ماكينة تغليف أغطية الجردل من شركة المهندس منسي
العميل: سلام عليكم
المهندس منسي: عليكم السلام ورحمة الله وبركاته
العميل: إزيك يا باش مهندس
المهندس منسي: أهلاً بيك
العميل: طارق معاك من المطرية
المهندس منسي: أيوه اتفضل
العميل: بقول لحضرتك إحنا عندنا معمل طرشي تمام، بنعبي حاجاتين 2، رقم 1 الجردل، الجردل ده عايزين نعمله عملية تغليف بس أنا شايف شركة وادي فود كده الحركة بتاعت الجردل الغطا اللي بيركب على الحرف بتاع الجردل مغلفاه
المهندس منسي: آه.. عندنا آه
العميل: المكنة دي بكام يا فندم
المهندس منسي: هو الارتفاع كام البستلة كام؟
العميل: الجردل يعني ارتفاعه أد إيه؟
المهندس منسي: آه
العميل: هشوفها حاضر… يعني بتاع من 20-25 سم
المهندس منسي: لأ بالضبط أعلى ارتفاع
العميل: يعني 25 أنا كمان عندي نوعين من الجرادل
المهندس منسي: يبقى في مكنة بـ 6500 تقضيلك الغرض
العميل: سواء كان الجردل مربع أو مدور
المهندس منسي: عادي آه هي ما بتبصش على الجردل بتبص على الارتفاع
العميل: يعني الارتفاع أقصى ارتفاع ليا كام مثلاً
المهندس منسي: ما هو في ارتفاع 5 وفي ارتفاع 25، وفي ارتفاع 35 وفي ارتفاعات اللي إنت عايزها، الارتفاع مش إحنا اللي هنحدده ده حضرتك اللي هتحدده، إنت يعني مثلاً المنتج بتاع حضرتك اللي هيتغلف هو اللي هيحدد الارتفاع… معاك لغاية متر ونص
العميل: آه إنت بتتكلم على البراميل، دي البراميل، لأ أنا الجرادل لن تتعدى قول 40 ـ 45
المهندس منسي: آه
العميل: فهل المكنة أم 6500 تجيب دي من الـ 20 لحد 45
المهندس منسي: أم 6500 دي تجيب لحد 35، في بقى مقاسات تانية…. 35 ارتفاع والطول اللي إنت عايزه والعرض 45
العميل: آه.. العرض 45 ده ممتاز جداً هيمشي في كل الجرادل، إنما الطول اللي أنا عايزه ده أقصى حاجة شغال فيها دلوقتي 25
المهندس منسي: الطول عندنا ما يتحسبشي، لأن ده سير ماشي، فالطول عندنا ما يتحسبشي، إنما الارتفاع بقى هو أعلى ارتفاع في المكنة دي 35، في مكن تاني بقى لو إنت عايز ارتفاعات تانية أعلى، بنبدأ نعملك مكن خاص بحضرتك يعني
العميل: آه.. هوه أنا ممكن لما آجي أعدي عليك أجيب الجرادل اللي أنا شغال فيها
المهندس منسي: مافيش مشكلة تيجي تنورني
العميل: طيب ده بالنسبة للتغليف، التغليف ده المكنة دي بتحتاج عامل عليها مثلاً واقف يغلف عليها؟
المهندس منسي: أكيد
العميل: وهي أتوماتيك ولا هاف أتوماتيك
المهندس منسي: سيم أتوماتيك آه، نص أتوماتيك
العميل: أمال الأتوماتيك الكاملة بكام؟
المهندس منسي: النهاردة بتعمل في حدود 135000، وبتقضي نفس النتيجة
العميل: لا إحنا مشروعات صغيرة خلي بالك أفراد
المهندس منسي: آه بتقضي نفس النتيجة
العميل: آه… آه…. طب الموظف يقف عليها يغلف الجردل بمعنى الغطا بتاع الجردل يقفل ما ينزلش نقطة مياه
المهندس منسي: مضبوط آه
العميل: طيب الرسالة التانية أنا بعبي خل برده، عبارة عن كرتونة فيها 12 إزازة واحد لتر، الارتفاع بتاع الكرتونة ممكن أقولهولك أنا معايا أهوه…. الارتفاع 26 ـ 27، والعرض بتاعها 35 سم، دي لو حبيت أنا أعملها نظام الشرينك
المهندس منسي: آه…
العميل: يعني بدل ما أعمل كرتونة كامله…
المهندس منسي: في نوعين من الشرينك، في نوع اسمه بولي إيثيلين وفي نوع اسمه الـ بي في سي، لو عايزه شفاف شفافية عالية قوي يبقى بي في سي، لو عايزه مش مهم الشفافية ولكن المهم القوة يبقى بولي إيثيلين
العميل: طب لو الـ 2
المهندس منسي: مافيش هو يا شفاف …. عموماً إنت ممكن تعمل بي في سي بس التكنيك بتاعه عالي شويه وخلاص
العميل: آه.. آه… حضرتك إنت عارف نظام هاينز وكده
المهندس منسي: آه
العميل: لو جبنا الكرتونة على أد نص القاعدة وبعد كده نحط الـ 12 إزازة….
