ماكينة تغليف شرنك حرارية مع قطاعة موديل 107 ماركة المهندس منـسي
العميل : سلام عليكم
مهندس منسي : عليكم السلام ورحمة الله وبركاته
العميل : باش مهندس زكريا
مهندس منسي : مهندس منسي مع حضرتك علي الشات
العميل : كيف حالك يا باش مهندس
مهندس منسي : الحمد لله
العميل : أخبار حضرتك تمام
مهندس منسي : الحمد لله
العميل : والله كنا زورنا حضرتك زورنا الشباب في المخزن اللي هوه تحت العمارة في مدينة نصر
مهندس منسي : آه
العميل : بس أنا ملقتش عندهم المكنة 107 فأنا شفت فيديوهات كتير للمكنة دي بتاعت الشرينك وكده
مهندس منسي : آه
العميل : والمكنة 108 والمكنة اللي هي المنتج دي عبارة عن علب دي في دي
مهندس منسي : آه..
العميل : فمش عارف حضرتك في إمكانية أبعت لحضرتك مثلاً على الواتس تبعتلي الديتيلز اللي عند حضرتك والأسعار
مهندس منسي : إنت عايز مكنة إيه
العميل : أنا كنت عايز مكنة نص أتوماتيك اللي هي 107 ـ 108 أو ما أشبه يعني
مهندس منسي : آه هي موجودة بس حضرتك ما جبتش.. 107 اللي هي عبارة عن قطاعة وفرن شرينك…
العميل : دي بتشتغل لوحديها
مهندس منسي : ما هوه أنا عارف ما هوه 107 و108، الـ 107 والـ 108 هي عبارة عن إيه، عبارة عن 101 + 106 واخد بالك
العميل : يعني هي مدموجة حضرتك ولا هي أصلاً قطعتين؟ لإني شايفها مدموجة خالص
مهندس منسي : لأ ما هي قطعتين بيركبوا في بعض، إنت بقى عايزهم الـ 2 راكبين في بعض، إنما لو همه مفكوكين من بعض لأ ده مش همه دول مش كده
العميل : القطاعة اللي بتشتغل الظرف لوحدها بتطلع وبتنزل لوحديها ولا بتحتاج بتشتغل مانيوال
مهندس منسي : آه.. إنت بتتكلم على فيه قطاعة نص أتوماتيك اللي إنت بتمسكها بإيدك دي قطاعة نص أتوماتيك، في قطاعة أتوماتيك كاملة، القطاعة الأتوماتيك كاملة دي لوحدها عامله 12000
العميل : والله أنا مش عارف…
العميل : النص أتوماتيك عامله كام؟
مهندس منسي : النص أتوماتيك عامله 350 ولا مش فاكر
العميل : أنا شفت حضرتك إنت بتضغط على المكنة المكنة الطرف أنا شفت العامل اللي شغال عليها بيضغط على مفتاح بتنزل وتطلع وبتعبي على الفرن أو النفق، وهوه بيدخل المنتج….
مهندس منسي : آه.. آه.. فهمت إنت بتتكلم على مكنة تانية، إنت بتتكلم على مكنة ماغنيتك…
العميل : أنا ما أعرفش بقى أنا معنديش علم بالموضوع ده خالص
مهندس منسي : آه.. لا في حاجة اسمها نص أتوماتيك ماغنيتك، ده مكنة تانية
العميل : اللي هي حضرتك بمجرد ما تدخل.. عفواً يعني هشرح لحضرتك مجرد ما تدخل المنتج بتاعك في الشرينك السلوفان وهي تسحبه على القطاعة ويضغط ضغطه مفتاح كده ….
