ماكينة تعبئة العبوات المضغوطة موديل 403  من شركة المهندس منسي 

العميل: السلام عليكم

المهندس منسي: عليكم السلام ورحمة الله وبركاته

العميل: مساء الخير يا فندم

المهندس منسي: مساء الخير

العميل: أنا كنت بس بدور على مكن حضرتك بتاع تعبئة العبوات المضغوطة، كنت بستفسر متوفر عندكم يا فندم

المهندس منسي: يعني إيه العبوات المضغوطة؟

العميل: زي الاسبريه يا فندم

المهندس منسي: آه العبوات اللي هي زي الاسبريه، بتسموها العبوات المضغوطة؟

العميل: هي بسموها، في ناس بيسموها أيروسول، في ناس بيسموها مضرب قوطة… الاسم اللي ساعدتك عايزه يعني

المهندس منسي: ماشي يا غالي

العميل: كنت عايز أشوف متوفرة عندكم يا فندم؟

المهندس منسي: إحنا بنقدم المكن اللي بيعبي العبوات المضغوطة

العميل: طيب ممكن تديني بس حضرتك فكرة عنه مثلاً لو سمحت

المهندس منسي: هوه إحنا بنجيب خط الأيروسول دوت نص أتوماتيك

العميل: يعني إيه الفرق ما بينه وبين الأتوماتيك؟

المهندس منسي: لا النص أتوماتيك حاجة والأتوماتيك حاجة، نص أتوماتيك يعني حضرتك بتحطلها العبوة بإيدك وهي بتعبيه، تدوس دوسة كده برجلك هي تروح معبياه

العميل: ينفع تحط كام عبوة في نفس الوقت

المهندس منسي: آه عادي ممكن تحط 4 عبوات

العميل: ده الماكس 4 عبوات في نفس الوقت

المهندس منسي:  4عبوات وفي دواسة كده بالرجل تروح دايس عليها، أو فوتوسيل مجرد ما الـ 4 عبوات يستكملوا تروح هي منزله المياه.. منزله المادة بتاعتك على طول معبياها

العميل: أوكيه… طب كباسيتي أد إيه في الساعة يا فندم

المهندس منسي:  الـ 4 نزل دي تعملها في حدود من 4000-6000 حسب سرعة اللي واقف عليها

العميل: في الساعة

المهندس منسي:  آه

العميل: ده مكنة صيني ولا إيه يا فندم؟

المهندس منسي:  لا ده براند

العميل: آه إنتم بتصنعوها عندكم

المهندس منسي:  إحنا ماركة زي مرسيدس و بي إم كده

العميل: أيوه يا فندم

المهندس منسي:  يعني مرسيدس وبي إم بيصنعوا قطع غيارهم فين؟

العميل: ده تصنيع إيه يا فندم؟تصنيع مصري يعني ولا فين؟

المهندس منسي:  الفكر نفسه والديزاين مصري، ولكن قطع الغيار مصتنعه بره ومتجمعه في مصر

يعني إنت النهاردة بتسأل عن ماركة المهندس منسي هل هي ذات ثقة ولا لأ، إنت النهاردة لما تيجي تجيب عربية مرسيدس مثلاً ولا بي إم دبليو أو فولكس فاجن أو كده هتروح تقولهم إنتم مصنعين قطع الغيار بره فين؟؟!!!! ما هو استحالة يكونوا مصنعين كل قطع الغيار في ألمانيا

العميل: طيب المكتب بتاع حضرتك فين؟

المهندس منسي:  إحنا عندنا حدائق القبة، مدينة نصر، باب الشعرية، 6 أكتوبر

العميل: مدينة نصر فين؟

المهندس منسي:  هبعتلك الداتا بتاعته في رسالة حالاً

العميل: يا ريت، فاتحين بكرة ولا لأ؟

المهندس منسي:  طول أيام الأسبوع ماعدا يوم الجمعة هوه ده اليوم الوحيد الأجازة

العميل: طب السبت الساعة كام أقدر أفوت عليكم يا فندم؟

المهندس منسي:  من 11-9

العميل: المكنة متوفرة يا فندم ولا هتعملوا أوردر

المهندس منسي:  آه..

