ماكينة اندكشن للحام الطبات موديل 201 ماركة المهندس منسي

العميل : سلام عليكم

المهندس منسي : عليكم السلام ورحمة الله وبركاته

العميل : شركة المهندس منسي

المهندس منسي : أيوه

العميل : طيب أسعار الإندكشن إيه يا باشا؟

المهندس منسي : حضرتك عايز إندكشن لإيه؟ نص أتوماتيك، أتوماتيك، عايزها طاقة 500، عايزها 300؟؟؟

العميل : أنا فتحت صفحة النت بتاعكم من شويه اللي هوه في 201 ، 202

المهندس منسي : آه يعني إنت فاهم إن الإندكشن دي اللي هتلحم الغطيان…

العميل : آه الطبات الألومنيا بتاعت العبوات البلاستيك

المهندس منسي : آه مضبوط آه، الله ينور عليك، تمام ماشي يا باشا، ما هو السعر هتلاقيه موجود تحت ولكن هقولهولك يعني 2500 جنيه مصري، تبدأ منها آه

العميل : دي الـ 201، أما الـ 202 سعرها كام؟

المهندس منسي : حوالي ، يعني 3450 جنيه مصري

العميل : خلينا في الـ 201، عشان آجي أخدها آجي إمتى؟

المهندس منسي : إحنا موجودين من 11-9 طول أيام الأسبوع ماعدا يوم الجمعة

العميل : إن شاء الله هاجي لحضرتك السبت

المهندس منسي : أنا هبعتلك بقى تليفون المبيعات عشان كنكتد معاهم

العميل : يعني ما أجيش عند حضرتك في القاهرة

المهندس منسي : عادي ما هو أنا في القاهرة بس أنا استشاري الشركة مش المبيعات، أنا دوري إن أنا أوجه حضرتك، بس حضرتك متوجه جاهز، بسم الله ما شاء الله

العميل : أصل ببحث بقالي فترة وكده

المهندس منسي : آه لأ دارس ما شاء الله عليك

العميل : شكراً يا باشا، حضرتك طب ممكن تبعتلي الرقم الواتس ده في رسالة عشان خاطر مش هعرف أسجله حالياً؟

المهندس منسي : حالاً، هبعتهولك في رسالة دلوقتي حالاً

العميل : تمام.. طب حضرتك بعد إذنك سؤال أخير بس، هوه المبيعات هناك هخدها منهم ولا النظام إيه، ممكن ينزلوا هنا نواحي الدقهلية؟

المهندس منسي : عادي تابع معاهم وهمه هيظبطوا الدنيا ما تقلقش

العميل : يعني ليكم مناديب هنا في الدقهلية؟

المهندس منسي : لأ ممكن تبعتلهم الفلوس وهمه يشحنوها لك

العميل : خلاص آجي أخودها أنا أفضل وخلاص

المهندس منسي : ماشي يا غالي، حتى تتدرب عليها وتقولهم يعملولك فيديو بيها

العميل : تمام

المهندس منسي : ماشي يا باشا

العميل : مع السلامة