ماكينة تصنيع الطحينة من شركة المهندس منسي

العميل: السلام عليكم

المهندس منسي: عليكم السلام ورحمة الله وبركاته

العميل: شركة المنسي

المهندس منسي: أيوه اتفضل

العميل: بعد إذنك بتعمل خطوط إنتاج طحينة ولا مافيش؟

المهندس منسي: هوه عندنا مكنة بس تاخد السمسم تفرمه وتعمله طحينة

العميل: طحانة يعني مطحنة

المهندس منسي: أيوه.. وعندنا بقى مكنة التعبئة والتغليف بتاعت الطحينة

العميل: آه.. طب مكنة الطحن ديت بتطحن كام كيلو في الساعة ولا إيه؟

المهندس منسي: في حدود 25 ـ 35

مافيش حاجة أكبر من كده، أصل إحنا بنطلع كميات يعني

المهندس منسي: ممكن تعدد الوحدات، ممكن تحط وحدتين جنب بعض

العميل: لأ إحنا مثلاً لنحتاج… إحنا في شركات مكلمانا إن في نوع واحد بتطحن لحد 500 وألف في الساعة

المهندس منسي: لا دي حاجة تانية اسمها الحجارة اليدوي دي القديمة

العميل: أيوه

المهندس منسي: إنما إحنا بنعمل مشاريع صغيرة للشباب يعني مشروع صغير كده للشباب، إنما في حاجة تانية اللي هي المطحنة القديمة بتاع الحجارة

العميل: آه ما هي دي اللي إحنا شغالين بيها دلوقتي بيقولك في مكن حديث طلع بتروس أو حاجة شكل كده برده، ولا حضرتك ماعندكش خلفية عنها

المهندس منسي: لأ أنا عملت المكنة الصغيرة ديت عشان أساعد بيها الناس إنما مش هي مجالنا، مش مجالنا الطحينة، لما طلب مني واحد عايز يعمل مشروع صغير في الصعيد فأنا فكرت في الموضوع وعملنا المكنة ديت الحمد لله نجحت نجاح باهر يعني

العميل: آه… طب دي بتتكلف في حدود كام برده يا عمنا؟

المهندس منسي:

العميل: اللي هي ستالس ستيل وكده

المهندس منسي: آه

العميل: دي اللي هي 25 كيلو في الساعة؟

المهندس منسي: آه من 25-35

العميل: هوه إنتم تعاملكم بال ولا إيه؟

المهندس منسي: لا إحنا بناخد بالجنيه المصري، ولكن إحنا بنسمي بال عشان ثبات الأسعار، عشان أوقات بيسألوا ييجي بعديها بسنة يقولك أنا جاي على السعر اللي إنت ادتهولي، فبقيت أسمي بال وآخد بالمصري

العميل: أيوه.. أيوه…

المهندس منسي: باخد بالجنيه المصري عادي، بس بسمي السعر بس بال

العميل: آه.. آه… تمام… طب في حاجة تانية لخطوط الإنتاج ديت ولا مافيش غير الطحانة دي؟

المهندس منسي: هي دي بس آه، لو عايز بقى تزود الطاقة ممكن تحط عدد من الوحدات جنب بعضها

العميل: طب هي مساحتها أد إيه برده؟

المهندس منسي: أد نص مكتب كده

العميل: يعني 1.5 × 1.5 متر مثلاً؟

المهندس منسي: لا متر × متر

العميل: طيب ديت تحتاج كهربا 3 فاز ولا 2 فاز

المهندس منسي: عادي 3 فاز ـ 2 فاز مش فارقة

العميل: عادي يعني كهربا 2 فاز تشغلها يعني

المهندس منسي: عادي..

العميل: أيوه تمام يا فندم، طب مكنة التعبئة والتغليف ديت برده عبوات صغيرة كيلوهات وكده ولا إيه؟

المهندس منسي: آه في على عبوات وفي على أكياس

العميل: طب العبوات دي تتكلف كام برده عشان أبقى فاهم

المهندس منسي: في نص أتوماتيك وفي أتوماتيك كامل

العميل: طب النص أتوماتيك ديت عبارة عن إيه؟

المهندس منسي: النص أتوماتيك بتبدأ من 1350 ، والأتوماتيك بتبقى

العميل: آه دي بتطلع متبرشمة بحاجتها بكل حاجة

المهندس منسي: إن شاء الله

العميل: على الاستيكر وحاجاتها كلها

المهندس منسي: إن شاء الله

العميل: طيب شكراً، طب حضرتك لو احتجنا حاجة هكلمك..موجودين في الفرع بتاعكم في القاهرة

المهندس منسي:آه

العميل: تمام يا باشا، شكراً