ماكينة فاكيوم من شركة المهندس منسى

العميل : السلام عليكم

المهندس منسى : وعليكم السلام

العميل : شركة المهندس منسي

المهندس منسى : أيوه

العميل : كان عندكم على الموقع بتاع إم تو باك مكن تغليف فاكيوم

المهندس منسى : آه

العميل : كنت عاوز مكن يغلف حاجات دقيقة وحساسة زي الاسطوانات يغلفها فاكيوم، متاح؟

المهندس منسى : متاح إن شاء الله، حضرتك عايز تغلف الاسطوانة، هي اسطوانة عايز تعملها علبة مثلاً ولا…؟

العميل : لأ أغلف الاسطوانة نفسها من غير علبة

المهندس منسى : على أساس.. الفاكيوم معمول عشان يشفط الهوا من المنتج، في فاكيوم تاني معمول عشان خاطر يشكل العلبة، يشكل مجال بلاستيك بحيث إنك تحط المنتج بتاعك فيه

العميل : أنا عاوز زي الإعلانات بتاعت الأكل المحفوظ وكده، حاجة تتحط جوه الكيس يتشفط منه الهوا وتعلمه سيلينج

المهندس منسى : آه دي موجودة آه، على أساس مثلاً الهوا بيتعامل مع المنتج فإحنا بنمنع عنه الهوا وخصوصاً الأكسجين أكتيف

العميل : يشفط الهوا كله وياريت مثلاً لو أعرف أدخل نيتروجين كمان

المهندس منسى : آه مافيش مشكلة النيتروجين كل العملية إنك بتحط المنتج في قلب الكيس، وبعد كده بتضخ ضخة نيتروجين جوه الكيس، وبعد كده هي بتشفط الهوا مع جزء من النيتروجين

العميل : تمام

المهندس منسى : يعني النيتروجين يحل محل الهوا اللي موجود لسه لو في بقايا هوا لسه موجودة

العميل : بالضبط

المهندس منسى : هوه ده عشان خاطر أكتشف إن الأكسجين النشط هوه ده السبب إن أي منتج مدة صلاحيته بتقل لأنه أي مادة دقيقة بتتفاعل مع الأكسجين النشط، فإحنا منعنا عنه عملنا أكياس بولي آميد بولي إيثيلين النفاذية بتاعتها صفر، فبنحط المنتج في قلب الكيس وبعدين بنشفط الهوا منه خلاص بقى جوه مافيش ذرة هوا

العميل : الحاجات اللي أنا هغلفها أول حاجة اسطوانة بحجم مثلاً 20 × 20

المهندس منسى : هوه حضرتك هتغلف اسطوانات ولا هتغلف حجم الاسطوانة حاجة شكل الاسطوانة؟

العميل : حاجة شكل الاسطوانة

المهندس منسى : آه شكل الاسطوانة آه، لأنه الاسطوانة لو هتتفاعل مع الأكسجين أكتيف مع عادي مافيهاش مشكلة، أما المنتج اللي جوه حي، منتجات حية زي المواد الغذائية أو المواد البيولوجية هي دي…

العميل : لأ عندي مواد حساسة هي دي اللي بتتفاعل مع الهوا

المهندس منسى : أيوه ممنوع تتفاعل مع الهوا

العميل : فأنا عايز أنقلها من مكان لمكان، في كيس مقفول في مكان تاني في كيس مقفول

المهندس منسى : مافيش مشكلة تمام هل ممكن نشوف عينة من المنتج بتاعكم

العميل : في عينات آه

المهندس منسى : وممكن تجيب المنتج بتاعك وتغلفه فعلي عندنا

العميل : طب عشان أعرف حضرتك الدنيا أكتر مع حضرتك المهندس المسئول عن المعامل  فى مدينة زويل، معانا عينة عايزين ننقلها من معمل عندنا إلى معمل في جامعة أمريكية أو جامعة أسيوط، فعندنا الحاجات الحساسة دي ما تتعرضش للهوا خالص

