ماكينة تعبئة العسل الأسود من شركة المهندس منسي 

العميل: السلام عليكم

المهندس منسي: عليكم السلام ورحمة الله وبركاته

العميل: باش مهندس منسي

المهندس منسي: أيوه

العميل: أهلاً وسهلاً يا فندم … أنا تامر أبو الفتوح شركة للاستيراد والتصدير

أهلاً بيك

العميل:  الله يخليك، أنا عارف إن نشاط الشركة بتاعت حضرتك أساساً في الماكينات بتاعت التعبئة والتغليف

المهندس منسي:  مضبوط آه

العميل:  تمام.. الحقيقة أنا عندي كمية من العسل الأسود محتاج إن أنا أعبيها، قلت أسأل حضرتك لو تعرف حد من العملاء بتوعك ممكن يقدملنا التعبئة دي كخدمة، يعني أجيبله العسل الأسود وأجيبله العبوات وهوه يعبيلنا الكمية دي، حوالي 150 طن تقريباً

المهندس منسي:  أصل هوه عملية التعبئة والتغليف مش مجهدة، يعني إنت النهاردة مثلاً لو مكنة واحد نزل بتعبيلك طن مثلاً في الساعة

العميل:  آه

المهندس منسي:  يعني في 10 ساعات بتكون معبية 10 طن، ده لو واحد نزل… لو 2 نزل بتعبيلك 2 طن يعني 20 طن في اليوم

العميل:  تمام

المهندس منسي:  فهمتني فـ 2 عمال يخلصولك الموضوع مثلاً في خلال أسبوع أو كده

العميل:  مفهوم آه… بس دي عشان أول مرة قلنا نعملها بسرعة كده، ممكن بعد كده نبقى نوفر… التعبئة دي أفضل يعني

المهندس منسي:  كله النهاردة بيحاول يشتري الحاجة ما يصنعهاش، بس صدقني لو كنت أعرف حد بيعبي للغير ما كنت اتأخرت عنك

العميل:   ده فعلاً التفكير مستقبلاً إنما عشان أول مرة دي يعني…

المهندس منسي:  إنت عارف لو جبت مكنتين 2 نزل كل مكنة تنتجلها في الساعة حوالي 3000 يعني 6000 يعني 6 طن في الساعة، يعني 60 طن في اليوم، وهمه 2 عمال اللي هيخلصولك، آدي القصة

العميل:  تمام…. ده كلام سليم لو الموضوع بصفة مستمرة يبقى كلام حضرتك مضبوط 100%

المهندس منسي:  اه

العميل:  آه…الله يبارك فيك، كتر ألف خيرك، جزاكم الله خير، شكراً

المهندس منسي:  السلام عليكم

العميل:  عليكم السلام ورحمة الله وبركاته