفه
مهندس منسي : آه إنت عايز مرحلة التجهيز، أنا بتكلم في مرحلة التعبئة والتغليف بس، إنما مرحلة التجهيز دي مش تبعي
العميل : طيب التعبئة أنا لازم أعبي شي خرطوم صح…
مهندس منسي : آه…
العميل : أنا بعبي فيه وبحطه جوه ماكينة الماكينة كل اللي عليها إن هي تشفط الهوا فقط
مهندس منسي : أيوه بتشفط الكيس بس
العميل : يعني ما بتكبسلي وما بتسويلي شي…
مهندس منسي : تكبس إيه، العملية إن هي بتشفطلك الكيس وتخليلك العود مشفوط في قلب الكيس، هوه مافيش تغليف دلوقتي أكتر من كده
العميل : تكبس الحراري أنا قصدي هي؟
مهندس منسي : آه وبتلحمه
العميل : آه يعني أنا أشتري عندي أنا خط الإنتاج، اللي هوه بتاع الماكينة الشاب اللي هوه بس يعبي العيدان فيها ويحطها جواها وهي عليها إنها تشفط وتغلف
مهندس منسي : أيوه
العميل : طيب.. ماشي، وهي إيش الماكينات هادي موجود جاهز منها؟
مهندس منسي : إن شاء الله
العميل : كام سعرها؟ شو مواصفاتها؟
مهندس منسي : في مكنة صغيرة، وفي مكنة كبيرة، الصغيرة عامله 550 ، والكبيرة 2 حوض يعني مكنتين في مكنة واحدة، و 4 عود يعني 4 جناحات يعني بتلحم على 4 جناحات، غير الصغيرة بجناح واحد، يعني دي بتسرع في الإنتاج جامد، يعني إنت معاك 4 أضعاف المكنة الصغيرة، دي بتعمل
العميل : طيب كيف شو أحجامهم لو بدنا نشحنهم تقدر تشحنهم صح؟
مهندس منسي : عادي نقدر نشحنهالك طيران
العميل : طيب هاي الشاب معاك
العميل : طيب ما في هنا تقدر تبعتلنا إياها على الإيميل؟
مهندس منسي : آه نقدر نبعتهالك على الإيميل، وممكن دلوقتي على الواتس أوريهالك، يعني عندنا كل الوسائل ما تقلقش
العميل : طيب ترسلي إياها على الواتس آب
مهندس منسي : آه على الواتس آب ، يعني قولي أنا اللي كنت كلمت على مكنة التغليف….
العميل : هالحين اسم الكريم
مهندس منسي : المهندس منسي
العميل : المكاين جاهزة؟
مهندس منسي : جاهزه آه
العميل : طيب، أرسلي أسعارهم معلش وابعتلي صورهم
مهندس منسي : حاضر
العميل : شكراً
