ماكينة طباعة تاريخ الانتاج والصلاحية من شركة المهندس منسى
العميل : السلام عليكم
المهندس منسى : عليكم السلام ورحمة الله وبركاته
العميل : شركة المهندس منسي
المهندس منسى : أيوه
العميل : باشا استفسار كده
المهندس منسى : آه
العميل : عندك الطابعة اللي بتطبع على الجرادل التاريخ، تاريخ الإنتاج والصلاحية يعني؟
المهندس منسى : عندنا آه
العميل : دي يا باشا عامله كام؟
المهندس منسى : حضرتك هاتلنا بس غطا لأنه في أنواع من الغطيان كتيرة، فإحنا يلزمنا عدد من التجارب، فحضرتك هتجيبلنا غطا وهنبدأ نجرب عليه المكنة دي والمكنة دي والمكنة دي
العميل : طيب هي الرينج بتاعهم بتبدأ من كام وتنتهي بكام؟
المهندس منسى : بتبدأ من 100
العميل : وتنتهي بكام أعلى حاجة؟
المهندس منسى : لأ مافيش حاجة اسمها أعلى حاجة، في 100 ، وفي 250، وفي 520 … حاجات كتيرة قوي، فحضرتك شرفنا بالزيارة
العميل : يعني… ماشي يا باشا إنتم فاتحين من كام لكام؟
المهندس منسى : من 11-9
العميل : إن شاء الله هجيلكم بكرة من طنطا بأمر الله
المهندس منسى : تيجي تنورنا
العميل : هجيب معايا الغطا حاضر
المهندس منسى : آه هتقولهم أول ما تقعد هتتفرج على وحدات تاريخ الإنتاج، ما ضبطتش معاك قولهم عايز الهوت ستامب، احفظ الكلمة دي
العميل : الهوت ستامب، تمام، ماشي يا باشا، شكراً جزيلاً
المهندس منسى : مع السلامة
