ماكينة تعبئة عبوات العطور بضغط الهواء من شركة المهندس منسي
العميل : سلام عليكم
مهندس منسي : عليكم السلام ورحمة الله وبركاته
العميل : معلش شركة المهندس منسي
مهندس منسي : أيوه
العميل : كنت عايز أستفسر بس على ماكينة تعبئة العطور
مهندس منسي : في أكياس ولا عبوات؟
العميل : لا عايزها بتاعت الضغط تقريباً اللي هي بتاعت ضغط الهوا
مهندس منسي : ضغط الهوا إزاي؟
العميل : كنت عايزها الأكياس اللي هي الصغيرة ديت… لأ عايزها العبوة اللي هي من 50 ـ 500 مللي
مهندس منسي : آه موجودة
العميل : تعمل كام دي يا باشا؟
مهندس منسي : يعني 8000 جنيه مصري
العميل : طب عندك مكبس الكتروني بس ما يكونش يدوي
مهندس منسي : مكبس إيه؟
العميل : المكبس بتاع الحاجات ديت، ولا هي المكنة بتنزل بالمكبس بتاعها؟
مهندس منسي : لأ المكنة لوحدها والمكبس لوحده
العميل : طب أنا عايز المكبس بقى يكون الكتروني ما يكونش بالإيد دوت، إنت عارف حضرتك في بالإيد
مهندس منسي : آه عندنا الالكتروني ده اسمه نيوماتيك هوا
العميل : هوا
مهندس منسي : آه.. ده موجود في الفرع بتاعنا في أكتوبر
العميل : بكام ده يا باشا؟
مهندس منسي : أنا مش متذكر سعره، هبعتلك تليفون فرع أكتوبر كلمه وقوله أنا عايز المكبس اللي عندكم اللي يضغط بالهوا ويقفل العبوة
العميل : تمام… لا عندكم مكن بالمرة بتاع السبوسة بتاع الفنادق؟
مهندس منسي : ما هو أنا مخصص مكن تعبئة وتغليف، أي مكن تاني حضرتك هتراسل الشركة عليه على الإيميل وهمه هيردوا عليك في خلال من 48 ساعة ـ لأسبوع
العميل : طيب إديني الإيميل طيب
مهندس منسي : هبعتهولك حالا
العميل : طيب ابعتهولي على الواتس حتى لو في واتس على الرقم دوت
مهندس منسي : هبعتهولك في رسالة دلوقتي حالاً هنا علي النت
العميل : خلاص ماشي يا باشا
مهندس منسي : مع السلامة
