ماكينة الفليب أوف من شركة المهندس منسي

العميل: سلام عليكم

المهندس منسي: عليكم السلام ورحمة الله وبركاته

العميل: المنسي لمعدات التعبئة والتغليف

المهندس منسي: إن شاء الله

العميل: إزيك يا باشا

المهندس منسي: الحمد لله

العميل: في عندكم المكنة اللي بتقفل العبوات الـ 100 سم و500 سم اللي فيها الفليب أوف والألومنيا العادية

المهندس منسي: إنت عايز المكنة اللي بتقفل الغطيان الفليب أوف

العميل: آه الفليب أوف والألومنيا العادية اللي هي القطر الـ 20… دي في منها أنواع ولا نوع واحد؟

المهندس منسي: هي نوع واحد

العميل:طب دي عامله كام يا باشا؟

المهندس منسي: في حدود 5500

العميل: طيب دي اللي هي زي صندوق.. اللي هي بيغيرلها القاعدة قاعدة بلاستيك كده بتتخرط عشان حجم الإزازة وكده؟

المهندس منسي: لأ هي القاعدة بتاعتها متغيرة عادي تقدر تغيرها براحتك

العميل: اللي هي بتتعمل عند الخراط اللي هي عامله زي….

المهندس منسي: لا هي الراس هي اللي بتنزل بتقفل الغطا

العميل: طيب هوه المكان فين يا باشا؟

المهندس منسي: إحنا عندنا حدائق القبة، مدينة نصر، باب الشعرية

العميل: فين في مدينة نصر أنا في مدينة نصر أصلاً

المهندس منسي: في مكرم عبيد، هبعتلك العنوان في رسالة حالاً

العميل: طيب يا ريت متشكرين قوي يا باشا الله يخليك