ماكينة تعبئة العسل ماركة المهندس منسي 

العميل: السلام عليكم

المهندس منسي: عليكم السلام ورحمة الله وبركاته

العميل: إزيك يا باش مهندس

المهندس منسي: أهلاً بيك

العميل: شركة المهندس منسي

المهندس منسي: أيوه

العميل: عنوانكم فين في مدينة نصر؟

المهندس منسي: هبعتهولك في رسالة حالاً

العميل: تمام.. الباش مهندس منسي موجود هناك أقدر أروحله ولا موجود عندك؟

المهندس منسي: معاك المهندس منسي اتفضل

العميل: إزي حضرتك يا باش مهندس

المهندس منسي: الحمد لله

العميل: مع حضرتك شركة المتحدة.. بقول لحضرتك أفكرك بتاع مكن تعبئة العسل

المهندس منسي: آه.. أهلاً بيك

العميل: إحنا كنا خدنا من عند حضرتك عرض سعر بتاع مكن تعبئة العسل حضرتك قلتلنا 3، أنا كنت بس عايز أعرف هل في إمكانية التوريد ولا لأ، يعني دلوقتي محتاجين متخصص يفهم الناس اللي هتقعد معاهم… إحنا شركة موردة يعني

المهندس منسي: ماشي اتفضل

العميل: بس همه عايزين يعرفوا المكن ده حضرتك بيشتغل إزاي، بس أنا كنت محتاج أعرف حضرتك من إيد لإيد حضرتك في التوريد عشان أعرف أتكلم معاهم لأني أنا تراجعت بعد الموضوع ما أخد جدية في الشركة أنا تراجعت عشان مستر حسام خذلنا شويه يعني، اللي هوه المفروض كان حلقة وصل بينا وبين حضرتك

المهندس منسي: آه…

العميل: فإحنا مش عارفين نتواصل معاه أصلاً يعني، فأنا قلت إن أنا أكلم حضرتك وأتواصل مع حضرتك مباشرة

المهندس منسي: خلاص ماشي مافيش مشكلة إحنا لينا الفايدة

العميل: أيوه.. هوه ده اللي أنا بتكلم فيه إن حضرتك ليك الفايدة في الآخر

المهندس منسي: آه…

العميل: بس أنا أقدر إن أنا أتكلم معاهم وأحدد معاهم ميعاد اللي هوه مثلاً أي فني من عند حضرتك أو حضرتك شخصياً زي ما حضرتك تحب يعني، نقعد معاهم ونقدر نتكلم معاهم بخصوص المكن والأجزاء بتاعته وشغل المكن إزاي…

المهندس منسي: أنا كده كده مدي أ/ حسام فيديوهات

العميل: هوه مش قصة فيديوهات، لاكرند عليها اسم حضرتك ورقم التليفون وكده، فطبعاً كشركة موردة….

المهندس منسي: طب ماشي إيه المانع إنك تكون شركة موردة تورد ماركة المهندس منسي، دي مافيهاش حاجة يعني، بالعكس همه لما يجولنا هنقولهم لأ آسفين

العميل: همه أي حد الجزائر لما أديله اسم المصنع هوه كحد هيحب يتعامل مع الشخص مباشرة، مش هيحب يتعامل مع شركة موردة

المهندس منسي: عملناها قبل كده 20 مرة، فهمه خليهم يلفوا… ما هو أنا عارف إنهم هيلفوا ويجيبوا وهيخسروا، اللي هيجيبوا هيشربوا

العميل: تمام أنا فاهم حاجة زي كده يا فندم، بس إحنا عازين برده كشركة موردة يكون لينا إحنا دور كويس في الموضوع

المهندس منسي: تمام

العميل: أيوه.. تمام، طب لو الموجود اقتصر على مقابلة كشرح فنيات

المهندس منسي: إنت ما تقلقش على نفسك إنك هتقولهم أنا مورد المهندس منسي، المهندس منسي دي النهاردة ماركة عالمية مش ماركة مصرية

العميل: عارف والله

المهندس منسي: النجاح إنك تلتزم مع الناس، لأنه إنت النهاردة إحنا بنتكلم في عملية، لو أنا قصيتك في العملية دي إنساني إلى الإبد، إنت هتنساني للأبد لو أنا قصيت فيها، يبقى أنا كده اللي مضرور، بص إحنا بنحقق السياسات الأوروبية في جمهورية مصر العربية، هوه صعب، ولكن بنحققها برده إن هوه بنحافظ… إنك إنت النهاردة توفرلي حاجات كتيرة قوي، بتوفرلي أولاً حاجات الدفع.. يعني دفع الفلوس، بتوفرلي عملية الجري، بتوفرلي الإجراءات الإدارية، بتوفرلي حاجات كتييييير قوي، اللي يحسبها يقول 5% قليلين

العميل: تمام.. طب يا باش مهندس معلش أنا هتصل بحضرتك تاني، أنا هتكلم مع مجلس الإدارة واتواصل مع حضرتك تاني

المهندس منسي: تمام

العميل: ماشي يا باش مهندس، أنا هرجع لرئيس مجلس الإدارة هتكلم معاه بالكلام اللي حضرتك اتكلمنا فيه سوا دلوقتي، وهرد على حضرتك تاني بخصوص الموضوع

المهندس منسي: ماشي يا غالي

العميل: خلاص.. أنا آسف لإزعاجك يا باش مهندس

المهندس منسي: ولا يهمك يا غالي مع السلامة

العميل: شكراً جزيلاً، مع السلامة