ماكينة تغليف أكياس الأرز من شركة المهندس منسي 

العميل: السلام عليكم

المهندس منسي: عليكم السلام ورحمة الله وبركاته

العميل: كنت عايز أعرف حاجة، أستشير حضرتك في مشروع التغليف ده

المهندس منسي: آه

العميل:هل هوه حلو بالفعل؟ شغال حلو

المهندس منسي: طبعاً أكيد

العميل: طب حضرتك مثلاً بتبيع منتجاتك إزاي؟؟

المهندس منسي: أنا ببيعها للمصانع، يعني المصانع الصغيرة كده زي حضرتك بيفتح بييجي ياخد من عندنا مكن، بيدرس السوق الأول، ويشوف هيعبي إيه ويغلف إيه، وبعد كده ييجي يتفرج على المكنة عندنا ونجربها له ويتعلم عليها ويشتغل

العميل: طب ماشي، يشتغل بس تبع إيه مثلاً؟ تبع المصانع إزاي؟؟؟

المهندس منسي: تبع المصانع أنا ببيع للمصانع، إنما إنت مش هتبيع للمصانع

العميل: آه…

المهندس منسي: هتبيع بقى للسوبر ماركت، وللبقالين، هتبيع للناس دي كلها

العميل: اللي هوه أسعار المكن عندك عاملة إزاي؟؟

المهندس منسي: ما هو حدد أنهي مكنة هتحتاجها وأنا أقولك سعرها على طول

العميل: طب عايز مكنة مثلاً على أد حالتي، مش لازم تكون أتوماتيك، تكون مثلاً نص أتوماتيك

المهندس منسي: وماله، إنت هتعبي إيه؟

العميل: هغلف رز مثلاً

المهندس منسي: آه… هتغلفها بمكنة نص أتوماتيك مثلاً… يبقى إنت كده محتاج مكنتين، مكنة تعبي، ومكنة تلحملك اللي إنت عبيته

العميل: أيوه تمام

المهندس منسي: بص يا سيدي، إحنا عندنا المكنة اللي هتعبي دي سعرها يعني 18000 جنيه مصري

العميل: آه… المكنة اللي هتلحم

المهندس منسي: دي مش مكنة، دي سير إنتاج، يعني إنت كل اللي عليك إنك تعبي الكيس، بعد ما عبيت الكيس، إن كنت عبيته يدوي، عبيته بمكنة، عبيته بنص أتوماتيك، عبيته بأي حاجة إنت بترميه على السير هي بتاخده تلحمه وتوديه الناحية التانية

العميل: تمام…مافيش أسعار أقل من كده

المهندس منسي: ما هو إنت ممكن بقى لو عايز تبدأ ممكن تاخد سير اللحام بس وتعبي يدوي

العميل: إزاي يدوي؟

المهندس منسي: تعمل مكيال على إيدك… يعني إنت مثلاً دلوقتي عايز الكيلة مثلاً كوز كده، الكوز ده بيشيل.. إنت هتعبي إيه؟؟ هتعبي كيلو… أو تعالى نقعد مع بعض أحسن تتفرج على الحاجة وتقتنع بيها

العميل: طب ماشي عنوانك فين حضرتك؟

المهندس منسي: إحنا عندنا حدائق القبة، مدينة نصر، باب الشعرية، 6 أكتوبر

العميل:

أنا من طنطا على فكرة، أقرب فرع ليا

المهندس منسي: هبعتهولك في رسالة حالاً

العميل: حاضر ماشي يا فندم

المهندس منسي: ماشي يا غالي

العميل: ماشي يا باشا

المهندس منسي: مع السلامة