ماكينة تعبئة المنظفات من شركه المهندس منسي

العميل: سلام عليكم.

المهندس منسي: سلام ورحمة الله وبركاته.

العميل: ألو.

المهندس منسي: أيوه معاك اتفضل.

العميل: الفضل لله، أنا اسمي حسام  مدير عام شركة موجودة في السعودية، تمام.

المهندس منسي: اتفضل.

العميل: الفضل لله، وبندور على ماكينات خاصة بتعبئة العبوات الخاصة بالاتيرجين اللي هي الإزازة 500جم والـ250 والكلام دوت.

المهندس منسي: تعبي إيه؟

العميل: ليتيرجين.. ليتيرجين للمنظفات.

المهندس منسي: آه.

العميل: تمام.. كويس، هوه مين معايا حضرتك.. الباش مهندس منسي؟

المهندس منسي: مهندس منسي معاك آه.

العميل: أهلاً يا فندم إزاي حضرتك… فندور على الماكينات الخاصة بتعبئة الخاصة بالليتيرجين اللي هي تقدر تعبي لي الـ 500 مم، تقدر تعبي لي لو أنا عايز أعمل حاجة عبوة 250، آه عايز أعمل زي البريل مثلاً كده، فأنا عايز أعرف الإتاحات إيه، هل الماكينات دي متوافرة عند حضرتكم ولا الوضع ماشي إزاي، والكلام ماشي إزاي، وإمكانياتها إيه؟

المهندس منسي: إن شاء الله موجودة.

العميل: طيب أنا أعرف ماكينة اللي بتعبي الـ 500مم  ديت، ديت العبوات بتبقى بي بي تي مضبوط؟

المهندس منسي: عادي أي عبوة، هي مش هتشوف العبوة، هي هتعبي في أي عبوة أين كان.

العميل: آه.. بتبقى أوتوماتيك ولا نص أتوماتيك؟

المهندس منسي: في عندنا الاتنين، في عندنا نص أتوماتيك وفي عندنا أتوماتيك، وفي عندنا واحد نزل و2 نزل، و4 نزل، و12 نزل، و24.

العميل: طب بمعنى إيه نزل؟

المهندس منسي: نزل يعني فتحة.

العميل: نزل أيوه أنا سمعتها ليفل أنا قلت ليفل إيه.

المهندس منسي: 24 نزل.

العميل: آه…الـ 24 نزل دي 24 فتحة عشان تعبي فيها الـ 24 عبوة في نفس الوقت مضبوط.

المهندس منسي: مضبوط يا غالي.

العميل: طيب دي عاملة كام تقريباً؟ ودي بتطلع كام عبوة في اليوم؟

المهندس منسي: الواحد نزل بتعمل ، الـ 2 نزل بتعمل ..الواحد نزل بتعبي ألف عبوة في الساعة، والـ 2 نزل بتعبي 2000 عبوة في الساعة.

العميل: أستأذنك بس آخد… الواحد نزل بتعمل كام.

المهندس منسي: ألف عبوة في الساعة.

العميل: والاتنين نزل بتعمل كام؟

المهندس منسي: ألفين عبوة في الساعة.. دي نص أتوماتيك.

العميل: إيه يا فندم؟

المهندس منسي: دي نص أتوماتيك.

العميل: دي كل ده نص أتوماتيك.

المهندس منسي: آه.. تقدر حضرتك بقى الـ 2نزل ديت تكررها كذا مرة براحتك، إن شا الله عايز 100 نزل عادي.

العميل: أكررها كذا مرة عشان…

المهندس منسي: لو عايز تزود الإنتاجية في النص أتوماتيك تقدر تزود الإنتاجية بتعدد المكن.

طيب بالنسبة للأتوماتيك تبقى القصة إيه؟

المهندس منسي: الأتوماتيك بتبدأ من 2 نزل.

العميل: إيه يا فندم؟

المهندس منسي: بتبدأ من 2 نزل…في 2نزل، في 4، في 24، في 48، في 56 براحتك بقى.

العميل: 4، 24، في 8 وفي 12 صح؟

المهندس منسي: عادي.. عادي، صلي على النبي، كل العملية إيه في الأتوماتيك، إن إحنا بنحط وحدة 2 نزل اللي هي نص أتوماتيك على السير ومعاها بي إل تي تدمج الحركة بينهم همه الاتنين، كده بقت أتوماتيك، تقدر بعد كده تحط وحدة… يعني إحنا كده أوردي ركبنالك عليها وحدة نزل، تقدر تعدد الوحدات الـ 2 نزل ديت بحيث المكنة بدل ما هي 2 تبقى 4 أو تبقى 6 أو 8 أو 10 أو 12 براحتك بقى، بزود زي ما إنت عايز.