العميل: طيب سعرها في حدود كام يا فندم؟

المهندس منسي:  الخط كامل عامل 1

العميل: تقصد إيه بالخط كامل؟

المهندس منسي:  يعني عبارة عن 3 مكنات

العميل: بتعمل إيه وإيه وإيه؟؟؟

المهندس منسي:  المكنة اللي بتعبي، ومكنة بتقفل، ومكنة اللي بتضغط الغاز

العميل: وكل ده سيم أتوماتيك، محتاج كام عامل على الـ 3 مكنات

المهندس منسي:   لا محتاج 2، واحد يعبي، وواحد يغطي ويضغط الغاز

العميل: آه..

2 المهندس منسي:   عمال

العميل: فاهمك، طيب ال ده مافيش بالجنيه يعني ولا إيه؟

المهندس منسي:  لا هوه أنا بسمي بس بال عشان ثبات الأسعار، إنما باخد بالجنيه المصري عادي، يعني بسمي بال عشان نضمن ثبات الأسعار

العميل:  مفهوم..

المهندس منسي: عشان كده بقينا نسمي بس بال، أما إحنا بناخد بالجنيه المصري عادي مافيش مشكلة

العميل:  مفهوم، طب أنا كان عندي سؤال دلوقتي السلندر افرض أنا عايز أعبي عبوات مختلفة، دي هقدر، أنا عندي عبوة مثلاً 400، عبوة 200….

المهندس منسي: مش هتفرق لأ

العميل:  دي بتحكم فيها في المكنة

المهندس منسي: آه تقدر تتحكم فيها في المكنة، إنت عايز تعبي دلوقتي 4 نكهات أو 4 خامات، كل خامة شكل معين، وفي نفس الوقت كل خامة سعة معينة، المكنة فيها أوبشن كامل لكل الحاجات دي

العميل:  آه…

المهندس منسي: تروح تقوله عاوز مكنة تعبئة السوائل 403 ، 4 نزل

العميل:  آه… على الكمبيوتر بتاع المكنة بضبطها

المهندس منسي: لأ مش كمبيوتر، دي بتبقى فيها دايرة كده من ورا، دايرة بمسطرة كده، تروح مضبط الدايرة على المسطرة تروح منزله لك الكمية اللي إنت عايزها

العميل:  افرض حجم التيوب، حجم السلندر مختلف، المكنة هتتقبلها، في سلندر رفيع، في سلندر تخين..

المهندس منسي: هي ملهاش دعوة بشكل العبوة ولا رفعها ولا طولها

العميل:  آه… أنا لازم آجي أشوف المكنة، عشان كده أستأذنك في العنوان يوم السبت إن شاء الله هجيلك

المهندس منسي: حضرتك هتروح تقوله في الأول وريني المكنة الـ 4 نزل التعبئة

العميل:  هي مافيش غير واحدة بس

المهندس منسي: لا في مكن كتير، في 2 نزل، وفي 1 نزل… في حاجات كتير قوي

العميل:  آه.. فهمتك

المهندس منسي: ممكن يكون فرد اللي هناك ماهوش فاهم لأنه الخط ده بيعه نادر جداً وتقيل جداً

العميل:  ليه يا فندم بقى قولي

المهندس منسي: ما عليهوش طلب جامد، فكرته قليلة، مش بابليكر، مش شعبي، يعني فكرته قليلة، يعني اللي بيفكروا يعبوا الحاجات ديت عددهم قليل، ولما بيعبي بيعبي 4000 إزازة في الساعة يعني في اليوم 40 ألف يعني الكلام… بس يوزع الـ 40 ألف

العميل:  بس في مكن ممكن يكون 2 نزل مش 4 نزل

المهندس منسي: في مكن 2 نزل، وواحد نزل كمان

العميل:  طب ده يبقى أرخص يا فندم في الثمن؟

المهندس منسي: آه أرخص آه، الواحد نزل عامله ، والـ 2 نزل عامله

العميل:  والـ 4 نزل عامله 14000 ألف

المهندس منسي: لأ الـ 4 نزل عامله ، أنا بكلمك كده الخط كامل متكامل 14000

الخط ده بيتكون من 3 ماكينات:

