ماكينة تعبئة عبوات العسل الاسود من شركة المهندس منسي
المهندس منسي: سلام عليكم.
العميل: عليكم السلام ورحمة الله، شركة إم تو باك؟
المهندس منسي: أيوه.
أكلم المبيعات لو سمحت؟
المهندس منسي: ها معاك.
العميل: تمام يا فندم، من فضلك كنت بسأل إحنا شركة عسل أسود، تمام، كنت بسأل على مكنة تعبئة في أكياس وفي برطمانات، تمام.
المهندس منسي: آه.
العميل: كنت بس بكلم، أنا شوفت على الواتس آب بتاعتكم لو في ممكن بيتحط من فوق حاجة زي البلاستيك تبقى قافله تحت الغطاء على طول يعني، دي المكنة دي موجودة عندكم برده صح؟
المهندس منسي: إن شاء الله..
العميل: أيوه يا فندم مع حضرتك.
المهندس منسي: معاك اتفضل.
العميل: أنا بقول لحضرتك كنت محتاج بس أعرف معلومات أكتر عن المكن ده، المكنة اللي هي بتغلف.
المهندس منسي: المكنة اللي بتعبي وتغلف الاتنين في أكياس دي نص أتوماتيك، ما ينفعش تبقى أتوماتيك، أما لو عايز أتوماتيك يبقى مكنة تعبئة العسل في عبوات لوحدها ومكنة تعبئة العسل في أكياس لوحدها.
العميل: تمام يا فندم.. تمام، طب هي بتعبي كام بطرمان كده، يعني دي أتوماتيك ولا نص أتوماتيك، يعني أنا بحط البرطمان وكده وهي…
المهندس منسي: النص أتوماتيك هنقول 1000، لما نيجي نتكلم في الأتوماتيك هنقول 3000 كيس.
العميل: 3000كيس، دي الأتوماتيك.
المهندس منسي: آه في حدود 3500، 4000 .
العميل: 3000 ولا 3500 ولا 4000.
المهندس منسي: آه يعني ده بيتحدد بناء على لحمية الكيس وعلى شكل الكيس وكده.
العميل: تمام يا فندم، طب هل الكمية الموجودة في الكيس أنا أقدر أتحكم فيها، يعني مثلاً ممكن أخلي الكيس صغير، أخلي الكيس كبير؟
المهندس منسي: آه… هي فيها ديجريه تقدر تحدد سعة الكيس بيها.
العميل: وحجمه كمان، لأن هي اللي بتقفل، هي اللي بتغلفه، صح.
المهندس منسي: آه.
العميل: فأنا بقدر أحدد حجم الكيس نفسه، والكمية المحطوطة فيه كام.
المهندس منسي: إن شاء الله.
العميل: تمام، دي بالنسبة للأكياس، طب بالنسبة للبرطمانات؟
المهندس منسي: نفس هي نفس الـ….
العميل: طب حضرتك دي مكنة بتبقى أتوماتيك.
المهندس منسي: إن شاء الله.
العميل: طب دي إيه يا فندم، أنا بحط عليها البرطمان وهي تنزل بساتم وتروح معبي البرطمان يعني؟
المهندس منسي: آه تعبي البرطمان آه.
العميل: طب المكنة…
المهندس منسي: كل اللي عليك تحطلها العبوات.
العميل: أنا أحطلها العبوات وهي بتنزل…. يا فندم بتقفل الغطا وتحط الاستيكر.
المهندس منسي: دي وحدات لوحدها، كل وحدة لوحدها.
العميل: آه.. هوه حضرتك دا خط إنتاج، بس هي بتبقى الوحدة لوحدها، المكنة لوحدها.
المهندس منسي: أيوه.
العميل: طب بكام يا فندم سعر المكنة دي، اللي هي بتقفل الغطا وتحط الاستيكر عليها.
المهندس منسي: النص أتوماتيك 1350 ، والأتوماتيك .
العميل: الأسعار اللي حضرتك بتدهالي دي بال؟
المهندس منسي: لا هوه إنت بتتعامل بالمصري، بس أنا بأقولك عشان ما أظلمكش، لأن النهاردة ممكن تعمل حساباتك وتقعد تجمع في الفلوس وفي الآخر ال يعلى فأقولك ده المكن سعره علي.
العميل: أيوه فاهم.. فاهم، يعني أنا باخد بحولك بالجنيه سعر ال دلوقتي أنا بجيب بالمصري عادي.
المهندس منسي: آه.. ده لمصلحتك.
العميل: تمام، تبقى هي مثلاً بالنسبة للأكياس النص أتوماتيك من 3 لـ .
المهندس منسي: أيوه.
العميل: والمكنة اللي هي بتعبي برطمانات دي بـ .
المهندس منسي: إن شاء الله.
