ماكينة غلق عبوات الكريم بالالومنيوم فويل من شركة المهندس منسي

العميل : السلام عليكم

مهندس منسي : عليكم السلام ورحمة الله وبركاته

العميل : شركة المهندس منسي إن شاء الله

مهندس منسي : إن شاء الله

العميل : معاك د/ محمد أنا شوفت الموقع بتاعكم من على النت، من فضلك عايز المكنة اللي بتلحم زي أنبوبة الأسنان معجون الأسنان، بس على اللي أنا شايفه هنا بس أنبوبة بلاستيكية

مهندس منسي : آه لا عندنا الـ 2

العميل : اللي هي المعدنية دي، اللي بتقفل معدن؟

مهندس منسي : اللي هي أنبوبة الأسنان دي بتبقى من خامة اسمها لامينت، بولي إيثيلين على ألومنيا

العميل : تمام.. بس الأنبوبة اللي أنا عايزها أنبوبة بتاعت كريم جيل مخصوص يعني، أنا دكتور وعارف بقول إيه، هوه معجون.. بتاع ده جيل سونار، فبيبقى موجود في معدن عامل زي الألومنيوم… مش ألومنيوم زي الرصاص كده

مهندس منسي : لا هي ألومنيوم مش رصاص، ما ينفعش يكون رصاص

العميل : تمام.. في عندك المكنة اللي بتلحمها؟

مهندس منسي : عندنا آه

العميل : وتقفلها؟

مهندس منسي : آه

العميل : طيب دي بكام يا فندم؟

مهندس منسي : في مكنة مبسطة كده يدوي، وفي مكنة سيم أتوماتيك

العميل : خلينا مبدئياً في المبسطة اليدوي

مهندس منسي : دي بتعمل يعني 3600 جنيه

العميل : طيب دي كويسة دي آجي آخدها دي، طيب على اللي أنا شايفه هنا العنوان شركة المهندس منسي للصناعات الهندسية أمام مدرسة البنات الثانوية خلف قسم باب الشعرية القاهرة ـ جمهورية مصر العربية صح كده

مهندس منسي : أنا هبعتلك العنوان في رسالة حالاً

العميل : والله أنا أكون شاكر فضلك، أنا بحاول إن شاء الله بإذن الله إذا ما كنش كده يبقى بعد بكرة بإذن الله آجي لسيادتك، طيب في حاجة تانية الأنبوبات نفسها ما تقدرش حضرتك توفرهالي؟

مهندس منسي : نقدر إن شاء الله

العميل : ده إنت راجل بركة والله، أنا مع مين بتكلم يا فندم؟

مهندس منسي : المهندس منسي

العميل : أهلاً وسهلاً، اتشرفنا بيك، معاك د/ محمد صلاح في كلية العلوم

مهندس منسي : أهلاً وسهلاً

العميل : ماشي يا فندم، شكراً، مع السلامة يا فندم

مهندس منسي : مع السلامة