مكنة تعبئة سوائل، ومكنة قفل الغطا، ومكنة ضغط الغاز

العميل:  قفل الغطا تقصد اللي هي بتاع اللي فوق اللي بيداس عليها البامب

المهندس منسي: أيوه البامب، واخد بالك، إحنا كده بنتكلم في مكنة تعبئة السوائل، مكنة تعبئة السوائل هي الليلة، هي الأم، هي الماذر، هي دي اللي بتحرك الـ 2 تانيين اللي بعديها

العميل:  بالضبط كده يا فندم

المهندس منسي: ففي من مكنة تعبئة السوائل 3 أنواع، واحد نزل، و 2 نزل، و 4 نزل

الواحد نزل في منها بـ، وفي منها بـ ، وفي منها ب

لو على اللتر ب، لو  على النص لتر تبقى بـ

العميل:  اللتر اللي هي تسحب لتر مواد خام

المهندس منسي: آه تعبي لتر

نيجي بعديها بقى لمكنة قفل الغطا ومكنة ضغط الغاز

مكنة قفل الغطا ومكنة ضغط الغاز دول التوتال بتاعهم 10000

لأنه النهاردة مكن تعبئة السوائل كتير قوي بيطلبوه، فبنعمل منه كتير، فكل ما المكن كل ما المنتج اتعمل منه كتير سعره ينزل، أما كل ما المكن اتطلب منه بقى قليل جداً كل ما عملناه كستومايز إعدادات خاصة للعميل

العميل:  هي تعبئة السوائل اللي حضرتك بتقولي عليها تنفع ألومنيا وتنفع بلاستيك

المهندس منسي: تنفع ألومنيوم، وتنفع بلاستيك، وتنفع أكياس… تنفع كل اللي يخطر على بالك

العميل:  آه…

المهندس منسي: إنت كل ما عملت كل ما عبيت كل ما عملت المنتج بتاعك بكثافة كل ما كان سعره رخيص

العميل:  أكيد

المهندس منسي: طب كل ما المنتج قل في الطلب عليه كل ما إنت بالنسبة لك الدنيا بقت بسيطة، سعرها عالي

العميل:  مضبوط صح… ماشي، طب نقطة تانية بقى هل عندكم ميكسر بليندر؟

المهندس منسي: آه عندنا آه

العميل:  أنا بتكلم على كيماويات ومواد نظافة وكده

المهندس منسي: آه موجود إن شاء الله

العميل:  آه طب ده بتكلم في حجم أد إيه؟

المهندس منسي: السعة اللي تعجبك، في موجود 50 لتر، وفي ألف لتر، وفي 500 لتر، وفي 250، وفي 100، و 150

العميل:  آه طيب الـ 50 لتر بكام يا فندم

المهندس منسي: الـ 50 السنجل جاكت سعره عامله

العميل:  طب وده يا فندم ينفع يتغسل ويتعمل فيه مادة تانية

المهندس منسي: آه عادي آه

العميل:  طب المقاس الأكبر منه

المهندس منسي: عامل

العميل:  ده اللي هوه كام لتر؟

المهندس منسي: 100 لتر

والـ 200 لتر عامل

والـ 300 لتر عامل 1

والـ 500 لتر عامل 2000

والألف عامل

العميل:  خلاص، سعادتك يا باش مهندس مش هتكون موجود يوم السبت عشان أنا حابب أقابلك برده

المهندس منسي: أنا بالنسبة لي ما بقتش موجود في الشركة في الفروع كلها لأني أنا بيبقى عندي مرور هنا وهنا وهنا وهنا

العميل:  آه

المهندس منسي: فإنت هتروح هتقوله نفس الكلام اللي إحنا مع بعض قلناه ده

العميل:  أكيد يا باش مهندس.. طيب في حد معين تقولي عليه أقابله في فرع مدينة نصر

المهندس منسي: آه في هناك مهندس أحمد حسن

العميل:  طيب باش مهندس منسي أستأذنك بس في العنوان بعد إذنك

المهندس منسي: هبعتهولك في رسالة حالاً

العميل:  أنا شاكر لحضرتك متشكر جداً يا فندم

المهندس منسي: مع السلامة