العميل: تمام.. بالنسبة يا فندم للمكنة اللي هي بتحط بلاستيك حاجة زي اللون الفضي دوت بيقفل العبوة من فوق قبل الغطا دي موجودة عندكم برده صح.
المهندس منسي: عندنا آه عندنا.. بـ .
العميل: بكام يا فندم؟
المهندس منسي: بـ .
العميل: ، غلق قبل الغطا… طيب يا فندم بالنسبة للمكنة اللي بتقفل الغطا وتحط استيكر.
المهندس منسي: بتقفل إيه.. بتقفل الغطا وبتحط… لا دي مكنة قفل الغطا دي لوحدها ومكنة الاستيكر دي لوحدها.
العميل: تمام.
المهندس منسي: مكنة قفل الغطا بـ النص أتوماتيك.
العميل: دي بتحط استيكر.
المهندس منسي: لا اللي بتحط استيكر دي ب.
العميل: دي ب وضع استيكر، دي يا فندم أنا بحط برده…. دي نص أتوماتيك يعني أنا باخد البرطمان أنا اللي بحطه في السير بيمشي بيحط استيكر عليه، تمام كده؟
المهندس منسي: إن شاء الله.
العميل: طيب ماشي، بالنسبة للي بتقفل الغطا.
المهندس منسي: بالنسبة لإيه؟
العميل: اللي بتقفل الغطا..المكنة اللي بتقفل الغطا، دي بـ .
المهندس منسي: بتبدأ من 200 إنما في موديلات تانية حسب شكل الغطا.
العميل: آه.. الغطا اللي هوه العادي بيبقى لو بلاستيك مثلاً اللي هوه بيبقى بلاستيك دوت.
المهندس منسي: آه دي بتبقى في حدود .
العميل: تمام.. هل بيبقى في إمكانية فيديوهات للحاجات دي أنا أقدر أشوفها.
المهندس منسي: أكيد.
العميل: طيب أنا لو حبيت أشوفها دلوقتي حضرتك ممكن تفيدني إزاي في الموضوع ده.
المهندس منسي: لو كتبت إنجنير منسي دوت كوم، أو إم تو باك دوت..هبعتلك أنا رسالة اللي فيها الموقع دلوقتي، هتلاقي على أم تو باك دوت…هتلاقي كل فيديوهات التعبئة والتغليف، هتلاقي كل الفيديوهات متصنفة.
العميل: تمام يا فندم، تمام، كل ده يا فندم أتوماتيك أو نص أتوماتيك اللي أنا باخد بس البرطمان بحطه.
المهندس منسي: هتلاقي في فيديوهات لكله.
العميل: تمام أوكيه، طبعاً ده سعرها يا فندم لحد ما تيجي تتركب صح؟
المهندس منسي: بالنسبة للمكن الصغير ده سعرها في المكان عندنا، أما بالنسبة للمكان الكبير ده سعرها ومن حقك إن إنت تتدرب ومن حقك إن أنت تتدرب ساعتين هنا وساعتين هناك، ومن حقك إن تسجل فيديو بالتشغيل والتدريب وكل حاجة.
العميل: تمام، في أي معلومات تاني أو امتيازات حضرتك تقدر تضيفهالي.
المهندس منسي: والله يا سيدي أتمنى إن يكون في امتيازات كتيرة، بس أنا مش فاكر.
العميل: مين معايا يا فندم، اسم حضرتك؟
المهندس منسي: باش مهندس منسي معاك.
العميل: أهلاً بيك يا باش مهندس، فرصة سعيدة جداً إن أنا اتعرفت بحضرتك.
المهندس منسي: الله يبارك لك.
العميل: معاك أحمد من شركة العمدة.
المهندس منسي: أهلاً وسهلاً.
العميل: أهلاً بيك يا فندم، كنا بنفكر نعمل مصنع وكده في أكتوبر فأنا كنت بس بجمع الداتا ديت عشان نبدأ نعمل دراسة الجدوى عليها.
المهندس منسي: خدت المكان ولا لسه.
العميل: لسه بنشوف والله، حضرتك عندك مكان؟
المهندس منسي: لا هوه في أماكن جنبنا، إحنا واخدين كذا مكان في أكتوبر، في أماكن جنبنا في مجمع اسمه مجمع مبارك.
العميل: مجمع مبارك..ده يا فندم المتر فيها بكام؟
المهندس منسي: نعم؟
العميل: خدت المتر فيها بكام؟
المهندس منسي: هوه إحنا خدنا بكام ودلوقتي بقى بكام، سيبك من اللي إحنا خدنا، إحنا خدنا بـ1600، دلوقتي بقى بـ 2700.
العميل: 2700؟
المهندس منسي: آه… بتدفع 30% مقدم والباقي تسهيلات على مش عارف 4 سنين ولا كام.
العميل: طيب تمام متشكرين جداً يا فندم، شكراً جزيلاً، مع السلامة.
