ماكينة شرينك تغليف لأطباق الطعام الجاهز من شركة مهندس منسي

العميل: آلو، السلام عليكم.

المهندس منسي: وعليكم السلام ورحمة الله وبركاته.

العميل: الباشمهندس منسي؟

المهندس منسي: أيوا؟

العميل: إزيك يا باشا، أخبارك؟

المهندس منسي: الحمد لله

العميل: معاك محمد رمضان من بني سويف

المهندس منسي: أهلا بيك.

العميل: من شركة مكملات.. مكملات غذائية.

المهندس منسي: أهلا وسهلا

العميل: حضرتك أنا كنت بعت صورتين عالواتس كدا شوفتهم؟

المهندس منسي: بعتلي إيه؟

العميل: صورتين عالواتساب.

المهندس منسي: آه، كانوا عبارة عن إيه؟

العميل: كان عبارة عن محشي ممبار، ومحشي سمبوسة، وفرخاية جاهزة، وورق عنب محشي جاهز، فبقولك إحنا شغالين بنوزع وكدا يعني، وكنا عايزين نطور التغليف شوية.

المهندس منسي: آه هو انت بتحطه في طبق؟

العميل: أنا بحطه في الطبق الفل وأدي ستريتش وستيكر، تمام؟

المهندس منسي: آه هو في عدد من الأطباق بيطلب؟

العميل: آه، فإحنا عايزين بقى.. كنا عايزين نستفسر أو نسأل عن المكن اللي ينفع معانا، المكن الشرينك والمكن الـ.. عايزين يعني نطور الدنيا..

المهندس منسي: في مكنتين بس ينفعوا مع حضرتك، مكنة الشرينك في منها هاف أوتوماتيك وفي منها أوتوماتيك، ومكنة تانية اسمها فلوباك.

العميل: فلوباك؟

المهندس منسي: آه.

العميل: تمام

المهندس منسي: حضرتك هتحط الطبق وهي هتاخده وتعملهولك في كيس لوحدها، الخامة دي ممكن نطبعهالك

العميل: اللي هي الطبق نفسه.

المهندس منسي: آه اللي هي الخامة اللي هتغلف الطبق.

العميل: الخامة اللي هتغلف الطبق، طب وبالنسبة للي هيشتغل عالطبق العادي اللي هو الفل العادي..

المهندس منسي: آه وممكن كمان نعملك بدل ما تطبع كل دا نعملك ليبل label بلاستك بحيث انت تحطه عالمحشي على طول الليبل دوت يبقى إيه، يبقى مطبوع عليه كل البيانات بتاعتك وتحطه وهو داخل يتغلف على طول قوام.

العميل: طيب أنا حابب أعرف الدنيا وأشوف الأسعار وأشوف الدنيا عشان عايز أنفذ إن شاء الله.

المهندس منسي: سعر مكنة الفلوباك الـ.. سعر مكنة تغليف الشرينك اللي هي نص أوتوماتيك بتبدأ من 430 ، في حاجة 430 وفي حاجة .

العميل: 430 ؟

المهندس منسي: آه انت مش محتاج أكتر من 430 .

العميل: تمام يعني انت كدا بتقولي يعني…

المهندس منسي: انت مشكلتك بس في المقاس، في المقاس في الإرتفاع والطول والعرض فإنت الشغل بتاعك مش محتاج أكتر من 430 ، في كتير..

العميل: طيب ما تعملنا كدا يا باشمهندس تحسبلنا..

المهندس منسي: نحسبها.. تاخد ورقة وقلم كدا ورايا وتقعد تحسب بقى.

العميل: تمام تمام..

المهندس منسي: تمام معايا؟ 430 ، لو عايزها أوتوماتيك كاملة بقى 22

العميل: بكام 22 ألف؟

المهندس منسي: آه الشرينك الأوتوماتيك الكاملة.

العميل: الكاملة؟ تمام.

المهندس منسي: آه إنما مكن الفلوباك أوتوماتيك، كل اللي عليك تناولها الأطباق دي عاملة 11

العميل: 11 ؟

المهندس منسي: مم.

العميل: تمام، تمام الكلام يا باشمهندس مكنة فلوباك؟

المهندس منسي: آه اسمها فلوباك آه.

العميل: طب قولتلي مكنة شرينك نص أوتوماتيك عاملة كام؟

المهندس منسي: 430

العميل: 430 ؟

المهندس منسي: مم.

العميل: خلاص ماشي يا باشمهندس، طيب لو حبيت آخد فكرة يعني عالطبيعة.

المهندس منسي: أنا عندي باب الشعرية، حدائق القبة، مدينة نصر.

العميل: أيوا؟ تمام تمام، شكرا لحضرتك يا باشمهندس.

المهندس منسي: العفو يا بيه.

العميل: ماشي شكراً يافندم

المهندس منسي: شكراً مع السلامة.