ماكينة شرينك من شركة المهندس منسي
العميل : السلام عليكم
المهندس منسي : عليكم السلام ورحمة الله وبركاته
العميل : باش مهندس منسي
المهندس منسي : أيوه
العميل : إزي حضرتك
المهندس منسي : الحمد لله
العميل : أحمد الغنام من البحيرة
المهندس منسي : أهلاً بيك
العميل : يا أهلاً بحضرتك أنا جبت رقم حضرتك من على النت بخصوص مكنة الشد الشرينك
المهندس منسي : آه
العميل : عندي مصنع أدوات منزلية اللي هوه السلم والمنشر السعودي وترابيزة المكواة والحاجات دي
المهندس منسي : أيوه اتفضل
العميل : محتاج مكنة ما تكونش عالية في السعر وتكون كويسة وتقضي الغرض تشد الشرينك معايا
المهندس منسي : في موجودة
العميل : عامله كام؟
المهندس منسي : بتبدأ من
العميل : أنا مصري يا بيه مش بال
المهندس منسي : آه ضرب × 18، يعني 400 × 18
العميل : حضرتك كل سعر واحد ولا في حاجات أقل وحاجات أعلى؟
المهندس منسي : آه في حاجات أعلى في السعر على أساس المساحة نفسها واسعة
العميل : مساحة أد إيه ما هو برده عندي حاجة زي المنشر عرضه حوالي 70 أو 65 – 68 حاجة زي كده
المهندس منسي : ده بقى العريض ده هنعملك ليه مكنة مخصوص بالطلب، في مكن هيقضي الغرض معاك في الحاجات الصغيرة اللي هي لغاية عرض 40 سم، أما الارتفاع عندنا… الطول عندنا مالوش لازمة، يعني إنت عندك السلم مثلاً عرضه 40 سم وطوله 2 متر ده مش مشكلة ينفع عليها
العميل : حلو قوي زي الفل، إنما حاجة 70 سم بتعملوها بالطلب
المهندس منسي : آه دي هنعملها بالطلب
العميل : تمام.. بتقول حضرتك بكام كده؟
المهندس منسي : × 18 يعني 7200
العميل : ليه ضمان يا باش مهندس ولا هي…
المهندس منسي : آه إحنا ماركة، إزاي بقى، إحنا بقالنا في السوق دلوقتي أكتر من 10 – 12 سنة
العميل : الله يبارك لك، الله يفتح عليك، تمام، طب لو هنعمل حاجة هتعملنا حاجة مثلاً عرض 40 سم بتاخد وقت كتير ولا بتخلص بسرعة إن شاء الله
المهندس منسي : لا ده بسرعة على طول إن شاء الله
العميل : تمام بشد يعني بالشرينك ولا ليها حاجة معينة؟
المهندس منسي : نعم؟؟؟
العميل : الـسخانات الشرينك، السخانات زي ما حضرتك فاهم؟
المهندس منسي : آه السخانات عادي بالنسبة لك في الأدوات المنزلية ما تقلقش
العميل : تمام يعني إن شاء الله بسهولة يعني
المهندس منسي : إن شاء الله
العميل : طب عنوان حضرتك زي ما هو على النت برده
المهندس منسي : آه هبعتلك العنوان في رسالة حالاً
العميل : طيب أوكيه وأنا لو كده هيجي لحضرتك بكرة أو بعد بكرة بالكتير وهديك تليفون وأنا جاي لحضرتك إن شاء الله
المهندس منسي : تيجي تنورنا
العميل : الله يبارك لك
المهندس منسي : هتلاقي في الرسالة 3 تليفونات تابع بقى معاهم
العميل : مافيش مشكلة ماشي يا باش مهندس
المهندس منسي : مع السلامة
العميل : اتفضل
