ماكينة الفلوباك لتغليف الكب كيك من شركة المهندس منسي

العميل : سلام عليكم

المهندس منسي : عليكم السلام ورحمة الله وبركاته

العميل : الله يخليك، لو سمحت عايز أسأل على مكنة التغليف اللي هي إم تو باك

المهندس منسي : آه هوه إم تو باك دي ماركتها، يعني كل مكن التعبئة والتغليف اللي عندنا اسمه إم تو باك

العميل : طيب.. طيب، اللي هي بتطبع تاريخ الإنتاج وبتغلف في نفس الوقت

المهندس منسي : آه.. هتغلف إيه؟

العميل : طيب.. طيب… اللي هي بتغلف أي نوع هي…. أنا عايز أغلف… يعني مثلاً اتصلت عليكم قبل كده بخصوص المكنة الكبيرة، بس مبدئياً عايز يعني

المهندس منسي : آه حضرتك هتعبي إيه وتغلف إيه؟

العميل : هعبي كيكة اللي هوه كب كيك

المهندس منسي : آه هوه في مكنة نص أتوماتيك وفي مكنة أتوماتيك

العميل : طيب.. طيب النص أتوماتيك بكام والأتوماتيك بكام؟

المهندس منسي : النص أتوماتيك بـ والأتوماتيك بـ 1

العميل : طب النص أتوماتيك دي يعني كيف بتشتغل كيف؟ يعني بتدخل فيها اليد يعني؟

المهندس منسي : آه.. بتحط الحاجة في الكيس وترميها على سير، السير دوت ياخد الكيس يلحمه ويوديهولك الناحية التانية

العميل : أيوه.. أيوه.. كويس، طب في عندكم معاه أكياس للتغليف، بكرات يعني؟

المهندس منسي : آه عندنا بكرات آه

العميل : طب البكرات دي بتتعمل بحسب المقاسات ولا كيف؟ حسب المقاسات اللي أنا بطلبها؟

المهندس منسي : حسب عدة عوامل، يعني بتتعمل إزاي بقى، السماكة، والخامة، والعرض بتاع الشغل بتاعك إيه، والخامة نوعيتها إيه، وسماكة الخامة ديت اللي إنت عايزها أد إيه، والديزاين بتاعك شكله إيه، والكمية بتاعتك أد إيه

العميل : طيب.. طيب.. يعني ممكن البكرة تتكلف كام تقريباً؟

المهندس منسي : ما هو لازم الحاجات اللي أنا قلتهالك ديت الخمس عوامل دول يبقوا قدامي عشان خاطر أعرفلك السعر كام

العميل : أيوه.. أيوه… يعني كام بالجنيه المصري

المهندس منسي : لأ هوه أنا بقى هقولك النهاردة بالجنيه المصري كام، وبكره بالجنيه المصري كام، لأ إنت خش على النت اكتب سعر ال اليوم، هيطلعلك السعر تروح ضربه فيها

العميل : أيوه.. المهم يعني بـ

المهندس منسي : لأنه في تذبذب عالي قوي في سعر العملة فمأقدرش أقول بالمصري كام

العميل : آه.. آه.. طيب سعر نهائي يعني؟

المهندس منسي : إن شاء الله، إحنا شركة عالمية فسعرنا نهائي

العميل : طيب.. شكراً

المهندس منسي : ماشي يا غالي مع السلامة