العميل: بالنسبة للأتوماتيك 2 نزل دي تكلفتها كام؟

المهندس منسي: 6000

العميل: .

المهندس منسي تاخد الأول سعر الـ2 نزل اللي هي نص أتوماتيك، لما تبقى أتوماتيك بتبقى .

العميل: اللي هي عشان بتمشي على سير.

المهندس منسي: أيوه.

هي أصلاً بتعتبر مربوطة بزي خزان، والخزان…

المهندس منسي: لا مفيش خزان، بتاخد من الخزان بتاعك، دي مش صينية.

العميل: من الخزان بتاعي أتوماتيك يعني.

المهندس منسي: آه دي مش صينية من هربنتر مش جرافتي.

العميل: طريقة تشغيلها اتوماتيك

المهندس منسي: آه… دي مش صينية مش جرافتي، الجرافتي اللي بتعتمد على الجاذبية ديت بتحتاج قادوس وبتبقى مشاكلها كتيرة، أما الباستمية ديت مشاكلها صفر.

العميل: طيب تمام.. تمام، أوكيه، الـ 2 نزل ديت بـ 1500 والواحد نزل بتعمل 1 مضبوط.

المهندس منسي: لا بس.

العميل: 1000  ؟

المهندس منسي: آه ، الواحد نزل بـ ، والـ2 نزل بـ.

العميل: طيب وبالنسبة للـ2 نزل أتوماتيك بتعمل .

المهندس منسي: إن شاء الله.

العميل: مضبوط… طيب معلش هاخد من وقتك برده زيادة معلش يا باش مهندس.

ماشي براحتك.

العميل: بالنسبة… أنا عايز أعمل فاشيت زي البريل وزي الفيري طبعاً إنت فاهمني أنا بتكلم إزاي على إيه.. مضبوط.

المهندس منسي: آه… عايز تعمل فاشيت يعني أكياس.

العميل: بالضبط، طيب ده الماكينات بتاعت الفاشيت دي موجودة عندك ولا مش موجودة؟

المهندس منسي: إن شاء الله.

العميل: موجودة عندك، طيب دي اييه وقصتها عامله إزاي؟

المهندس منسي: في النص أتوماتيك اللي إحنا قولنا عليها دي تشتغل على الفاشيت عادي، بس الكيس بيبقى جاهز، أما الأتوماتيك بتفصلك الكيس أتوماتيك كامل وتعمل كل حاجة دي بتعمل .

العميل: بتعمل ، دي أتوماتيك..طيب، بالنسبة لتركيب الماكينات وشحنها والكلام دوت والمنتمنت بتاعها، ده كل ده بيتغطى إزاي، يعني أنا مثلاً في جدة بس.

المهندس منسي: عندنا كذا أوبشن في المضمار دوت، عندنا كذا أوبشن، يعني مثلاً إنت دلوقتي عايزنا نشحنهالك بنشحنهالك، بنقوم بعملية الشحن وبنبلغك إن هي اتشحنت عن طريق شركات إحنا عارفنها وواثقين فيها.

العميل: لا القصة عندي مش الشحن، القصة عندي إنها تتركب

المهندس منسي: أفندم… آه بالضبط، لا كمان تتركب، يعني معلش إنت هتبعتهالي أنا راجل مش تكنيكال أنا مش هاجي أقول….وحد الله.

العميل: لا إله إلا الله.

المهندس منسي: حاجة من الاتننين، يا هنبعتلك حد معاها يركبهالك ويصينهالك ويضبطها لك، بحيث إن أنت تقف على أول الطريق، يا إما نفتح معاك شاشات أون لاين نعرفك إزاي بتركب وإزاي بتعمل كل حاجة لو إنت مش عايز تدفع تكلفة الراجل اللي جايلك.

العميل: طيب سهلة مش قصة إن حد يدفع تكلفة الراجل الجاي، الموضوع مش هتبقى القصة كده.

المهندس منسي: آه..

العميل: طيب بالنسبة للصيانه

المهندس منسي: وأوردي كمان من حقك إن إنت كمان تاخد سيديهاية فيديو بطريقة التركيب والتشغيل والصيانة.

