ماكينة طباعة علي ماكينات افقية من شركة المهندس منسي

العميل : سلام عليكم

المهندس منسي : عليكم السلام ورحمة الله وبركاته

العميل : شركة المهندس منسي

المهندس منسي : أيوه

العميل : كنت عايز أستفسر عن شوية حاجات بالنسبة للبرنترات

المهندس منسي : آه

العميل : حضرتكم في مجال إنتم شغالين في البرنترات

المهندس منسي : آه شغالين آه

العميل : الطباعات اللي هي روتري والدقاق…

المهندس منسي : إن شاء الله

العميل : اللي هوه الماركة إيه؟

المهندس منسي : أشوف بس حضرتك إنت عايز أنهي برنتر ونبدأ نتكلم، ما هو في روتري، وفي لتر، وفي أفست، وفي روتوجرافيك… في أنواع كتيرة قوي قوي للطباعة

العميل : أصل أنا كنت عايز اللي هوه بيركب على مكن تغليف الحلويات اللي هوه زي اللي في مكنة كيمو والحاجات دي

المهندس منسي : آه عندنا آه موجود

العميل : اللي هو البرنتر الصيني ده اللي هوه الـ 30، والـ 40

المهندس منسي : في عندنا اللي بيركب على الفلوباك، وفي اللي بيركب على المكن…

العميل : الرأسي

المهندس منسي : الرأسي آه، عندنا اللي بيركب على الأفقي والرأسي

العميل : يعني حضرتك في إمكانية إن أبعتلك إيميل تبعتلي عليه مثلاً الداتا بيز بتاعت الأنواع ديت ولا لازم نكون إحنا موجودين نتفرج

المهندس منسي : هوه إنت عارف التعامل لايف أثبت أفضل لأنه البضاعة حاضرة، لأنه إنت لما تقرا غير لما تشوف بعينك

العميل : صح

المهندس منسي : لأنه إنت بتكلم النهاردة على جودة فريدة من نوعها

العميل : أكيد.. أكيد

المهندس منسي : إنما لما أقعد أعيد وأقعد اكتب، ما هو أنا دلوقتي بدور على اللي بيتكلم أفضل، مش اللي بينتج أفضل

العميل : لأ صح.. لأ صح

المهندس منسي : فلو حضرتك تعبت نفسك شوية وجيتلنا مشوار هتقولي طب ما هو أنا عايز ألف، عادي يوم 2 3 هتلاقي الدنيا وضحت أدامك كده وتاخد حاجة مضبوطة 100%

العميل : أنا مافيش مشكلة طبعاً إحنا في السوق…

المهندس منسي : إنت تيجي تنورني

العميل : شركة معروفة وكده فطبيعي يعني إحنا مش شاكين في حاجة

المهندس منسي : لا تحت أمرك

العميل : لكن مافيش أسعار، مافيش حاجة كله على الطبيعة

المهندس منسي : والله عادي.. عادي.. شوف حضرتك ركز على الحاجة وأقولك أسعارها، بس المشكلة إن النهاردة الكلام في اللايف أفضل، يعني حضرتك لما تشوف الحاجة أدام عين حضرتك تكون أفضل

العميل : هوه هاني ويل بتشتغل في إيه؟

المهندس منسي : إحنا أساساً مطلوب دلوقتي إن إحنا نشوف البرنتر اللي هوه بيركب على المكن الفلوباك

العميل : لأ إنتم شركة هاني ويل بتشتغل في إيه؟

المهندس منسي : بتشتغل في منتجات البسكويت والحلويات والشيكولاته…

العميل : كنت عارضين في الإنترناشيونال ديفاليوم في الصين، في معرض الصين الدولي، وإحنا كنا عارضين جنبكم

المهندس منسي : آه…يعني إنت لو بصيت على الفيديو بتاعنا هتبص هتلاقي شركة هاني ويل جنبنا

العميل : آه

المهندس منسي : في معرض الصين الدولي كانتون، هاني ويل تفرق عن هاني ويل بتاعت مصر؟

العميل : ما هو إحنا هاني ويل بتاعت مصر، إحنا في العاشر من رمضان

المهندس منسي : آه… كانت هاني ويل دي تانية

العميل : لأ هاني ويل في العاشر من رمضان

المهندس منسي : لأ كانت هاني ويل اللي جنبنا اسمها هني ويل

العميل : آه… حضرتك إنت بتقصد هني ويل اللي بتشتغل في الأجهزة والمعدات  سيستم والحاجات دي

المهندس منسي : تقريباً آه، كانوا عارضين جنبنا في معرض بتاع الصين

العميل : آه.. آه.. آه.. كنترول سيستم وحاجات من دي

المهندس منسي : آه في الأجنحة الدولية

العميل : خلاص ماشي، إحنا نتشرف ونبقى نقوم بالزيارة بقى إن شاء الله، المكان بالضبط فين في باب الشعرية؟

المهندس منسي : إحنا عندنا حدائق القبة، مدينة نصر، باب الشعرية، غمرة

العميل : طب أنا ممكن أقرب حاجة اللي فيها إمكانية إن إحنا ناخد فكرة…

المهندس منسي : كل زي بعضه

العميل : خلاص ماشي، الأقرب إحنا نبقى نتشرف بالزيارة هناك.. خلاص

المهندس منسي : ماشي

العميل : ماشي يا باش مهندس

المهندس منسي : ماشي يا غالي

العميل : متشكرين جداً، في سلامة الله