ماكينة تغليف شرينك للبرطمانات موديل 101 ماركة مهندس منسي

العميل	:	السلام عليكم
المهندس منسي	:	عليكم السلام ورحمة الله وبركاته
العميل	:	مكتب المهندس منسي
المهندس منسي	:	أيوه
العميل	:	معاك نبيل زكريا من إسكندرية يا ريس
المهندس منسي	:	أهلاً بيك
العميل	:	أهلاً وسهلاً بيك، أنا كنت بتعامل مع مصنع اسمه الدلتا من السنطا بتاع برطمانات، فكنت محتاج تغليف شرينك على البرطمان، فالراجل قالي إن حضرتك عندك زي السير بيطلع زي هواء سخن كده
المهندس منسي	:	آه مكن تغليف شرينك، آه موجود
العميل	:	طب نظامها إيه يا ريس وبكام؟ ومنشأها إيه؟
المهندس منسي	:	هي سعرها ، يعني 7200 جنيه مصري
العميل	:	آه.. طب هي النظام بتاعها إيه؟؟ يعني مجرد البرطمانات بتخش على السير تمشي
المهندس منسي	:	آه.. آه.. بتحط البرطمانات على السير وهي تطلع من الناحية التانية متغلفة جاهزة
العميل	:	دي على طرف البرطمان بالضبط؟
المهندس منسي	:	براحتك بقى، عايز تحط على طرف البرطمان، ماشي، عايز تحط على جزء من البرطمان مافيش مشكلة، عايز تحط على البرطمان كله مافيش مشكلة، عايز تجمع البرطمانات كلها مع بعضها برده مافيش مشكلة
العميل	:	يعني هي زي مكنة شرينك تعتبر
المهندس منسي	:	آه ما هي مكنة تغليف شرينك
العميل	:	طب حجم المكنة دي أد إيه يا ريس؟
المهندس منسي	:	هو الحجم مش متذكره ولكن هي أد مكتب كده
العميل	:	تمام يا ريس، دي صيني طبعاً
المهندس منسي	:	لا دي ماركة، براند
العميل	:	أيوه يعني المنشأ بتاعها إيه؟
المهندس منسي	:	ما هو يا صديقي إنتم ما تعرفوش معنى كلمة ماركة، هي كلمة جديدة شويه على العالم العربي، إنت دلوقتي لما حضرتك تيجي تشتري كمبيوتر إتش بي مثلاً إنت بتسأل هو أساسه إيه ولا بتشوف قطع الغيار بتلاقيها صيني على ياباني على تايواني، ولكن إنت بتشوف الماركة، هل الماركة نفسها محترمة ولا لأ
العميل	:	ما هو أنا بقول لحضرتك على أي حال المنشأ بتاعها يعني صيني
المهندس منسي	:	دلوقتي إحنا بنعمل التصميمات بتاعتنا وبعد كده بنصنع قطع الغيار وبعد ما نصنع قطع الغيار بنجمعها، على عكس الموجود في العالم العربي كله إن همه بيروحوا يشتروا مكن من ماليزيا، من الصين، من تايوان، ييجوا يبوعوه، فإحنا حالة فردية شويه
العميل	:	يعني حضرتك مجمعها هنا
المهندس منسي	:	الله ينور عليك
العميل	:	يفتح عليك ربنا، ده كده أضمن لي
المهندس منسي	:	النهاردة بقى عندك فنيين دربنا أكتر من 20 فني طالعين فاهمين يعني إيه ماركة المهندس منسي، لأن إحنا ما بنغيرلهمش بحيث إن التيكنيكال نفسه يبقى فاهم بيعمل إيه
العميل	:	لا.. لا.. كده حضرتك 10/10، ده كده أنا أطمن، حتة المستورد حضرتك دلوقتي هتضايق منه في الصيانة أو قطع الغيار أو بتاع
المهندس منسي	:	آه.. آه..
العميل	:	طب أستأذن حضرتك لو عندك أي فيديو ليها موجود ممكن تبعتهولي؟
المهندس منسي	:	حضرتك شرفتنا بالزيارة اتفرجت على المكن اللي عندنا أهو اسمك على الأقل شفت كل المكن اللي عندنا، اتعرفت على ماركة جديدة، صدقني لو قلت لك أي حد بيقولي أنا كذا وكذا بتخذها فرصة وأروح له
العميل	:	تشرفنا يا ريس، مالكش أي فرع في إسكندرية؟
المهندس منسي	:	بنعمل فيه في برج العرب
العميل	:	يعني بتجهز فيه حالياً
المهندس منسي	:	بنبني فيه، بس إن شاء الله خلاص على آخر السنة دي ممكن نكون شغالين يعني
العميل	:	طب يعني لو كان عند حضرتك فيديو كده متوفر لو فيه ممكن تبعتلي
المهندس منسي	:	الله يخليك، تحت أمرك
العميل	:	لا يا بيه أنا قصدي على مكنة الشرينك بس الجزء اللي أنا طالبه
المهندس منسي	:	آه.. وقت حضرتك ما يسمحش إنك تشرفنا بالزيارة؟
العميل	:	دلوقتي لا بصراحة، إحنا بس لو نشوف المكنة شكلها عامل إزاي أكيد هنيجي لحضرتك زيارة
المهندس منسي	:	ما هي شكلها مكنة
العميل	:	أنا ما تفرقش معايا، أهم حاجة إنها تطلع شغل كويس
المهندس منسي	:	يكفي إنها ماركة محترمة وغزت العالم، وبنعرض في المعارض العالمية، وخش سرش كده وشوفنا وإحنا بنافس في الماركات العالمية، وحاصلين على شهادة الأيزو
العميل	:	ربنا يبارك لك ويزيدك يا رب
المهندس منسي	:	أما لو حضرتك عايز أي حاجة في المراسلات أو كده، ممكن تبعت لي على الايميل طلب عناوين وأنا هبعت لك تليفونات المبيعات حضرتك تابع معاهم وهمه هيراسلوك
العميل	:	طيب إن شاء الله
المهندس منسي	:	هو حضرتك منين في إسكندرية
العميل	:	من محرم بك يا ريس
المهندس منسي	:	دي قريبة من برج العرب
العميل	:	لا.. لا… بس مش مشكلة، لو هتفتح في برج العرب برده أقرب لنا من القاهرة
المهندس منسي	:	ماشي سعادة الباشا
العميل	:	ألف شكر حبيبي، اتفضل