ماكينة طباعة تاريخ التمبو على لمبات مدورة من شركة المهندس منسى
العميل: السلام عليكم
المهندس منسى: عليكم السلام ورحمة الله وبركاته
العميل: شركة المنسي
المهندس منسى: أيوه
العميل: لو سمحت كنت دخلت على الويب سايد بتاعك كنت عايز أستفسر عن مكنة التيمبو للطباعة
المهندس منسى: مكنة التيمبو؟
العميل: آه
المهندس منسى: آه اتفضل
العميل: ده نظامها إيه؟
المهندس منسى: مش فاهم نظامها إيه بالنسبة لإيه يعني؟
العميل: أنا دلوقتي بصنع لمبة بلاستيك عايز أطبع عليها لمبة مدورة، المكنة التمبو تطبعلي على شيء مدور؟
المهندس منسى: آه بومبيه آه
العميل: آه بومبيه تمام، تشتغل معايا؟
المهندس منسى: إن شاء الله، إنت هتعمل كام لون؟
العميل: هوه لون واحد يا فندم
المهندس منسى: آه اتفضل
العميل: جميل… دي تكلفتها كام لو سمحت؟
المهندس منسى: 350
العميل: يعني 6670
المهندس منسى: أيوه
العميل: دي صناعة إيه؟
المهندس منسى: صيني
العميل: بالنسبة لل 2 لون
المهندس منسى: الـ 2 لون بتبقى ، × 18.20 = 14560
العميل: الطاقة الإنتاجية بتاعتها ممكن تديني كام قطعة في الساعة؟
المهندس منسى: حسب سرعة اللي واقف
العميل: مينيمام وماكسيمام؟
المهندس منسى: يعني في حدود 1500 ـ 2500
العميل: الحبر بتاعها بكام؟
المهندس منسى: بيبقى بالجرام
العميل: جميل… الجرام بكام؟
المهندس منسى: حوالي 30 قرش،يعني حوالي 300 جنيه اللتر
العميل: الكيلو آه، ده بالكيلو مش باللتر
المهندس منسى: هوه الكيلو هوه اللتر
العميل: لا أصل هوه عجينة مش سائل
المهندس منسى: مش سائل
العميل: بيتحط عليه مذيب
المهندس منسى: آه بيتحط عليه مذيب ويتخفف آه
العميل: والمذيب بكام؟
المهندس منسى: في حدود 60 كده يعني
العميل: بياخد وقت أد إيه عشان ينشف؟
المهندس منسى: لو إنت عايز تنشف بسرعة بنعمل شويه حاجات إنها تجف بسرعة
العميل: اللي هي إيه؟
المهندس منسى: بنعمل درايف هوا سخن، بنحطه في الحاجة عشان تنشف بسرعة… حاجات كتيرة يعني
العميل: جميل تكلفتها أد إيه؟
المهندس منسى: لا دي بتتحسب بقى بعد حضرتك ما تشتري المكنة إن شاء الله
العميل: طب المكنة أم 6000 جنيه دي موجودة؟
المهندس منسى: أكيد موجودة إن شاء الله
العميل: طب مكان حضرتك فين
المهندس منسى: إحنا عندنا حدائق القبة، مدينة نصر، باب الشعرية، 6 أكتوبر
العميل: فين في 6 أكتوبر؟
المهندس منسى: هبعتلك العنوان في رسالة دلوقتي
العميل: جميل ابعتلي العنوان، طب أنا دلوقتي لو حبيت آجي لحضرتك بعينة من المنتج نطبع عليها أي شيء وأشوف الرزليوشن مافيش مشكلة؟
المهندس منسى: إن شاء الله
العميل: جميل، الأكلاشيه اللي بيتطبع أو الكاوتشة والكلام ده كله تكلفتها كام؟
المهندس منسى: في حدود 500 جنيه، في الحدود دي
العميل: كاوتشة ولا أكلاشيه جوه الماكنة
المهندس منسى: مش كاوتشة هي بتبقى حديدة محفورة بالليزر
العميل: تمام هجيب العينة ونجرب ان شاء الله
المهندس منسى: خلاص أوكيه
العميل: ماشي يا باشا مع السلامة
