ماكينة لحام اكياس الدقيق من شركة المهندس منسي

العميل	:	السلام عليكم
المهندس منسي	:	عليكم السلام ورحمة الله وبركاته
العميل	:	إزي حضرتك
المهندس منسي	:	أهلاً بيك
العميل	:	علاء مكي مع حضرتك من الفيوم
المهندس منسي	:	أهلاً وسهلاً
العميل	:	بص حضرتك عارف كيس الدقيق اللي هو بيبقى ورق؟
المهندس منسي	:	آه
العميل	:	بيتقفل من فوق بيبقى بتطبيقة كده بيدي شكل مربع ما بيديش شكل اللحام، ده أنا عايز أنفذه في الكيس البلاستيك، أنا عامل كيس بسوفريه، اللي هو بكعب من الجنبين
المهندس منسي	:	عملته خلاص
العميل	:	آه، فأنا كنت عايز أقفل الكيس من فوق يديني حتة مربعة، مش عايزه يبقى جاي بسحبة كده، هل في مكنة بالكلام ده؟
المهندس منسي	:	إحنا عندنا مكن لحام إنتاجي، مكن لحام مستمر يقوم بالواجب يعني، يديلك اللحام العريض، أنا مش عارف بالضبط الكيفية اللي حضرتك عايزها، عشان كده لو حضرتك شرفتنا بالزيارة وتجيب عينة معاك ده يبقى أفضل
العميل	:	آه.. هو حضرتك بتطبعوا أكياس صح؟
المهندس منسي	:	آه بس إحنا بنطبع بطريقة تانية، بنطبع بطريقة الروتوجرافيك، دي أعلى أنواع الطباعة في العالم
العميل	:	حضرتك بره مصر طبعاً؟ ولا حضرتك بتطبع هنا؟
المهندس منسي	:	بنطبع الرقيقة بس بره مصر وبعد كده بنلمشنها هنا في مصر
العميل	:	تمام.. بتبقى أسعار الطباعة إيه الروتو مثلاً؟
المهندس منسي	:	صعب عليا إن أنا تكهن بالخامة اللي إنت هتحتاجها، حضرتك شرفنا بالزيارة نقي الخامة اللي هتعجبك، بعد كده هنشوف التصميم، وهنشوف الطول والعرض، والكمية، وبناء عليها هنقولك السعر وإنت قاعد
العميل	:	تمام.. تمام. طيب مافيش مشكلة، خلاص إن شاء الله هيبقى في زيارة
المهندس منسي	:	تيجي تنورني
العميل	:	ماشي يا باشا شكراً