المهندس منسى : إن شاء الله، إنت من الطلبة ولا اللي بيدرسوا؟

العميل : لأ في الأبحاث

المهندس منسى : يعني حضرتك من الطلبة ولا إداري

العميل : لأ مع حضرتك المهندس المسئول عن المعامل

المهندس منسى : وايه أخبار جامعة زويل دلوقتي؟

العميل : تمام، الحمد لله إحنا بنستعد للنقل

المهندس منسى : آه يعني الجامعة نفسها بتتنقل؟

العميل : في الشيخ زايد

المهندس منسى : آه.. آه… ماشي يا غالي طب ممكن تشرفونا ومعاكم عينة من المنتج…

العميل : طيب مينفعش حضرتك تبعتلنا المكن لان العينة صعب تتنقل

المهندس منسى : صعب إن إحنا ننقل المكن، ممكن حضرتك تبعتلنا عينات وإحنا نجربها لك

العميل : ما أقدرش أبعتها لو بعتها هتبوظ

المهندس منسى : لأ عينات شبيهة

العميل : إحنا كنا عايزين بس نشوف الجهاز قبل ما نشتريه

المهندس منسى : مافيش مشكلة، ما أنا بقول لحضرتك أهوه، ممكن تعمل عينات شبيهة، يعني مثلاً تشوف منتج شبيه ليه ينفع نقله، وتجربه إذا كان خلاص تشتري المكنة وتجرب عليها

العميل : هوه عندكم منتج واحد ولا كذا موديل؟

المهندس منسى : هوه كذا موديل، عندنا 2 موديل، في موديل سطحي وفي موديل 2 هوم غرفتين في مكنة واحدة، يعني مكنتين في مكنة، وهي دي الأفضل بالنسبة لك

العميل : ودي بتدخل نتيروجين وكله

المهندس منسى : لأ النيتروجين بتبقى وحدة تانية لوحدها

العميل : النيتروجين متاح عند حضرتك

المهندس منسى : النيتروجين وحدة واحدة على أساس النيتروجين وحدة توليد نيتروجين، لأ، وحدة تعبئة نيتروجين، يعني هنعمل إيه؟؟ هنجيب مكنة تعبئة النيتروجين، ونروح معبيين الكيس.. يعني حاطين المنتج بتاع حضرتك، وبعد ما حطينا المنتج بتاع حضرتك عبينا معاه نيتروجين، وبعد ما عبينا نيتروجين نبدأ نفكيوم المنتج نفسه… وصلت

العميل : وصلت، هل ممكن مندوب ييجي يزورنا في المدينة

المهندس منسى : والله يا سيدي ندرة الأفراد في مصر مخلينا تعبانين، يعني عندنا ندرة في الأفراد صدقني، أنا أتمنى أجيلك بنفسي، أنا بحب الحاجات العلمية والتطوير والحاجات دي، بس صدقني الوقت وندرة الأفراد صعبة جداً، ده رقم 1، رقم 2 أنا أنقل مكنة عشان نجربها، هيبقى صعب، إنما ممكن أنقل منتج عشان يتجرب المهندس منسى : ولو حتى ييجي في فريزر، في فلدر مثلاً

العميل : طب آخر سؤال هوه السعر تقريباً كام؟

المهندس منسى : المكنة الصغيرة بتعمل والمكنة الكبيرة بتعمل ، إنا بنسمي بس بال ولكن بناخد بالجنيه المصري عادي على أساس إن ال سعره ثابت شويه

العميل : إحنا عندنا العملة الصعبة ما عندناش مشكلة إن ندفع بال

المهندس منسى : عادي لو عايز تدفع بالمصري جايز، لو عايز تدفع بال جايز، أي عملة براحتك الكبيرة بـ 1500 ومكنة إدخال نيتروجين بتعمل

العميل : ماشي شاكر لحضرتك

المهندس منسى : العفو

العميل : هحاول أتواصل مع حضرتك الأسبوع الجاي إن شاء الله

المهندس منسى : إن شاء الله

العميل : السلام عليكم

المهندس منسى : مع السلامة