ماكينة تصنيع علب البيض من شركة المهندس منسي

العميل : سلام عليكم

المهندس منسي : عليكم السلام ورحمة الله وبركاته

العميل : يعطيك العافية كيف حالك

المهندس منسي : الحمد لله

العميل : أنا أخدت تليفونكم الواتس من على النت، بدي أستفسر إنتم بتصنعوا علب البيض، ماكينات اللي بتصنع علب البيض

المهندس منسي : علب البيض البلاستيك

العميل : آه علب البيض البلاستيك

المهندس منسي : آه عندنا المكنة آه

العميل : بتصنع كل الأحجام؟

المهندس منسي : إن شاء الله

العميل : طب أنا بدور على مصنع آخد منه علب بيض جاهزة، ما تعرفش…

المهندس منسي : هوه إحنا عندنا المكنة اللي بتصنع العلب إنما ما عندناش فكرة مين اللي بيصنع، لأنه بيجوا يشتروا ويمشوا، فمخدش بالي مين اشترى

العميل : إيه؟؟

المهندس منسي : بيجوا يشتروا المكنة ويمشوا، فإحنا ما نعرفش ما عندناش داتا ليهم، إنما هوه إحنا عندنا المكنة اللي بتصنع علب البيض أو عبوات البيض البلاستيك

العميل : يعني هي فرصة….

المهندس منسي : المكنة مش غالية المكنة عاملة ، مش غالية يعني

العميل : آه مش غالية، بتصنع كل الأحجام

المهندس منسي : كل الأحجام آه، وطريقة تشغيلها كمان سهلة، فهو الغالبية العظمى الناس اللي هي محتاجة الأطباق هي اللي… يعني مش حد بصنع للغير اللي بياخدها، ولكن في ناس بيصنعوا للغير ولكن ما عندناش الداتا بتاعتهم

العميل : آه… المكنة كبيرة ولا حجمها بيكون…

المهندس منسي : أد المكتب كده

العميل : صناعتها إيه طيب.. صيني، مصري…؟

المهندس منسي : لأ دي ماركة، براند

العميل : طيب مصدرها من وين صيني؟

المهندس منسي : ما هي ماركة براند عالمي، زي حضرتك كده إتش بي، إتش بي هتروح تقولهم إنتم مصدركم إيه؟؟ ما هو دي ماركة براند عالمي

العميل : آه.. طيب سؤال الأخير معلش إذا أزعجتك، كام القدرة الإنتاجية للمكنة؟

المهندس منسي : بتتحدد على حسب اللي واقف عليها، يعني ممكن تعملها مثلاً هي بتعمل في الكبسة قول مثلاً لو بنقول أطباق البيض نقول مثلاً في الكبسة 4 أطباق في دقيقة أو نص دقيقة

العميل : حسب الشخص اللي واقف عليها

المهندس منسي : حسب الشخص وحسب السماكة بتاعت البلاستيك اللي إنت حاططها، لو سماكة تقيلة بتاخد وقت، لو سماكة خفيفة ما تاخدش وقت

العميل : نعم، طب أنا بدي إياها على الأردن

المهندس منسي : عادي مافيش مشكلة، في عندنا شركات شحن كتير، إما إنت حضرتك بتقولي اشحنولي على شركة كذا وإحنا بنقولك هنشحن على شركة كذا

العميل : طيب ممكن تدريب شخص على المكنة ولا…

المهندس منسي : أكيد ده لازم، ده المفروض، لأن هوه حتى لو حضرتك ما تدربتش بندرب حد عشوائي ونبعتلك الفيديو بتاع التدريب عليها

العميل : نعم…

المهندس منسي : يعني إحنا بنعمل إن إحنا ندرب الناس عليها عشان خاطر يعرف يشتغل عليها

العميل : نعم.. موقعكم فين في مصر؟

المهندس منسي : إحنا عندنا حدائق القبة، مدينة نصر، باب الشعرية، القاهرة يعني

العميل : مدينة نصر فين أنا بالعبور

المهندس منسي : هبعتلك الداتا بتاعت مدينة نصر حالاً

العميل : إذا سمحت، وممكن أنا أزور مكتبكم في مدينة نصر بكره

المهندس منسي : إن شاء الله تيجي تنورني

العميل : شكراً.. شكراً

المهندس منسي : مع السلامة