المهندس منسي: هاينز عامله بولي إيثيلين، الشكل بتاعها ما بيبقاش شفاف بيبقى تلجي كده ولكن بيدي قوة
العميل: طب بيدي قوة والإزازة من جوه باينه ومعلوماتها باينة وكله تمام
المهندس منسي: لا.. باينه آه بس معلوماتها باينه ضعيف، يعني مش باينه بشفافية عالية، إنما اللي يبين بشفافية عالية الـ بي يو إف، والـ بي في سي
العميل: بس ده مش قوي بتقول
المهندس منسي: آه مش قوي لأ
العميل: لا إحنا عايزين القوة لأن بنحمل بالـ 500 كرتونة في عربية جامبو فمهم
المهندس منسي: اللي هوه بيمتاز بالقوة.. هوه مش قوي البولي إيثيلين يمتاز بالليونة، فالليونة دي هي اللي بتعمل على قوته، لأن هوه لما يبقى في ليونة تخلي ياخد ويدي، إنما بي في سي أقوى ولكن أنشف فبيروح شارخ
العميل: آه… آه… ما إنت بتقول هاينز شغاله على دي
المهندس منسي: على بولي إيثيلين
العميل: وبكام المكنة دي؟
المهندس منسي: المكنة بتاعت البولي إيثيلين بتعمل
العميل: آه يعني بتاع 23000
المهندس منسي: آه
العميل: طيب ودي بتغنينا عن طباعة الكراتين يا باش مهندس؟
المهندس منسي: آه طبعاً تغنيك عن الكراتين كلها، ممكن كمان ما تعملش الكعب دوت، ده إنت ممكن تعمل فرشة وخلاص
العميل: والله
المهندس منسي: تعمل فرش كده، يعني حته كده كرتونة فرش بس ترص عليها العبوات بتاعتك، ومن غير خالص ممكن ترص المنتجات بتاعتك وترميها، بس هي الفرشة دي تخليلك الحاجة طالعه مرصوصة كده وصالبة نفسها
العميل: آه.. آه طب واعتقادك كده الفرشة دي بالشرينك اللي عليها اللي هوه البلاستيك اللي عليها ده دي تكلفتها تبقى عليا كام
المهندس منسي: لا ما هو تتحسب بقى طول × عرض × ارتفاع حضرتك تحسب طول × عرض × ارتفاع وتكنيك وكده يعني
العميل: يعني لو اديتك البيانات دي حضرتك تحسبهالي
المهندس منسي: يعني هتبقى في حدود 20 قرش ـ 25 قرش، مش هتبقى زي سعر الكرتونة خالص، الكرتونة النهاردة عامله 3.5 ـ 3 جنيه
العميل: لا أنا بعمل كرتونة بـ 1.60 قرش
المهندس منسي: آه دي مش هتجيبلك حتى 25 قرش
العميل: بالفرشة بتاعت الكرتونة بالشرينك بتغليف البتاعة كلها
المهندس منسي: إن شاء الله
العميل: طيب أنا أخيراً أنا كنت بفكر أعبي الزيتون والطرشي في أكياس بلاستيك واحد كيلو، بمعنى إيه؟ إحنا عندنا في الأرياف هنا واحد ييجي يقولك إديني نص كيلو طرشي، فتعبيهوله في كيس وتربطهوله مانيوال كده وتديهوله، أنا شفت حد في الزقازيق عمل فكرة إنت عارف الأزايز بتاعت الشاي يا فندم
المهندس منسي: آه
العميل: البلاستيك
المهندس منسي: آه
العميل: معبي فيها الطرشي أو الزيتون بس الغطا بتاع الإزازة نفسه ناشف جداً
المهندس منسي: آه
العميل: يعني لو أنا عاوز أعبي الزيتون أو الطرشي في الكباية بلاستيك وإن كان حجمها يبقى أكبر شويه، عايز في كيس بس كيس يكون متين
