ماكينة فاكيوم تشكيل علب السبح موديل 605 ماركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : شركة المنسي للصناعات الهندسية
المهندس منسي : أيوه اتفضل
العميل : أنا كنت بسأل بس على المكنة اللي هي بتعمل السبحة اللي هي مكنة الفاكيوم بتاعت التمر
المهندس منسي : آه موجودة آه
العميل : طيب بتبدأ من كام لكام بس، والصناعة إيه؟
المهندس منسي : هي سعرها عامله 10500 هي مكنة واحدة
العميل : مافيش إلا مكنة واحدة عند حضرتك؟
المهندس منسي : مش مافيش إلا مكنة واحدة، هي مكنة اللي هتعملها إنت محتاج مكن كتير؟
العميل : لا عايز أعرف في أنواع ولا إنتم عندكم نوع واحد
المهندس منسي : هي مكنة واحدة لو عايز نقعد نشكلهالك ونقولك.. نقعد بقى نشيلك لمبة ونحطلك لمبة نشيلك مش عارف إيه…. بس هي مكنة واحدة اللي بتصنع العلب ديت هي مكنة واحدة
العميل : تمام… يعني مقر حضرتك فين عشان بس أقدر أتواصل معاكم
المهندس منسي : إحنا عندنا حدائق القبة، مدينة نصر، باب الشعرية
العميل : طيب في رقم واتس تاني غير اللي بكلمك عليه ده؟
المهندس منسي : لأ هبعتلك أرقام التليفون دلوقتي في رسالة
العميل : تمام… طيب ماشي يا ريت هنا علي الواتس برضوا
المهندس منسي : طيب ماشي…
العميل : إنت قلت 10500
المهندس منسي : آه…
العميل : طيب هي بتعمل بسرعة أد إيه بالنسبة للأوزان والحاجات دي
المهندس منسي : أوزان إيه؟
العميل : يعني مثلاً هي بتعمل عبوات كام كيلو مثلاً؟
المهندس منسي : بتعمل كل العبوات مقاس 40 × 60 ترص فيها العبوات كيفما تشاء لغاية 40 × 60
العميل : تمام…
المهندس منسي : يعني نفترض إنك عندك عبوة مقاسها 10 × 10 تقعد ترص 10 × 10 ـ 10 × 10 ـ 10 × 10 كده لغاية 40 × 60 يعني معناها إنها تاخد منك 4 عبوة هنا × 6 عبوة يبقى كده عملنا كام؟؟؟ عملنا 24 عبوة في الكبسة الواحدة، الكبسة بتخلص في نص دقيقة
العميل : تمام.. تمام… يعني 24 عبوة في نص دقيقة يعني حوالي 48 عبوة في الدقيقة
المهندس منسي : لا 48 إيه 480 …. آه… آه 48 آه أنا أحب الناس اللي بتحسب آه الدقيقة الواحدة 48، يعني 3000 عبوة في الساعة
العميل : طيب أنا بسأل بقى على العبوات البلاستيك نفسها أجيبها منين، ليكم حاجة تبعكم
المهندس منسي : قصدك الخامات اللي هتتشكل؟
العميل : آه.. آه الخامات نفسها آه
المهندس منسي : آه بنبيعها برده
العميل : طيب بالنسبة للهوه الكيلو البلاستيك…
المهندس منسي : هوه إنت مش هتصنع عبوات، يبقى محتاج العبوة في إيه؟
العميل : البلاستيك نفسه
المهندس منسي : آه البلاستيك نفسه ده بيبقى شيت، بيبقى رول، بيتباع بالكيلو، الكيلو بـ
العميل : تمام… طب بالنسبة لو أنا عندي التعبئة يدوي عايز علب تكون جاهزة
المهندس منسي : آه.. يعني إنت عايز.. تجيبلنا بقى العلبة ونبص عليها وبنبص على تشكيلها وكده ونقولك السعر هيبقى كام
العميل : تمام.. لو معايا علبة.. طب أبعتلك صورة العلبة علي الواتس برضوا
المهندس منسي : والله يا أخي يستحسن تحسسنا بالجدية وتجيبلنا العلبة وتيجي أو تبعتها مع حد
العميل : تمام… أنا…
المهندس منسي : إنما غير كده هيبقى الموضوع متعب جداً بالنسبة لنا يعني، يا تبعتلنا العبوة
العميل : يعني أنا لو أنا جيبت العبوة ممكن تعملهالي تعملي الألف منها….
المهندس منسي : لو إنت مكسل تيجي ابعتها بالبريد وإحنا نبصلك عليها
العميل : تمام.. طب العبوة اللي هي الشفافة، أي عبوة بغطا شفافة بلاستيك صيني ، دي بتعمل كام الألف
المهندس منسي : آه… طب ابعتلي بس العبوة وإحنا نبص عليها
العميل : طيب مافيش مشكلة
المهندس منسي : مع السلامة
العميل : طب أنا أبعتها على بريد إيه طيب؟
المهندس منسي : هبعتلك العنوان في رسالة حالاً
العميل : طيب ماشي يا فندم ومعلش….