مهندس منسي : بدل ما يمسك بإيده وينزلها يدوس دوسة وهي تنزل لوحدها
العميل : أيوه والقطاعة نفسها بيبقى عليها سير يروح على الفرن
مهندس منسي : دي اسمها ماغنيتك آه
العميل : أيوه هي ديت، وشوفت برده أتوماتيك برده…
مهندس منسي : بص هوه إحنا متعودين البضاعة الحاضرة هي اللي سهلة البيع، أما الحاجات ديت إحنا ممكن نجيبها لك بالطلب، اللي هي الماغنيتك ديت، إنما الموجودة هي اللي بتنزلها بإيدك وبعد ما تخلص هي بتطلع لوحدها، أما اللي إنت عايزها ديت نظام ماغنيتك ديت نجيبهالك بالطلب، دي ابتكارات لم تلقى قبول من المستهلكين عشان السعر، همه دايماً بيدوروا على السعر الأقل
العميل : آه…
مهندس منسي : دي ابتكارات إحنا عملناها
العميل : آه…
مهندس منسي : الابتكارات اللي إحنا عملناها ما بتلقاش قبول فبنعملها لهم بالطلب
العميل : طب الأخ أحمد كان بعتلي صورة ليها وكتبلي عليها 17 ألف
مهندس منسي : هقولك على فكرة كويسة، إنت ممكن تاخد القلة ديت وأي واحد جنبك كهربائي تقوله اعملي ليها بستم هوا ينزلها بمفتاح
ل العميل : أ.. لأ أنا عايز حاجة يا باش مهندس أنا عايز حاجة جاهزة وهي هتطلع من البلد هتروح السعودية
مهندس منسي : صلي على النبي كل مصر عايزه حاجة جاهزة
العميل : تسلم عينيك
مهندس منسي : كل مصر مش إنت لوحدك
العميل : لا.. لا أنا قلت لحضرتك أنا المكنة هوديها السعودية..
مهندس منسي : آه.. آه اعرض عليه الأمر قوله الوضع كذا.. كذا.. كذا هوه الموجودة دلوقتي النص أتوماتيك اللي بنزل بإيدنا، أما لو عايز بدل ما إيدنا تنزل وتطلع ندوس على زرار هوه اللي ينزل ويطلع دي مثلاً هتزيد في السعر شويه، شوف الوضع إيه وأنا تحت أمرك
العميل : طيب لو حضرتك أستأذن حضرتك أنا هتواصل معاك هبعتلك ماسيج على الواتس…
مهندس منسي : اتواصل مع المهندس أحمد ده راجل محترم، أنا استشاري بس
العميل : حضرت استشاري بس في المسألة اللي فاتت
مهندس منسي : آه لتوضيح الأمور مش أكتر، يعني هوه أنا فهمت منك الوضع ووصلت للمشكلة وحلتها مع حضرتك، بس ده دوري، إنما مش دوري كمان إن أنا أبيع وكده يعني
العميل : نعم.. طيب ماشي يا باش مهندس
مهندس منسي : بنؤمن بعملية التخصص، المبيعات لوحده، الاستشاري لوحده، الفني لوحده، واخد بالك
العميل : ماشي يا باش مهندس
مهندس منسي : هبقى فني وتاجر ومبيعات واستشاري
العميل : لا صحيح تمام يا باش مهندس
مهندس منسي : الأمر بسيط جداً جداً،
العميل : بس إنت بس وصي الباش مهندس أحمد ما يتأخرش عليا..
مهندس منسي : عنيا حاضر اسم الكريم إيه؟
العميل : أحمد إن شاء الله حضرتك
مهندس منسي : ماشي يا عم أحمد عاشت الأسامي
العميل : ماشي يا باش مهندس، وإن شاء الله إنتوا الإدارة بتاعتكم أو المقر الرئيسي بتاعكم في باب الشعرية؟
مهندس منسي : لا عادي هوه كل المقرات تعتبر مقر رئيسي
العميل : لا هوه باب الشعرية قريب ليا جداً عن مدينة نصر، يعني أنا شايف لو جيت عندكم هيكون الموضوع أوضح من المخزن اللي أنا بروحه دوت يعني
مهندس منسي : وات إيفر صدقني كله زي بعضه، ولكن اللي إنت تستريحله، صدقني كله زي بعض
العميل : ماشي.. ماشي.. يعني مافيش مكن مثلاً ممكن اتفرج هناك
مهندس منسي : آه.. آه في.. في .. في
العميل : عامة أنا هنتظر اللي هي الديتيلز بتاع المكنة وكده، أنا كلمت الأخ أحمد قالي إنه يبعتلي الديتيلز بتاع المكنة دي بحيث إن أنا أتواصل معاهم لأني أنا مش قريب وكده، بحيث لو استقرينا على شيء معين نبدأ في إجراءات شحنه وكده
مهندس منسي : ماشي يا غالي
العميل : ربنا يكرمك يا باش مهندس، شكراً يا باش مهندس
مهندس منسي : ماشي يا غالي
العميل : اتفضل يا فندم، شكراً.. شكراً
