ماكينة تغليف الازايز بالشرينك موديل 101 ماركة المهندس منسي

العميل : سلام عليكم

المهندس منسي : عليكم السلام ورحمة الله وبركاته

العميل : شركة المهندس منسي

المهندس منسي : أيوه

العميل : أنا كنت عايز آجي أشوف المكن اللي عندكم اللي هوه مكن التغليف فكنت عايز أعرف مواعيد العمل من إمتى؟ هل إنتم موجودين الجمعة ولا…

المهندس منسي : إحنا أجازتنا الجمعة، إحنا موجودين من 11-9

العميل : يعني يوم السبت موجودين إن شاء الله

المهندس منسي : إن شاء الله طول أيام الأسبوع ماعدا يوم الجمعة

العميل : تمام.. العنوان اللي هوه موجود على الموقع دوت اللي هوه باب الشعرية؟

المهندس منسي : آه في عندنا غمرة، حدائق القبة، مدينة نصر، باب الشعرية

العميل : طب خلاص مافيش مشكلة، ممكن أكلم… هوه حضرتك فرع إيه دلوقتي اللي أنا بكلمه؟

المهندس منسي : لا ده أنا الاستشاري أنا مش فرع معين، إنت قولي عايز فرع كذا أبعتهولك دلوقتي في رسالة

العميل : طيب أنا كنت طالب.. اللي أنا عايزه عايز مكنة تغليف تحط فيها الإزازة وحضرتك التغليف بتاعها بيتشفط الهوا فيبدأ التغليف عليها على طول، أنا ما أعرفش اسمها إيه طبعاً يعني

المهندس منسي : هوه مش بيتشفط، هو بيتفرغ الهوا، دي اسمها مكنة…

العميل : أيوه بتفرغ الهوا

المهندس منسي : دي رقمها 101

العميل : دي في منها مقاسات ولا دي بتبقى إزاي؟

المهندس منسي : مقاسات بتبدي من…

العميل : على حسب حجم الإزازة يعني أو حجم العلبة اللي أنا هغلفها؟

المهندس منسي : إن شاء الله

العميل : إن شاء الله، تمام، طيب هل دي متوفرة في كل الفروع اللي حضرتك بتقولي عليها، ولا كل فرع مختلف؟

المهندس منسي : كله زي بعضه

العميل : طيب خلاص طب أوكيه، طب حضرتك ممكن تبعتلي العنوان بتاع فرع غمرة؟

المهندس منسي : ماشي حاضر

العميل : أستأذنك نفس الواتس ده أنا بكلم حضرتك منه

المهندس منسي : لا عادي هبعتهولك في رسالة مش مشكلة

العميل : ماشي يا فندم، ما اتشرفتش باسم حضرتك؟

المهندس منسي : المهندس منسي

العميل : ماشي يا باش مهندس، ألف شكر يا باش مهندس على ذوقك

المهندس منسي : لا تحت أمرك

العميل : اتفضل يا فندم