ماكينة برشمة الازايز البلاستيك من شركة المهندس منسي
العميل : السلام عليكم
مهندس منسي : عليكم السلام ورحمة الله وبركاته
العميل : لو سمحت كنت عايز أسأل على مكنة اللي برشمة على الأزايز
مهندس منسي : آه مكنة برشمة الأزايز آه
العميل : اللي هي الغطا المعدن اللي بيبقى تحت الغطا
مهندس منسي : آه.. آه…
العميل : دي أسعارها إيه؟
مهندس منسي : بتعمل يعني 3600 جنيه
العميل : حضرتك عارف أنهي واحدة؟
مهندس منسي : آه اللي بتلحم الغطا المعدن اللي تحت الغطا البلاستيك
العميل : بالضبط، والغطيان بتبقى متوفرة عندك برده
مهندس منسي : بتتعرض لموجات كهرومغانطيسية تقوم تلاقيها لصقت في بق العبوة ومسكت فيه جامد
العميل : بالضبط، الغطيان دي متوفرة عندك
مهندس منسي : آه
العميل : طب مكانكم فين بعد إذنك؟
مهندس منسي : إحنا عندنا حدائق القبة، مدينة نصر، باب الشعرية، 6 أكتوبر
العميل : الحاجات دي معروضة ممكن أبص عليها؟
مهندس منسي : أكيد، ونجربهولك كمان
العميل : فين في حدائق القبة
مهندس منسي : هات الأزايز بتاعتك معاك
العميل : فين في حدائق القبة؟
مهندس منسي : هبعتلك العنوان بتاع حدائق القبة حالاً
العميل : خلاص، مواعدكم من إمتى لإمتى؟
مهندس منسي : من 11-9
العميل : الأيام
مهندس منسي : طول أيام الأسبوع ماعدا يوم الجمعة
العميل : خلاص جميل، ابعتهالي عشان خاطر ممكن آجي بكرة إن شاء الله
مهندس منسي : ماشي يا غالي
العميل : هوه في كذا حاجة منها ولا حاجة واحدة؟
مهندس منسي : هي حاجة واحدة وفي منها حراري، في دي وفي دي، يستحسن اللي هتلحم معاك بالأندكشن سيل
العميل : تمام.. وسعرها زي ما قلتلي مافيش أي أوفر فيها ولا حاجة
مهندس منسي : يعلم ربنا لو فيها كنت قلتهولك لوحدي
العميل : طب عليها ضمان أد إيه طيب؟
مهندس منسي : ضمان لمدة سنة ضد عيوب الصناعة و10 سنين توفير قطع الغيار لحساب العميل
العميل : طيب تمام جداً، خلاص ابعتلي العنوان عشان هاجي بكرة بإذن الله
مهندس منسي : خلاص مع السلامة