المهندس منسي: آه طبعاً
العميل: متين جداً بحيث إحنا كمان هنعبيه، نشتري من عندك مكنة خاصة بالشرينك دي برده، ونعبيه ونوزع كراتين، بدل ما الزبون يجيي يقولك نص كيلو وكدا
المهندس منسي: لو هوه معبي في أكياس يبقى أكيد من عندنا
العميل: لأ هوه معبي في أزايز…
المهندس منسي: لأن اللي بيقعدوا يفكروا ويبتكروا هو إحنا
العميل: آه… في كباية الشاي، عارف كباية الشاي البلاستيك
المهندس منسي: آه.. آه… ده مش من الزقازيق ده من إسماعيلية
العميل: برافو عليك صح
المهندس منسي: آه….
العميل: مضبوط… طب لو أنا عايز أعبي في كوباية الشاي البلاستيك دي وإن كان مثلاً حجم أكبر شويه، وبعدين أنا شفت الغطا بتاعها لأن كان واخد قدام كرتونة كده، شفت غطا بلاستيك بس معمول بنظام حراري كده و طالعه منه حاجة ممتازة
المهندس منسي: آه… آه…. مودينلوا مكنة بتقطع وتلحم في نفس الوقت، حضرتك تلاقي الغطا مشرشر كده حواليه
العميل: آه مضبوط.. مضبوط
المهندس منسي: هتلاقي الغطا عندك ملحوم، وبعد اللحام في حوالي 5 مللي كده في شرشره
العميل: مضبوط.. مضبوط، والإزازة قوية جداً عامله زي نظام تسخين إزازة الخل لما بتبقى إزاز وبعدين عامله بلاستيك البوز بتاعها قوي جداً… المكنة دي بكام بقى؟ ولو حبينا نعبي في أكياس زي ما قلت لحضرتك
المهندس منسي: 2850 جنيه نص أتوماتيك، وفي منها أتوماتيك بتبقى غالية شويه
العميل: بتبقى بكام؟
المهندس منسي: بتبقى عامله
العميل: لأ ملناش إحنا في ال ده
المهندس منسي: إنما التانية آه بـ 430 يعني 2850 جنيه
العميل: دي العامل بيعبي الطرشي أو الزيتون بعد ما يوزنه
المهندس منسي: عادي.. عادي في عندنا كمان مكنة وزن للطرشي والزيتون وكده
العميل: إزاي مكنة وزن إزاي بقى؟
المهندس منسي: مكنة بتوزنك وترميلك في العبوة
العميل: لأ مكنة توزن لوحدها وترمي لوحدها في العبوة
المهندس منسي: آه
العميل: وتقفل التقفيل بقى اللي إحنا بنقول عليه؟
المهندس منسي: لأ ده بيبقى الحاجة في القادوس، هي بتروح حاسة بإيدك أول ما تحطلها إيدك كده بتحس بيها وإنت معاك الكوباية، أول ما تحس بالكوباية كده هي تحس بيها، تقوم راميالك الكمية اللي إنت عايرتها في الكوباية
العميل: آه.. تقوم هي راميه لوحدها أتوماتيك وواحد ياخد ويقفل على المكنة التانية
المهندس منسي: آه في بقى نوع تاني أتوماتيك كامل تاخد العبوات وتاخد كل حاجة وتشتغل لوحدها
العميل: دي بكام يا فندم
المهندس منسي: ما إحنا قولنا بـ ، إنما التانية النص أتوماتيك ديت حوالي ، وفي حاجة بـ ، حاجات كتيرة قوي، يستحسن لو حضرتك اتفرجت على كل المكن
العميل: طيب.. طيب الحاجة الأخيرة بقى لو حبيت أعبي في أكياس بلاستيك، بس البلاستيك يكون إيه جامد شويه
