ماكينة فاكيوم تشكيل علب الفاكهه من شركة المهندس منسي

العميل : سلام عليكم

المهندس منسي : عليكم السلام

العميل : شركة إم تو باك

المهندس منسي : أيوه

العميل : معاك محمد الكلاني من المنصورة

المهندس منسي : أهلاً بيك

العميل : أهلاً وسهلاً أتشرف بحضرتك

المهندس منسي : معاك المهندس منسي، اتفضل

العميل : المهندس منسي …. طيب ده فرصة كويسة جداً

المهندس منسي : أهلاً بيك

العميل : الله يخليك، آخد من وقتك دقيتين

المهندس منسي : خير يا فندم اتفضل

العميل : أنا عايز عندي فاكهة وعايز أعبيها بطريقة، عايز العبوة بتاعت البيض اللي هي بتبقى في السوبر ماركت والكلام ده اللي هي البلاستيك الشفاف، تحس إن هي مقوى زي علبة كده طبق زي بتاع البيض بس هيبقى بحجم مختلف لفاكهة الكاكا

المهندس منسي : آه.. ماشي

العميل : ده إمكانيته، يعني الطن بكام بتصنيعها حاجة زي كده… اللي هوه هيبقى طبق بغطا كده هيقفل وخلاص يعني

المهندس منسي : هوه إحنا عندنا مكن اللي بيشكل الأشكال البلاستيك

العميل : تمام.. لكن حضرتك ما بتنتجش

المهندس منسي : لو عايز إنتاج للغير أعملك مافيش مشكلة

العميل : أنا بسأل على الإنتاج، أنا بسأل على إن الطن هيبقى بكام، أو لو بالطبق يعني الطبق بكام

المهندس منسي : ما هوه كل وحدة هتتحسب بناء على الشكل بتاعها، يعني هنشوف الأول سعر الخامة وسعر المصنعية وحاجات من دي

العميل : تمام… سعر الخامة وسعر المصنعية

المهندس منسي : آه…

العميل : سعر الخامة حضرتك بيبقى حضرتك الطن حوالي كام؟

المهندس منسي : هوه سعر الخامة النهاردة يعمله الكيلو في حدود 28

العميل : والمصنعية الطن؟

المهندس منسي : لا دي بقى بتحدد بناء على الشكل والكمية

العميل : يعني مش نسبة مثلاً من سعر الخامة….

المهندس منسي : يعني التكنيك، وفي كام عين، والكمية أد إيه… والسماكة وبتاخد وقت أد إيه على المكنة، حاجات كتيرة بتتحكم فيها

العميل : طيب يعني مثلاً طبق البيض ده بيتباع تقريبي الطن بتاعه بكام؟

المهندس منسي : محدش بيشتري مننا طبق بيض، كل اللي بيشتري مننا بيشتري مكنة عشان يصنع بيها طبق البيض، إنما محدش اشترى مننا طبق البيض، ويستحسن حضرتك لو اشتريت المكنة وصنعت عندك…

العميل : طيب والمكنة دي حضرتك تبقى في حدود أد إيه؟

المهندس منسي : يعني 15000 جنيه مصري

العميل : إيه بتجيبلها إنت الخامة، طب والاسطمبات والصيانة بتاعتها وإمكانيات إن أنا أعمل أكتر من اسطمبة

المهندس منسي : كل ده عندنا إن شاء الله، كل ده عندنا حلول ليه

العميل : تمام… طيب حضرتك أقرب معرض للشركة فين من الدقهلية أو من المنصورة؟

المهندس منسي : إحنا عندنا حدائق القبة، مدينة نصر، باب الشعرية

العميل : طيب لو فرع مدينة نصر مثلاً فين في مدينة نصر؟

المهندس منسي : هبعتهولك في رسالة حالاً

العميل : طيب تمام… شاكر لسيادتك جداً

المهندس منسي : مع السلامة

العميل : ماشي مع السلامة