ماكينة شفط الهواء من الأكياس من شركة المهندس منسي

 

العميل : السلام عليكم

مهندس منسي : عليكم السلام ورحمة الله وبركاته

العميل : آه يا باشا بقول لحضرتك أنا كنت بسأل على المكنة بتاعت تقشير البطاطس

مهندس منسي : آه

العميل : سعرها عامل كام

مهندس منسي : هوه في حاجة بـ 2000 ، وفي حاجة بـ

العميل : والفرق في الإمكانيات اللي هوه عدد الإنتاج يعني ولا في إيه بالضبط؟

مهندس منسي : آه في كمية الإنتاج آه

العميل : أم بتنتج أد إيه؟

مهندس منسي : دي بتعمل 5 كيلو في الضربة، الضربة بتاخد 11 دقيقة، قول 10 دقائق، يعني 50 كيلو في الساعة، أما الـ 2000 ….. لأ مش 5 كيلو 10 كيلو يعني تعمل 600 كيلو في الساعة، أما الـ 2000 بتعمل حوالي 300 كيلو في الساعة

العميل : هوه المكن ده حضرتك مصنعه هنا ولا مصنعه…

مهندس منسي : لا بنصنعه لحسابنا قطع غيار وبنجمعه

العميل : يعني قاصدي هوه موجود هنا ولا لسه حضرتك هتيجبه

مهندس منسي : لأ لسه هنصنعه

العميل : طب بياخد وقت أد إيه؟

مهندس منسي : بص هوه إحنا عندنا كل مكن التعبئة والتغليف بضاعة حاضرة، أي مكن تاني معدات صناعية تانية بخلاف كده ده بنصنعه بالطلب، هياخد وقت أد إيه لما تيجي بقى نقعد مع بعض ونشوف الدنيا فيها إيه

العميل : طب والمكنة بتاعت التقطيع

مهندس منسي : آه.. ما هوه التقطيع دي حاجات كتيرة قوي، في اللي هتقطعه صوابع، وفي اللي هتقطعه…

العميل : صوابع

مهندس منسي : آه… عايز سعرها يعني، مش متذكر سعرها، حضرتك ابعتلنا إيميل وهنرد عليك في خلال 48 ساعة لأسبوع

العميل : حضرتك عندك المكنة اللي هي بتشفط الهوا من الكيس قبل ما تغلفه

مهندس منسي : عندنا آه

العميل : موجودة، طب سعرها عامل كام؟

مهندس منسي : ما هي سعرها عامل كام إيه × إيه؟ في عندنا 3 مكنات، إنت محتاج أنهي فيهم

العميل : محتاجها إمكانيات قليلة

مهندس منسي : ما أنا ممكن أقولك سعرها

العميل : بقول لحضرتك إحنا هنبدأ في الأول بإمكانيات قليلة لو ربنا كرم والدنيا مشيت مفيش مشكلة نوسع

مهندس منسي : خلاص إبدأ بـ 601، مكنة عندنا اسمها 601 ماركة المهندس منسي، المكنة ديت تعملها في حدود يعني 6000 جنيه مصري

العميل : آه… دي اللي هي بتعمل إيه بقى إمكانياتها إيه؟

مهندس منسي : دي بتشفط الهوا من الكيس وبتغلفهولك

العميل : تمام… إنتوا مكانكم فين يا باشا

مهندس منسي : إحنا عندنا حدائق القبة، مدينة نصر، باب الشعرية

العميل : باب الشعرية كويس

مهندس منسي : هكتب لك العنوان دلوقتي حالاً

العميل : طيب ربنا يكرمك شكراً