المهندس منسي: عندنا نوع اسمه بولي آميد لامينتد بولي إيثيلين، البولي آميد ده بيمتاز بقوته، يعني إنت خد الكيس كده وأطلع الدور الخامس وروح راميه، مش هيحصله حاجة
العميل: أنا مش عايز حاجة مغالى فيها قوي، أصل ده برده طرشي… يعني يبقى رخيص في السعر
المهندس منسي: لا.. لا ما تقلقش إن شاء الله سعره كويس ما تقلقش
العميل: آه طب المكنة دي تقفله وتطلع الهوا منه
المهندس منسي: آه.. آه…. لا في مكنة تانية للهوا، إنت بتكتب الحاجات ديت ولا هنرجع تاني نقوله تاني
العميل: لا إنت كل اللي بتقوله أنا فاهمه، أنا بقالي 15 سنة في الشغلانة، ففاهم اللي إنت بتقوله ده، كما عايز أقولك حاجة إن المخللات والكلام ده بتحتاج استالس يكون 316 أو 304
المهندس منسي: إن شاء الله
العميل: هل الحاجات دي موجودة؟
المهندس منسي: إن شاء الله
العميل: طب المكنة بتاعت تقفيل الأكياس دي بقى عامله كام؟
المهندس منسي: مكنة تقفيل الأكياس عامله 1500 جنيه
ودي برده بتبقى مانيوال
المهندس منسي: بتبقى هاف أتوماتيك آه، إنت بترميلها الكيس وهي تاخده وتلحمه وترميه الناحية التانية، يعني يدوب بس تلايمها لحام كيس
العميل: آه يعني واحد بيحط الكيس هي تاخد الكيس هل هي بتعبي
المهندس منسي: لأ بتعبي إزاي يعني؟؟ يعني مكنة بتعبي وبتلحم بـ 1500 جنيه
العميل: لأ المقصود إحنا هنعبي الطرشي مثلاً وهي تلحم
المهندس منسي: آه إنت عبيت نص أتوماتيك، بعد ما عبيت روحت راميلها على المكنة راحت هي لاحمها وراحت رامياه الناحية التانية
العميل: خلي بال حضرتك أنا لما أعبي الطرشي أو الزيتون هحطوله حاجة من عندي فيها محلول، المحلول اللي هوه بيحفظ المنتج اللي هو مياه وملح وخل يعني
المهندس منسي: آه…
العميل: هل أنا في حاجة جاهزة مجرد إن هي تلحم بس
المهندس منسي: آه…
العميل: ولا هل المحلول ده بيتحط في بيت عندك وبينزل على الكيس…
المهندس منسي: هات لنا الحاجة بتاعتك عشان نوجد لها حلول، عشان إحنا اتكلمنا في 5 حاجات لغاية دلوقتي، بحيث نحس إن إحنا بنفذ حاجة، هات لنا الحاجة كده ونبدأ نشتغل إن شاء الله
العميل: إنت مقرك فين؟
المهندس منسي: إحنا عندنا حدائق القبة، مدينة نصر، باب الشعرية
العميل: ألاقيه فين كل الإمكانيات؟
المهندس منسي: الـ 3 فيهم كل حاجة
العميل: فين في باب الشعرية؟
المهندس منسي: ورا رئاسة حي باب الشعرية، هبعتلك أنا دلوقتي هتلاقي في 3 تليفونات للمبيعات تابع بقى مع أي حد فيهم … حضرتك لو إنت مهتم بالأمر اتصل بيهم اتصل بيهم وتابع معاهم، مش مهتم بالأمر بقى قولهم ابعتولي على الفيس وكده و تابع معاهم
العميل: أتصل بمين يا فندم؟
المهندس منسي: بالمبيعات عندنا في الشركة
العميل: رقمها كام يا فندم؟
المهندس منسي: هبعتهولك في رسالة دلوقتي حالاً
العميل: طيب ماشي يا باشا مع السلامة
المهندس منسي: مع السلامة
العميل: أشكرك شكراً جزيلاً
