ماكينة تشكيل البلاستيك بالفاكيوم من شركة المهندس منسي

العميل : سلام عليكم

مهندس منسي : عليكم السلام ورحمة الله وبركاته

العميل : شركة إم تو باك

مهندس منسي : أيوه

العميل : معلش بستفسر عن ماكينات فورم الفاكيوم اللي موجودة، لو أنا عايز حاجة بمواصفة معينة من ناحية العرض ومن ناحية العمق والكلام ده كله، إنتم مكانكم فين بالضبط؟

مهندس منسي : إحنا عندنا حدائق القبة، مدينة نصر، باب الشعرية، 6 أكتوبر

العميل : ما عندكوش في إسكندرية؟

مهندس منسي : إن شاء الله قريب، خدنا مكان عندكم في برج العرب ولسه هنبدأ نوضبه

العميل : ربنا يسهل بالتوفيق إن شاء الله

مهندس منسي : برج العرب حاجة كويسة بالنسبة لإسكندرية؟

العميل : والله هي برج العرب تعتبر منطقة صناعية يعني هي فيها ميزة وفيها حاجة، إنت كمنطقة صناعية مكان تعمل فيه معرض وكده يبقى هتحتاج حاجة في وسط البلد آه تبقى قريبة من الناس اللي عايزه تشوف مثلاً حاطط ماكيتات مكن، حاطط الكلام ده كله، برج العرب أنا مش عارف إنت واخدها لنشاط إيه، إنت واخدها كمعرض ولا تصنع ولا….

مهندس منسي : آه هعملها معرض آه

العميل : هتعملها معرض؟؟؟

مهندس منسي : آه… أصل بص النهاردة لما بتاع إسكندرية يتمشى كده لبرج العرب يحسسنا بس بالجدية والأهمية

العميل : معقول برده كلام منطقي

مهندس منسي : يتمشى على رجله كده يبقى هييجي يضيع وقتنا بس على الفاضي

العميل : كلامك مضبوط برده، برده الواحد حاجات تتاخد كوجهة نظر برده ممكن تبقى معقولة.. ممكن تكون معقولة

العميل : طيب أنا ممكن أدي لحضرتك معلومات كده وناخد وندي مع بعض نعرف كده ممكن يكون إيه، أو نضبط الأمور إزاي؟

مهندس منسي : أنا تحت الأمر

العميل : إنت حضرتك عارف العبوات… أنا محتاج مكنة زي ما قلتلك سيرمافورمينج فيها وحدة بارشينج اللي هي بتاعت التخريم

مهندس منسي : آه…

العميل : إنت عارف الفواكه بتاعت الفراولة البابت بتاع الفراولة وبتاع العنب والكلام ده كله؟

مهندس منسي : جيبلك خط سيرمافورمينج أتوماتيك كلامك مضبوط كده

مهندس منسي : في ممكن تعمله نص أتوماتيك والبارشينج يبقى من بره

العميل : آه.. آه… طب إحنا مش متوفر عندنا أتوماتيك؟

مهندس منسي : لا الأتوماتيك نقدر نعملهولك أو نجيبهولك بالطلب، إنما المتوفر بضاعة حاضرة النص أتوماتيك

العميل : النص أتوماتيك بيبقى التشكيل وبعد كده يطلع على المقص يقص ويتخرم

مهندس منسي : إن شاء الله

العميل : طب التقطيع والتخريم بتبقى مرحلة واحدة ولا مرحلتين؟

مهندس منسي : ممكن تبقى مرحلة واحدة

العميل : طب لو قلنا تقريباً سعرها كام دي؟ العرض كام الأول لو كده….

مهندس منسي : ما نقدرش نحسب سعرها على السريع كده، دي لازم نقعد ونمسك ورقة وقلم ونشوف…. يعني حضرتك تبعتلنا أطباق نبدأ ناخد المقاسات بتاعتها ونتصل بيك ونقولك آه والله وضعها كذا، أما المكنة نفسها سعرها

مهندس منسي : عملية بقى تكلفة الطبق ديت ما نقدرش نحسبها، لازم نمسك عينات ونبدأ نحسب عليها

العميل : طيب ولو قلنا حاجة أتوماتيك تقريبياً كده نقول في حدود كام الخط كله؟

مهندس منسي : في حدود 2

العميل : مش كتير قوي كده؟

مهندس منسي : ما هو مش كل الخطوط زي بعضها، إنت بتتكلم على خط أتوماتيك كامل

العميل : منشأه إيه يا باش مهندس؟

مهندس منسي : مش عملية منشأه إيه، كله النهاردة منشأه صيني، حتى لو قالك ده تايواني حتى لو قالك مش عارف برده في الأول وفي الآخر جاي من الصين

العميل : آه.. آه…

مهندس منسي : هتلاقي الغالبية العظمى جاي من الصين

العميل : طب خلينا نقول النص أتوماتيك، طب المقص المكنة اللي ممكن تدي معايا الحاجات دي تعملها في حدود ؟

مهندس منسي : لأ المكنة بس مكنة التشكيل اللي هي النص أتوماتيك دي بتعمل

العميل : آه… والمقص بتاعها مع وحدة البارشينج؟

مهندس منسي : ده بقى اللي لازم نحسبه

العميل : طيب إنت هتحتاج إيه عشان تحسبه

مهندس منسي : هتحتاج عينة…

مهندس منسي : آه عينة من اللي إنت بتصنعها

العميل : آه.. آه… طيب هنا في برده لو أنا بنتج كذا شكل، طبعاً الاسطمبات مافيش جدال عليها إنها لازم تتغير، وحدة البارشينج كل شكل ليه وحدة بارشينج معينة، طالما أنا….

مهندس منسي : مضبوط لازم

مهندس منسي : آه لازم كل شكل وحدة بارشينج معينة

العميل : طيب يا باش مهندس، معلش أسجل النمرة باسم المهندس مين هنا؟

مهندس منسي : المهندس منسي

العميل : حضرتك المهندس منسي نفسه؟

مهندس منسي : إن شاء الله

العميل : تمام يا باش مهندس كل سنة وحضرتك طيب

مهندس منسي : وإنت طيب

العميل : شكراً