العميل: طيب.. سؤال تاني…طب تمام.. طب بتبقى جرانتيك أد إيه؟

المهندس منسي: لمدة سنة ضد عيوب الصناعة و10 توفير قطع الغيار لحساب حضرتك.

العميل: جرانتيك واحد سنة كام؟

المهندس منسي: ضد عيوب الصناعة، و10 سنين توفير قطع الغيار لحساب العميل.

العميل: تمام… تمام.. ده بالنسبة للاتنين سواء نص أتوماتيك أو أتوماتيك؟

المهندس منسي: إن شاء الله.

العميل: طيب تمام، بفرض إن أنا عزت ماكينة مثلاً النهاردة، جيت أقولتلك والله أنا عايز الماكينة مثلاً الـ 2 نزل، ده وارد إنك توفرها لي خلال أد إيه؟

المهندس منسي: البضاعة حاضرة.

أفندم؟

المهندس منسي: بضاعة حاضرة.

العميل: بضاعة حاضرة.. تمام حاجة محترمة جداً، صناعة كلها مصرية مضبوط.

المهندس منسي: لا صناعة.. إحنا دي ماركة، مش صناعة مصرية كاملة، يعني فيها على الأقل 30% مصري.

العميل: يعني أصل التجميع مصري، لكن أصل الصناعة صيني؟

المهندس منسي: لا مش صيني، ما إحنا بنقول ماركة، ماركة يعني إيه؟ يعني ديت إحنا مجموعة مهندسين صممنا ونفذنا قطع الغيار، بنشوف أي بلد أفضل في المنتج ده، في قطعة الغيار دي، فبنجبها منها، ممكن تكون قطعة الغيار دي تايواني، ممكن تكون قطعة الغيار ياباني، فبندور على الجودة مع التكلفة، في الآخر إنت بتتعامل مع ماركة.

العميل: طيب، سؤال تاني، هوه بالنسبة للأسعار دي  برايز ولا اييه ، يعني مثلاً بفرض إن أنا قولتلك أنا محتاج لا مكنتين ولا والله أنا محتاج 3 ماكنات،  تبقى عندنا ماشيه إزاي؟ هل ده….

المهندس منسي: ده سعر المكنة الأولى، السعر اللي أنا قولته لحضرتك ده سعر المكنة الأولى، المكنة الثانية أي كانت عليها 5% علشان إيه، مش بنديلك 5% عشان شطارة تجارة ولا بتاع، إحنا مش تجار إحنا مهندسين.

العميل: ما أنا واخد بالي.

المهندس منسي: عملية الـ 5% ديت عشان إنت هتوفر عليا خدمة ما بعد البيع شويه، ليه؟ لأن إنت دلوقتي تبقى سبورتت على المكنة الأولنية وفهمتها هتريحني في المكنة التانية.

العميل: تمام.

المهندس منسي: فبديلك 5% على المكنة التانية.

العميل: طب ممكن أستأذنك بس في لو عندك صور على الواتس بعد إذنك آخدها، تبعتهالي على نفس الرقم دوت.

المهندس منسي: النهاردة الواتس عطل مني ونازل أشتري موبايل جديد دلوقتي عشان خاطر معنديش وقت أنزل فيه، كل ما آجي مش راضي ينزل، مش عارف فيه إيه.

العميل: طيب خير.

المهندس منسي: طيب عندك إيميل بلاش واتس.

العميل: آه عندي هبعت لحضرتك الميل دلوقتي في رسالة حالاً.

المهندس منسي: لا بص أنا هبعت لحضرتك الإيميل بتاعي لو حضرتك….

المهندس منسي: أنا هانسى.. أنا هانسى، الله يرضى عليك أنا هبعتلك الإيميل بتاعي وحضرتك ابعتلي عليه وأنا تحت أمرك.

العميل: خلاص مافيش مشاكل، لا أنا كنت هبعتلك دلوقتي الإيميل بتاعي تحطلي الصور على الإيميل مش أكتر من كده.

المهندس منسي: ما هوه أنا عبال ما أوصل يكون أنا…

العميل: طيب ابعتلي على الإيميل وأنا هردلك على الإيميل بتاعك على طول.

المهندس منسي: عنيا حاضر.

العميل: مرسي خالص.. شكراً، كتر خيرك يا باش مهندس.

المهندس منسي: سلام عليكم.